KA HŌʻIKE ʻANA A IOANE KA HAIPULE 8:5 - Ka Baibala Hemolele

⁵ Lawe aʻela ka ʻānela i ka ipu ʻala a hahao ihola a piha i ke ahi o ke kuahu, a kiola ihola i lalo i ka honua; a laila puka maila nā leo, a me nā hekili, a me nā uila, a me ke ōlaʻi.

KA HŌʻIKE ʻANA A IOANE KA HAIPULE 8:5 Iomraidhean Croise

KA BUKE MUA NO NĀ ALIʻI 19:11

ʻĪ maila hoʻi ʻo ia, “E puka aʻe, a e kū ma luna o ka mauna i mua o Iēhova.” Aia hoʻi, māʻalo aʻela ʻo Iēhova, a haehae aʻela ka makani nui ikaika i nā mauna, a wāwahi aʻela i nā pōhaku i mua o Iēhova; ʻaʻole naʻe ʻo Iēhova i loko o ka makani; a ma hope iho o ka makani, he ōlaʻi; ʻaʻole naʻe ʻo Iēhova i loko o ke ōlaʻi.

KA BUKE O NĀ HALELŪ 18:13

Ua hoʻohekili maila ʻo Iēhova ma ka lani; Ua hoʻopuka maila ka Mea Kiʻekiʻe Loa i kona leo; ʻO nā huahekili, a me nā lānahu ahi.

KA BUKE ʻALUA A MOSE, I KAPA ʻIA PUKA ʻANA 19:16

¶ A i ke kakahiaka o ke kolu o ka lā, he hekili, a he uila, a he ao polohiwa ma ka mauna, a he leo no ka pū e kani ikaika loa ana; haʻalulu ihola nā kānaka a pau ma ko lākou wahi i hoʻomoana ai.

KA WĀNANA A ʻISAIA 29:6

E hele hoʻohikilele mai ʻo Iēhova o nā kaua iā ʻoe, Me ka hekili a me ke ōlaʻi, Me ka uwalaʻau nui, a me ka puahiohio, Me ka ʻino, a me ka lapalapa ahi e hoʻopau ana.

KA WĀNANA A ʻISAIA 30:30

ʻO Iēhova ka mea e lohe ʻia ai kona leo nani, E hōʻike aku nō ʻo ia i ka iho ʻana o kona lima, Me ka ukiuki o ka inaina, A me ka lapalapa o ke ahi e hoʻopau ana, ʻO ka ua nui, a me ka ʻino, a me ka huahekili.

KA WĀNANA A ʻISAIA 66:6

“He leo no ka walaʻau, mai ke kūlanakauhale mai, He leo mai ka luakini mai, ka leo o Iēhova e hoʻopaʻi ana i kona poʻe ʻenemi.

KA WĀNANA A IEREMIA 51:11

¶ E ʻānai i nā pua, e lālau i nā pale kaua; Ua hoʻoikaika ʻo Iēhova i ka manaʻo o nā aliʻi o Media; No ka mea, he manaʻo kūʻē kona iā Babulona e luku ia wahi; No ka mea, ʻo ka hoʻopaʻi ʻana ia o Iēhova, ʻO kāna hoʻopaʻi ʻana hoʻi, no kona luakini.

KA BUKE ʻAKOLU A MOSE, I KAPA ʻIA ʻOIHANA KAHUNA 16:12

“A e lawe ʻo ia i hoʻokahi ipu kapuahi piha i nā lānahu ahi e ʻaʻā ana, mai luna iho o ke kuahu ma ke alo o Iēhova, a me ka piha o kona mau lima i ka mea ʻala i hoʻowali ʻia, a e hali aʻe, i loko aʻe o ka pākū.

ZEKARIA 14:5

A e holo aku ʻoukou i ke awāwa o nā mauna oʻu; no ka mea, e hiki aku ana ke awāwa o nā mauna i ʻAzala; a e holo ʻoukou e like me ko ʻoukou holo ʻana i ke ōlaʻi, i nā lā o ʻUzia, ʻo ke aliʻi o kā Iuda; a e hele mai ana ʻo Iēhova ʻo koʻu Akua, a me nā haipule a pau me ia.

KA ʻEUANELIO I KĀKAU ʻIA AI E MATAIO 24:7

“E kūʻē ana kekahi lāhui kanaka i kekahi lāhui kanaka; a ʻo kekahi aupuni i kekahi aupuni; a e hiki mai nō nā wī a me nā ahulau, a me nā ōlaʻi i kēlā wahi a i kēia wahi.

KA ʻEUANELIO I KĀKAU ʻIA AI E LUKA 12:49

¶ “Ua hele mai nei au e hoʻolei i ke ahi ma ka honua, he aha hoʻi koʻu makemake ē, inā i hoʻā ʻia.

NĀ ʻOIHANA A KA POʻE LUNAʻŌLELO 16:26

ʻEmo ʻole hoʻi he ōlaʻi nui, haʻalulu aʻela ke kumu o ka hale paʻahao; a wehe koke ʻia ihola nā puka a pau, a hemo wale nō hoʻi nā mea paʻa o lākou a pau.

NĀ ʻOIHANA A KA POʻE LUNAʻŌLELO 4:31

A pau kā lākou pule ʻana, nāueue aʻela kahi a lākou i ʻākoakoa ai; a ua piha ihola lākou i ka ʻUhane Hemolele, a haʻi akula lākou i ka ʻōlelo a ke Akua me ka wiwo ʻole.

KA HŌʻIKE ʻANA A IOANE KA HAIPULE 11:13

Ia hora, nui loa ihola ke ōlaʻi, a hiolo ihola kekahi hapaʻumi o ke kūlanakauhale; a make ihola ʻehiku tausani kānaka i ke ōlaʻi. Makaʻu loa ihola ka poʻe i koe, a hoʻonani akula lākou i ke Akua o ka lani.

KA HŌʻIKE ʻANA A IOANE KA HAIPULE 11:19

¶ A ua wehe ʻia aʻela ka luakini o ke Akua ma ka lani, a ʻike ʻia akula ka pahu o kāna berita, ma loko o kona luakini; a laila, nui ihola ka uila, a me nā leo, a me nā hekili, a me ke ōlaʻi, a me ka huahekili he nui loa.

KA HŌʻIKE ʻANA A IOANE KA HAIPULE 4:5

ʻAnapu maila ka uila mai ka noho aliʻi mai, a me ka hekili, a me nā leo. ʻEhiku hoʻi ipukukui ahi e ʻaʻā ana i mua o ka noho aliʻi, ʻo ia hoʻi nā ʻUhane ʻehiku o ke Akua.

KA HŌʻIKE ʻANA A IOANE KA HAIPULE 6:12

¶ A i kona ʻākaʻa ʻana i ke ono o nā wepa, ʻike akula au, a nui loa ihola ke ōlaʻi; a lilo ihola ka lā i mea ʻeleʻele e like me ka lole lauoho, a lilo ka mahina a pau e like me ke koko;

KA HŌʻIKE ʻANA A IOANE KA HAIPULE 8:3

¶ A hele aʻela kekahi ʻānela hou, a kū maila ma ke kuahu, he ipu ʻala gula kāna; a ua hāʻawi ʻia mai he mea ʻala iā ia he nui loa, i ʻāmama pū ʻo ia ia mea me nā pule a ka poʻe haipule a pau, ma ka lele gula aia i mua o ka noho aliʻi.