KA HŌʻIKE ʻANA A IOANE KA HAIPULE 8:11 - Ka Baibala Hemolele

¹¹ Ua kapa ʻia aku ka inoa o ia hōkū, ʻo ʻAwaʻawa; a lilo ihola kekahi hapakolu o nā wai i ʻawaʻawa; a nui loa ihola ka poʻe kānaka i make i ka wai; no ka mea, ua lilo ia i mea ʻawaʻawa.

KA HŌʻIKE ʻANA A IOANE KA HAIPULE 8:11 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 15:23

A hiki maila lākou i Mara; ʻaʻole hiki iā lākou ke inu i ka wai o Mara; no ka mea, ua mulea ia; no ia mea, i kapa ʻia aku ai ia ʻo Mara.

NĀ ʻŌLELO AKAMAI A SOLOMONA 5:4

Akā, ua ʻawahia kona hope, e like me ka lāʻau ʻawaʻawa, ʻOiʻoi hoʻi e like me ka pahi kaua ʻoi lua.

KA WĀNANA A IEREMIA 23:15

“No laila, penei ka ʻōlelo ʻana mai a Iēhova o nā kaua, no nā kāula; ‘Aia hoʻi, e hānai aku au iā lākou i ka lāʻau ʻawaʻawa, A e hoʻohāinu aku au iā lākou i ka wai o ke au; No ka mea, mai nā kāula o Ierusalema aku I hele aku ai ka ʻaiā, a i ka ʻāina a pau.’”

KA WĀNANA A IEREMIA 9:15

no laila, penei ka ʻōlelo ʻana mai a Iēhova o nā kaua, ke Akua o kā ʻIseraʻela, “Aia hoʻi, e hānai aku nō wau iā lākou, i kēia poʻe kānaka hoʻi, i ka ʻawaʻawa, a e hoʻohāinu aku au iā lākou i ka wai o ke au.

KE KANIKAU A IEREMIA 3:19

¶ E manaʻo ana hoʻi au i koʻu pōpilikia a me koʻu ʻeha, I ka lāʻau ʻawaʻawa, a me ka lāʻau make.

KE KANIKAU A IEREMIA 3:5

Ua kūkulu kūʻē mai ʻo ia iaʻu, Ua hoʻopuni mai iaʻu i ka ʻawaʻawa, a me ke kaumaha.

ʻAMOSA 5:7

“E ka poʻe i hoʻolilo i ka ʻōlelo hoʻopono i mea ʻawaʻawa, A hoʻolei i ka pono ma ka honua,”

ʻAMOSA 6:12

¶ E holo anei nā lio ma luna o nā pōhaku? E mahi ʻōʻō palau ʻia anei ma laila me nā bipi kauō? No ka mea, ua hoʻolilo ʻoukou i ka hoʻopono ʻana i lāʻau make, A i ka hua o ka pono, i lāʻau ʻawaʻawa.

ZEKARIA 13:8

“A i loko o ka ʻāina a pau,” wahi a Iēhova, “E hōʻoki ʻia ai nā hapakolu ʻelua o ka poʻe i loko, a make; Akā, e hoʻokoe ʻia kekahi hapa i laila.

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

KA BUKE ʻALIMA A MOSE, I KAPA ʻIA KĀNĀWAI LUA 29:18

o noho auaneʻi i waena o ʻoukou, he kanaka, he wahine paha, a he ʻohana paha, a he hanauna paha, a huli aʻe kona naʻau i kēia lā mai o Iēhova ko kākou Akua aku, a hele e mālama i nā akua o kēia mau lāhui kanaka, o kupu mai auaneʻi i waena o ʻoukou ka lāʻau e hua ana i ka mea make a me ka mea ʻawaʻawa;

ʻO KA ʻEPISETOLE A PAULO KA LUNAʻŌLELO I KO HEBERA 12:15

E mālama hoʻi ʻoukou o loaʻa ʻole mai i kekahi ka hoʻomaikaʻi ʻia mai e ke Akua, o kupu mai hoʻi kekahi mole ʻawaʻawa i waena o ʻoukou e hihia ai ʻoukou, a e haumia ai hoʻi kekahi poʻe he nui nō;

KA HŌʻIKE ʻANA A IOANE KA HAIPULE 12:4

Huki maila kona huelo i ka hapakolu o nā hōkū o ka lani, a kiola ihola iā lākou i lalo i ka honua. Kū maila ua deragona nei, i mua o ka wahine e hānau ana, e ʻai aku i kāna keiki i kona wā e hānau ai.

KA HŌʻIKE ʻANA A IOANE KA HAIPULE 8:7

¶ A puhi aʻela ka ʻānela mua, a hiki maila ka huahekili, a me ke ahi, i hui pū ʻia me ke koko, ua hoʻolei ʻia ihola ia i ka honua. Pau ihola i ke ahi ka hapakolu o nā lāʻau, a pau nō hoʻi ka mauʻu uliuli a pau i ke ahi.

KA HŌʻIKE ʻANA A IOANE KA HAIPULE 9:15

Kuʻu ʻia akula ua mau ʻānela lā ʻehā, ka poʻe i mākaukau no ka hora, a no ka lā, a no ka malama, a no ka makahiki, i pepehi aku lākou i ka hapakolu o nā kānaka.

KA HŌʻIKE ʻANA A IOANE KA HAIPULE 9:18

I kēia mau mea ʻino ʻekolu, i make ai ka hapakolu o kānaka, i ke ahi, a i ka uahi a me ka luaʻi pele i puka mai i waho o ko lākou waha.

KA BUKE NO RUTA 1:20

ʻĪ akula ʻo ia iā lākou, “Mai kapa mai ʻoukou iaʻu ʻo Naomi, e kapa mai ʻoukou iaʻu ʻo Mara; no ka mea, ua hoʻokaumaha loa mai ka Mea Mana iaʻu.