KA HŌʻIKE ʻANA A IOANE KA HAIPULE 8:13 - Ka Baibala Hemolele

¹³ ¶ Nānā akula au, a lohe akula i kekahi ʻānela e lele ana ma waena o ka lani, e hea ana me ka leo nui, “Auē, auē, auē, i ka poʻe e noho lā ma ka honua, no nā kani ʻana i koe o ka pū o nā ʻānela ʻekolu i mākaukau e hoʻokani mai!”

KA HŌʻIKE ʻANA A IOANE KA HAIPULE 8:13 Iomraidhean Croise

KA BUKE O NĀ HALELŪ 103:20

E hoʻomaikaʻi ʻoukou iā Iēhova, e kona poʻe ʻānela, Nā mea ikaika loa, a ua hana hoʻi ma kāna mau kauoha, A ua hoʻolohe i ka leo o kāna ʻōlelo!

KA WĀNANA A ʻEZEKIʻELA 2:10

A hohola maila ʻo ia ia mea i mua o koʻu alo; a ua kākau ʻia ma loko a ma waho, a ua kākau ʻia hoʻi ma laila: nā kanikau, a me ka uē ʻana, a me ka pōʻino.

ʻO KA ʻEPISETOLE A PAULO KA LUNAʻŌLELO I KO HEBERA 1:14

ʻAʻole anei lākou a pau he poʻe ʻuhane lawelawe i hoʻouna ʻia, e kōkua i ka poʻe e lilo ana i poʻe hoʻoilina o ke ola?

KA HŌʻIKE ʻANA A IOANE KA HAIPULE 11:14

¶ Ua hala ka lua o ka auē; aia hoʻi ke kolu o ka auē, e hiki koke mai ia.

KA HŌʻIKE ʻANA A IOANE KA HAIPULE 12:12

“No laila, e ʻoliʻoli ʻoukou, e nā lani, a me ka poʻe e noho lā ma laila. Auē hoʻi i ka poʻe e noho lā ma ka honua a ma ka moana! No ka mea, ua iho mai ʻo ka diabolō iā ʻoukou me ka inaina nui; no ka mea, ua ʻike ʻo ia, he pōkole kona wā.”

KA HŌʻIKE ʻANA A IOANE KA HAIPULE 14:3

Mele ihola lākou i ke mele hou i mua o ka noho aliʻi, a i mua o nā mea ola ʻehā, a i mua o nā lunakahiko. ʻAʻole e hiki i kekahi ke aʻo ia mele, ʻo ka poʻe hoʻokahi haneri me kanahākumamāhā tausani wale nō, ka poʻe i kūʻai hoʻōla ʻia aʻe mai ka honua aku.

KA HŌʻIKE ʻANA A IOANE KA HAIPULE 14:6

¶ A ʻike akula au i kekahi ʻānela hou e lele ana i waena o ka lani, iā ia ka ʻeuanelio mau loa, e aʻo ai i ka poʻe e noho lā ma ka honua, a i ko nā ʻāina a pau, a me nā ʻohana, a me nā ʻōlelo, a me nā lāhui kanaka;

KA HŌʻIKE ʻANA A IOANE KA HAIPULE 19:17

¶ A ʻike akula au i kekahi ʻānela e kū ana ma ka lā, a hea maila ia me ka leo nui, ʻī maila i nā manu a pau e lele ana ma ka lewa, “E hele mai, e ʻākoakoa ʻoukou i ka ʻahaʻaina nui a ke Akua;

KA HŌʻIKE ʻANA A IOANE KA HAIPULE 3:10

‘No ka mea, ua mālama ʻoe i ka ʻōlelo o koʻu ahonui, naʻu nō hoʻi e mālama aku iā ʻoe i ka hora o ka hoʻowalewale, i kokoke nō e hiki mai ma luna o ko ke ao nei a pau, e hoʻāʻo i ka poʻe e noho lā ma ka honua.

KA HŌʻIKE ʻANA A IOANE KA HAIPULE 8:2

A ʻike akula au i nā ʻānela ʻehiku, ka poʻe i kū i mua o ke Akua; a ua hāʻawi ʻia mai iā lākou ʻehiku pū puhi.

KA HŌʻIKE ʻANA A IOANE KA HAIPULE 9:1

¶ A puhi aʻela ka ʻānela ʻelima, a ʻike akula au i kekahi hōkū i hāʻule, mai ka lani mai a i ka honua. A ua hāʻawi ʻia mai nāna ke kī o ka lua hohonu.

KA HŌʻIKE ʻANA A IOANE KA HAIPULE 9:12

¶ Ua hala kekahi auē; aia hoʻi, ʻelua auē i koe ma hope aku.