KA HŌʻIKE ʻANA A IOANE KA HAIPULE 9:2 - Ka Baibala Hemolele

² Wehe aʻela ʻo ia i ka lua hohonu; a pūnohu akula ka uahi, mai ka lua aku, e like me ka uahi o ka umu nui hoʻoheheʻe hao; pouli ihola ka lā a me ka lewa no ka uahi o ka lua.

KA HŌʻIKE ʻANA A IOANE KA HAIPULE 9:2 Iomraidhean Croise

KA BUKE MUA A MOSE, I KAPA ʻIA KINOHI 15:17

A napoʻo ihola ka lā, a pōʻeleʻele ihola, aia hoʻi, neʻe aʻela ka umu ahi e pūnohu ana a me ke kukui e ʻā ana ma waena o ua mau ʻāpana lā.

KA BUKE MUA A MOSE, I KAPA ʻIA KINOHI 19:28

Nānā akula ia ma Sodoma a me Gomora, a ma ka ʻāina pāpū a pau, ʻike akula ia, aia hoʻi, piʻi aʻela ka uahi o ia ʻāina i luna, e like me ka pūnohu o ka lua ahi.

KA BUKE ʻALUA A MOSE, I KAPA ʻIA PUKA ʻANA 19:18

Ma ka mauna a pau i Sinai, he uahi; no ka mea, ua iho mai ʻo Iēhova ma luna ona ma loko o ke ahi; a pūnohu akula kona uahi, me he uahi umu hao lā, haʻalulu nui ihola ka mauna a pau.

KA WĀNANA A ʻISAIA 14:31

“E ʻaoa, e ka puka pā, e uē aku, e ke kūlanakauhale, Ua maʻule ʻoe, e Pilisetia a pau, No ka mea, ke pūnohu mai nei ka uahi mai ka ʻākau mai, ʻAʻohe mea heleleʻi o kona poʻe kaua.”

KA BUKE NO DANIʻELA 3:6

“A ʻo ka mea i moe ʻole i lalo, a hoʻomana ʻole aku, ia hora nō e hoʻolei ʻia aku ai ʻo ia i loko o ka umu ahi e ʻaʻā ana.”

IOʻELA 2:10

E naue ka honua i mua o lākou; E haʻalulu nā lani; E pouli ka lā, a me ka mahina, A e hoʻonalowale nā hōkū i ko lākou mālamalama.

IOʻELA 2:2

He lā pouli, a me ka pōpilikia, He lā nāulu a me ka pouli nui, E like me ka hohola ʻana o ke kakahiaka ma luna o nā mauna; He lāhui kanaka nui, a me ka ikaika; ʻAʻole me kēia mai ka wā kahiko mai, ʻAʻole hoʻi e like hou me ia ma hope, I nā makahiki o nā hanauna he nui.

IOʻELA 2:30

“A e hōʻike aku au i nā mea kupanaha ma ka lani, a ma ka honua; He koko, a me ke ahi, a me nā kia ao uahi.

NĀ ʻOIHANA A KA POʻE LUNAʻŌLELO 2:19

‘«A e hōʻike nō wau i nā mea kupanaha ma ka lani ma luna, A me nā hōʻailona hoʻi ma ka honua ma lalo; He koko, a me ke ahi, a me ke ao uahi.

KA HŌʻIKE ʻANA A IOANE KA HAIPULE 14:11

“Piʻi aʻela ka uahi o ko lākou hoʻomāinoino ʻia, ia ao aku ia ao aku; ʻaʻole ʻoluʻolu iki, i ke ao a me ka pō, ka poʻe i hoʻomana i ka holoholona a me kona kiʻi, a ʻo nā mea hoʻi a pau i loaʻa ka hōʻailona o kona inoa.”

KA HŌʻIKE ʻANA A IOANE KA HAIPULE 16:10

¶ Ninini akula ka ʻānela ʻelima i kona hue ma luna o ka noho aliʻi o ka holoholona; a pouli ihola kona aupuni, a nahu ihola lākou i ko lākou elelo no ka ʻeha nui,

KA HŌʻIKE ʻANA A IOANE KA HAIPULE 8:12

¶ A puhi aʻela ka ʻānela hā, a ua hahau ʻia akula kekahi hapakolu o ka lā, a me ka hapakolu o ka mahina, a me ka hapakolu o nā hōkū; ua pōʻeleʻele ka hapakolu o lākou, a ʻo ka hapakolu o ke ao, ʻaʻole mālamalama, a pēlā nō hoʻi ka pō.

KA HŌʻIKE ʻANA A IOANE KA HAIPULE 9:1

¶ A puhi aʻela ka ʻānela ʻelima, a ʻike akula au i kekahi hōkū i hāʻule, mai ka lani mai a i ka honua. A ua hāʻawi ʻia mai nāna ke kī o ka lua hohonu.

KA HŌʻIKE ʻANA A IOANE KA HAIPULE 9:11

He aliʻi nō hoʻi ko lākou, ʻo ia nō ka ʻānela o ka lua hohonu. A ʻo kona inoa Hebera, ʻo ʻAbadona, a ma ka ʻōlelo Helene, ʻo ʻApoluona kona inoa.

KA HŌʻIKE ʻANA A IOANE KA HAIPULE 9:17

A ʻike akula au ma ka hihiʻo, i nā lio a me ka poʻe i noho i luna o lākou, he ahi nō ko lākou pale umauma, a he hua kineto, a he luaʻi pele. A ʻo nā poʻo o nā lio, ua like me nā poʻo liona; a mai loko mai o ko lākou waha i puka mai ai ke ahi a me ka uahi a me ka luaʻi pele.