KA HŌʻIKE ʻANA A IOANE KA HAIPULE 9:21 - Ka Baibala Hemolele

²¹ ʻAʻole hoʻi lākou i mihi i ko lākou pepehi kanaka ʻana, ʻaʻole hoʻi i ko lākou pule ʻanāʻanā, ʻaʻole hoʻi i ko lākou moekolohe, ʻaʻole hoʻi i ko lākou ʻaihue.

KA HŌʻIKE ʻANA A IOANE KA HAIPULE 9:21 Iomraidhean Croise

KA WĀNANA A ʻISAIA 47:12

¶ “E kū mai hoʻi ʻoe me kou hoʻopiʻopiʻo ʻana, A me kou kilokilo ʻana, he nui loa, Me ka mea āu i hoʻoikaika ai, mai kou wā ʻōpiopio mai; Inā paha e hiki iā ʻoe ke hoʻopōmaikaʻi ʻia, Inā paha e kū lanakila ʻoe.

KA WĀNANA A ʻISAIA 47:9

“Akā, e kau hoʻohikilele mai nō kēia mau mea ʻelua ma luna ou, ma ka lā hoʻokahi, ʻO ka lilo keiki ʻana, a me ka wahine kāne make ʻana; E kau loa mai nō ia mau mea ma luna ou ma ka ʻoiaʻiʻo maoli, No ka nui o kou kilokilo ʻana, a no ka nui loa o kou hoʻopiʻopiʻo ʻana.

KA WĀNANA A ʻISAIA 57:3

“E hoʻokokoke mai ʻoukou i ʻaneʻi, e nā keiki a ke kilo wahine, Nā keiki hoʻi a ke kāne moekolohe, a me ka wahine hoʻokamakama.

KA BUKE NO DANIʻELA 11:33

“A ʻo ka poʻe naʻauao o nā kānaka, e aʻo aku lākou i nā mea he nui; akā, e hāʻule auaneʻi lākou i ka pahi kaua, a me ka lapalapa ahi, e lawe pio ʻia, a e hao wale ʻia lākou i nā lā he nui.

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 15:19

“No ka mea, mai loko mai o ka naʻau ke puka mai nei nā manaʻo ʻino, ka pepehi kanaka ʻana, ka moekolohe ʻana, ka hoʻokamakama ʻana, ka ʻaihue ʻana, ka hoʻopunipuni ʻana, a me nā ʻōlelo ʻino.

ʻO KA ʻEPISETOLE LUA A PAULO KA LUNAʻŌLELO I KO KORINETO 12:21

ʻAnoʻai paha o hoʻohaʻahaʻa iho nō hoʻi kuʻu Akua iaʻu i waena o ʻoukou, i kuʻu hiki hou ʻana aku; a kanikau iho au i nā mea he nui i hana hewa ʻē ma mua, ʻaʻole hoʻi i mihi i ka haumia, a me ka moekolohe, a me ke kuʻulala a lākou i hana ai.

ʻO KA ʻEPISETOLE A PAULO KA LUNAʻŌLELO I KO GALATIA 5:20

ka hoʻomana kiʻi, ka hoʻopiʻopiʻo, ka inaina, ka hakakā, ka ukiuki, ka huhū, ka hoʻopaʻapaʻa, ka mokuāhana, ka manaʻo kūʻē,

KA HŌʻIKE ʻANA A IOANE KA HAIPULE 13:13

A hana ihola ia i nā mea kupanaha loa, a hoʻohāʻule maila ʻo ia i ke ahi, mai ka lani mai a ka honua i mua i ke alo o kānaka.

KA HŌʻIKE ʻANA A IOANE KA HAIPULE 13:15

A ua hāʻawi ʻia mai nāna e hoʻokomo i ke ola i loko o ua kiʻi nei o ka holoholona, i ʻōlelo mai ke kiʻi o ka holoholona, a nāna nō e pepehi a make ka poʻe a pau i hoʻomana ʻole i ke kiʻi o ka holoholona.

KA HŌʻIKE ʻANA A IOANE KA HAIPULE 13:7

Ua hāʻawi ʻia mai nāna e kaua i nā haipule, a e lanakila ma luna o lākou; a ua hāʻawi ʻia maila nāna ka mana ma luna o nā ʻohana a pau, a me nā ʻōlelo a pau, a me nā lāhui kanaka a pau.

KA HŌʻIKE ʻANA A IOANE KA HAIPULE 14:8

¶ Hahai akula ka lua o nā ʻānela, ʻī maila, “Ua hāʻule, ua hāʻule ʻo Babulona, ke kūlanakauhale nui; no ka mea, ua hoʻīnu akula ʻo ia i ko nā ʻāina a pau i ka waina o ka ukiuki no kona moekolohe ʻana.”

KA HŌʻIKE ʻANA A IOANE KA HAIPULE 16:6

“No ka mea, ua hoʻokahe lākou i ke koko o ka poʻe haipule, a me ka poʻe kāula, a ua hāʻawi aku ʻoe i ke koko na lākou e inu, ua kūpono nō ia iā lākou.”

KA HŌʻIKE ʻANA A IOANE KA HAIPULE 17:2

“Me ia nō i moekolohe ai nā aliʻi o ka honua, a ua ʻona hoʻi ka poʻe e noho lā ma ka honua i ka waina o kona moekolohe ʻana.”

KA HŌʻIKE ʻANA A IOANE KA HAIPULE 17:4

Ua hōʻaʻahu ʻia ka wahine i ka lole poni a me ka ʻula, ua hoʻonani ʻia e ke gula, a me ka pōhaku maikaʻi, a me nā momi; he kīʻaha gula ma kona lima, ua piha i nā mea hoʻopailua a me nā mea paumāʻele o kona moekolohe ʻana.

KA HŌʻIKE ʻANA A IOANE KA HAIPULE 17:5

A ua palapala ʻia ka inoa ma kona lae, ka mea huna, “BABULONA NUI, KA MAKUAHINE O NĀ WĀHINE HOʻOKAMAKAMA A ME NĀ MEA HOʻOPAILUA O KA HONUA.”

KA HŌʻIKE ʻANA A IOANE KA HAIPULE 18:3

“No ka mea, ua inu nō ko nā ʻāina a pau i ka waina o ka ukiuki o kona moekolohe ʻana, a ua moekolohe pū me ia nā aliʻi o ka honua nei, a ua waiwai loa ka poʻe kālepa o ka honua, no ka nui loa o kona noho leʻaleʻa ʻana.”

KA HŌʻIKE ʻANA A IOANE KA HAIPULE 19:2

“«No ka mea, he ʻoiaʻiʻo a he pono kāna hoʻopaʻi ʻana»; no ka mea, ua hoʻāhewa ʻo ia i ka wahine hoʻokamakama nui, nāna i hoʻohaumia i ka honua, i kona hoʻokamakama ʻana, a «ua hoʻopaʻi hoʻi i ke koko o kāna poʻe kauā ma kona lima».”

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.

KA HŌʻIKE ʻANA A IOANE KA HAIPULE 9:20

A ʻo kānaka i koe, ka poʻe i make ʻole i kēia mau mea ʻino, ʻaʻole lākou i mihi i nā hana a ko lākou mau lima, i ʻole ai lākou e hoʻomana aku i nā daimonio, a me nā akua kiʻi o ke gula, a me ke kālā, a me ke keleawe, a me ka pōhaku, a me ka lāʻau; nā mea ʻaʻole hiki ke nānā, ʻaʻole hoʻi ke lohe, ʻaʻole hoʻi ke hele.