ʻO KA ʻEPISETOLE A PAULO KA LUNAʻŌLELO I KO ROMA 1:21 - Ka Baibala Hemolele

²¹ No ka mea, i ka wā i ʻike ai lākou i ke Akua, ʻaʻole lākou i hoʻonani aku iā ia i Akua, ʻaʻole hoʻi i aloha aku; akā, ua lapuwale lākou i ko lākou manaʻo ʻana, a ua hoʻopouli ʻia hoʻi ko lākou naʻau hāwāwā.

ʻO KA ʻEPISETOLE A PAULO KA LUNAʻŌLELO I KO ROMA 1:21 Iomraidhean Croise

KA BUKE MUA A MOSE, I KAPA ʻIA KINOHI 6:5

¶ A ʻike maila ke Akua, he nui ka hewa o kānaka ma ka honua, a ua hewa wale nō ka noʻonoʻo ʻana o kona naʻau, āna i manaʻo ai i nā lā a pau.

KA BUKE MUA A MOSE, I KAPA ʻIA KINOHI 8:21

Honi maila ʻo Iēhova i ke ʻala ʻoluʻolu; ʻī ihola ʻo Iēhova i loko o kona naʻau, “ʻAʻole au e hōʻino hou i ka ʻāina no kānaka; no ka mea, ua hewa nō ka manaʻo ʻana o ko ke kanaka naʻau mai kona wā ʻōpiopio; ʻaʻole hoʻi au e luku hou aku i nā mea ola a pau, me aʻu i hana iho nei.

KA BUKE MUA NO NĀ ALIʻI 20:23

ʻŌlelo akula nā kauā a ke aliʻi o Suria iā ia, “He mau akua o nā puʻu ko lākou mau akua; no laila i ʻoi ai ko lākou ikaika ma mua o ko kākou. E kaua aku kākou iā lākou ma ka pāpū, a e ʻoi ʻiʻo aku ko kākou ikaika ma mua o ko lākou.

KA BUKE ʻALUA NO NĀ ALIʻI 17:15

A hoʻowahāwahā lākou i kona mau kānāwai, a me kāna berita āna i hana ai me ko lākou poʻe kūpuna, a me nā kauoha āna i hāʻawi mai ai iā lākou; a hele lākou ma muli o nā kiʻi lapuwale, a lilo lākou i poʻe lapuwale, a hele ma muli o nā lāhui kanaka e puni ana iā lākou, nā mea a Iēhova i kauoha mai ai, mai hana like ʻoukou me lākou.

KA BUKE O NĀ HALELŪ 50:23

“ʻO ka mea mōhai i ka hoʻoleʻa noʻu ʻo ia ke hoʻonani mai iaʻu; ʻO ka mea hoʻopono i kona hele ʻana ʻo kaʻu ia e hōʻike ai i ke ola o ke Akua.”

KA BUKE O NĀ HALELŪ 81:12

“A laila, hāʻawi akula au iā lākou i ka paʻakikī o ko lākou naʻau; A hele hoʻi lākou ma ko lākou manaʻo iho.

KA BUKE O NĀ HALELŪ 86:9

E hele mai nō ko nā ʻāina a pau āu i hana ai, A e kūlou hoʻomana i mua o kou alo, e ka Haku, A e hoʻonani aku i kou inoa.

KE KAHUNA 7:29

“Aia hoʻi, eia ka mea i loaʻa mai iaʻu; hana ihola ke Akua i ke kanaka i mea pololei; akā hoʻi, ua ʻimi ʻo ia i nā mea kekeʻe he nui wale.”

KA WĀNANA A ʻISAIA 60:2

“No ka mea, aia hoʻi, e uhi mai nō ka pōʻeleʻele i ka honua, A ʻo ka pouli loa hoʻi i nā kānaka; Akā, e puka mai nō ʻo Iēhova ma luna ou, A ʻike ʻia hoʻi kona nani ma luna ou.

KA WĀNANA A IEREMIA 16:19

¶ E Iēhova, koʻu ikaika, koʻu pā kaua hoʻi, A me koʻu puʻuhonua i ka lā o ka pōpilikia, E hele mai nō ko nā ʻāina ʻē i ou lā, Mai nā kūkulu o ka honua mai, a e ʻōlelo mai, “He ʻoiaʻiʻo, ua ili mai nō ka hoʻopunipuni i ko mākou poʻe mākua, A me ka lapuwale, a me nā mea waiwai ʻole.”

KA WĀNANA A IEREMIA 17:9

¶ “He hoʻopunipuni ka naʻau ma mua o nā mea a pau, A ua hewa loa hoʻi ia; ʻO wai ka mea hiki ke hoʻomaopopo?

KA WĀNANA A IEREMIA 2:5

Ke ʻī mai nei ʻo Iēhova penei, “He aha ka hewa i loaʻa i ko ʻoukou mau mākua i loko oʻu, I hele lōʻihi aku ai lākou mai oʻu aku nei, A ua hele hoʻi ma muli o ka lapuwale, A ua lilo lākou i mea lapuwale?

KA WĀNANA A IEREMIA 9:14

akā, ua hele lākou ma muli o ka paʻakikī o ko lākou naʻau iho, a ma muli o nā Baʻala hoʻi, nā mea a ko lākou poʻe mākua i aʻo mai ai iā lākou”;

KA WĀNANA A ʻEZEKIʻELA 14:5

i hopu au i ka ʻohana a ʻIseraʻela i loko o ko lākou naʻau iho; no ka mea, ua ʻaeʻa lākou mai oʻu aku nei ma ko lākou mau kiʻi.”’

KA WĀNANA A ʻEZEKIʻELA 20:25

“No laila hoʻi, hāʻawi au no lākou i nā kauoha pono ʻole, a me nā kānāwai i ola ʻole ai lākou i laila;

HOSEA 2:8

¶ “ʻAʻole ʻo ia i noʻonoʻo, ua hāʻawi aku au iā ia i ka mea ʻai, a me ka waina hou, a me ka ʻaila, A hoʻomāhuahua aku hoʻi i ke kālā, a me ke gula nona, Nā mea a lākou i hoʻomākaukau ai no Baʻala.

KA ʻEUANELIO I KĀKAU ʻIA AI E IOANE 3:19

“Eia ka mea i hoʻāhewa ʻia ai; ua hiki mai ka mālamalama i ke ao nei; akā, ua makemake nā kānaka i ka pouli, ʻaʻole i ka mālamalama; no ka mea, ua hewa nā hana ʻana a lākou.

NĀ ʻOIHANA A KA POʻE LUNAʻŌLELO 26:18

e hoʻokaʻakaʻa ai i ko lākou mau maka, a e hoʻohuli iā lākou, mai ka pouli mai i ka mālamalama, a mai ka mana o Sātana i ke Akua, i loaʻa iā lākou ke kala ʻana o ka hala, a me ka hoʻoilina ma waena o ka poʻe i hoʻomaʻemaʻe ʻia e ka manaʻoʻiʻo mai iaʻu.’

ʻO KA ʻEPISETOLE A PAULO KA LUNAʻŌLELO I KO ROMA 1:19

No ka mea, ʻo ka mea e hiki ke ʻike ʻia no ke Akua, ua akāka ia iā lākou; no ka mea, ua hoʻākāka mai nō ke Akua ia mea iā lākou.

ʻO KA ʻEPISETOLE A PAULO KA LUNAʻŌLELO I KO ROMA 1:28

¶ A no ko lākou makemake ʻole e hoʻopaʻa i ke Akua ma ko lākou ʻike, kuʻu ihola ke Akua iā lākou i ka naʻau hewa, e hana aku lākou i nā mea kū ʻole i ka pono;

ʻO KA ʻEPISETOLE A PAULO KA LUNAʻŌLELO I KO ROMA 11:10

“E hoʻopouli ʻia ko lākou mau maka, i ʻole ai lākou e ʻike, A e hoʻokūlou mau ʻia ko lākou kua».”

ʻO KA ʻEPISETOLE A PAULO KA LUNAʻŌLELO I KO ROMA 15:9

e hoʻonani aʻe hoʻi nā kānaka ʻē i ke Akua no kona lokomaikaʻi; e like me ka mea i palapala ʻia, “«No laila au e hoʻomaikaʻi aku ai iā ʻoe ma waena o ko nā ʻāina ʻē, A e hoʻoleʻa aku hoʻi au i kou inoa».”

KA BUKE ʻALIMA A MOSE, I KAPA ʻIA KĀNĀWAI LUA 28:29

“A e hāhā aku ʻoe i ka wā awakea e like me ka makapō i hāhā ai i ka pouli, ʻaʻole e pōmaikaʻi ʻoe ma kou ʻaoʻao; a e hoʻokaumaha wale ʻia ʻoe, a e kāʻili wale ʻia ʻoe i nā lā a pau, ʻaʻohe mea nāna ʻoe e hoʻopakele.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:2

No ka mea, e lilo ana nā kānaka i poʻe makemake iā lākou iho, puni kālā, hōʻoiʻoi, hoʻokano, hōʻino wale, hoʻolohe ʻole i nā mākua, aloha ʻole, huikala ʻole,

ʻO KA ʻEPISETOLE HOʻOLAHA MUA A PETERO 1:18

Ua ʻike nō hoʻi ʻoukou, ʻaʻole me nā mea popo wale e like me ke kālā a me ke gula, ua kūʻai ʻia ʻoukou mai ko ʻoukou noho lapuwale ʻana, ma muli o nā moʻoʻōlelo a ko ʻoukou kūpuna mai;

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

KA HŌʻIKE ʻANA A IOANE KA HAIPULE 14:7

ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”