KA HŌʻIKE ʻANA A IOANE KA HAIPULE 7:9 - Ka Baibala Hemolele

⁹ ¶ A ma hope iho o kēia mau mea, nānā akula au, aia hoʻi, he anaina nui loa, ʻaʻole hiki i kekahi ke helu aku, mai loko mai lākou o nā aupuni a pau, a me nā ʻohana, a me nā lāhui kanaka, a me nā ʻōlelo a pau, e kū ana lākou i mua o ka noho aliʻi, a i mua hoʻi o ke Keiki Hipa, ua ʻaʻahu ʻia lākou i nā holokū keʻokeʻo, a he mau pāma ma ko lākou mau lima.

KA HŌʻIKE ʻANA A IOANE KA HAIPULE 7:9 Iomraidhean Croise

KA BUKE MUA A MOSE, I KAPA ʻIA KINOHI 13:16

“E hoʻomāhuahua aku nō wau i kāu poʻe mamo e like me ka lepo o ka honua, inā e hiki i ke kanaka ke helu i nā huna lepo o ka honua, a laila e helu ʻia kāu poʻe mamo.

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE O NĀ HALELŪ 2:8

‘E noi mai ʻoe iaʻu, a e hāʻawi aku au iā ʻoe I nā lāhui kanaka i hoʻoilina nou, A i waiwai hoʻi nou nā welelau o ka honua.

KA BUKE O NĀ HALELŪ 22:27

E hoʻomanaʻo iho, a e huli mai nō iā Iēhova, nā welelau a pau o ka honua; E pau nō nā ʻohana o nā lāhui kanaka i ka hoʻomana i mua ou;

KA BUKE O NĀ HALELŪ 76:4

¶ Ua ʻoi aku ka hanohano o kou nani ma mua o nā mauna uliuli.

KA BUKE O NĀ HALELŪ 77:2

I koʻu lā i pōpilikia ai, nonoi akula au i ka Haku; Kīkoʻo akula kuʻu lima i ka pō, ʻaʻole i hāʻule; Hōʻole ihola kuʻu naʻau, ʻaʻole ia e hoʻomaha ʻia.

KA BUKE O NĀ HALELŪ 98:3

Ua hoʻomanaʻo mai ʻo ia i kona lokomaikaʻi, A me kona ʻoiaʻiʻo i ko ka hale o kā ʻIseraʻela; Ua ʻike nō nā kihi a pau o ka honua I ka hoʻōla ʻana o ko kākou Akua.

KA WĀNANA A IEREMIA 16:19

¶ E Iēhova, koʻu ikaika, koʻu pā kaua hoʻi, A me koʻu puʻuhonua i ka lā o ka pōpilikia, E hele mai nō ko nā ʻāina ʻē i ou lā, Mai nā kūkulu o ka honua mai, a e ʻōlelo mai, “He ʻoiaʻiʻo, ua ili mai nō ka hoʻopunipuni i ko mākou poʻe mākua, A me ka lapuwale, a me nā mea waiwai ʻole.”

KA WĀNANA A IEREMIA 3:17

“Ia manawa, e kapa nō lākou iā Ierusalema, ʻo ‘Ka Noho Aliʻi o Iēhova’; a e hoʻākoakoa ʻia mai ko nā ʻāina a pau i mua ona, i ka inoa ʻo Iēhova i Ierusalema; ʻaʻole hoʻi lākou e hele hou ma muli o ka paʻakikī o ka naʻau hewa.

KA WĀNANA A ʻEZEKIʻELA 47:5

A laila, ana hou aʻela ʻo ia i hoʻokahi tausani; he muliwai kā, ʻaʻole hiki iaʻu ke hele aʻe ma kēlā kapa; no ka mea, ua kiʻekiʻe aʻe nā wai, nā wai e ʻau ai, ʻaʻole hiki ke hele ʻia aʻe.

KA BUKE NO DANIʻELA 4:1

¶ ʻO Nebukaneza ke aliʻi, i nā kānaka a pau, a me nā lāhui kanaka, a me nā ʻōlelo ʻē, e noho ana ma ka honua a pau: “E hoʻomāhuahua ʻia ana ko ʻoukou maluhia.

KA BUKE NO DANIʻELA 6:25

¶ A laila, palapala akula ʻo Dariu ke aliʻi i nā lāhui kanaka a pau, me ko nā ʻāina, a me nā ʻōlelo ʻē, ka poʻe i noho ma ka honua a puni: “E māhuahua ʻia mai ko ʻoukou maluhia!

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

KA BUKE ʻAKOLU A MOSE, I KAPA ʻIA ʻOIHANA KAHUNA 23:40

‘E lawe hoʻi ʻoukou no ʻoukou iho i ka lā mua i nā lālā o nā lāʻau maikaʻi, i nā lālā o nā lāʻau pāma, a me nā lālā o nā lāʻau momona, a me nā wīlou o ke kahawai; a e hauʻoli aʻe ʻoukou ma ke alo o Iēhova ko ʻoukou Akua i nā lā ʻehiku.

ZEKARIA 10:8

“E pio aku nō au iā lākou, a e hōʻuluʻulu au iā lākou; No ka mea, e hoʻōla auaneʻi au iā lākou; A e māhuahua auaneʻi lākou, me kā lākou i māhuahua ai ma mua.

ZEKARIA 2:11

“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.

KA ʻEUANELIO I KĀKAU ʻIA AI E LUKA 12:1

¶ Ia manawa, ka ʻākoakoa lehulehu loa ʻana mai o ka ʻaha kanaka, a hehi kekahi ma luna o kekahi, ʻōlelo mua maila ia i kāna mau haumāna, “I nui ko ʻoukou mālama iā ʻoukou iho i ka mea hū a ka poʻe Parisaio; ʻo ka hoʻokamani nō ia.

KA ʻEUANELIO I KĀKAU ʻIA AI E LUKA 21:36

“No laila e kiaʻi ʻoukou me ka pule i kēlā manawa a i kēia manawa, i manaʻo ʻia mai ʻoukou e pono ke pakele ia mau mea a pau e kau mai ana, a e kū hoʻi i mua o ke Keiki a ke Kanaka.”

KA ʻEUANELIO I KĀKAU ʻIA AI E IOANE 12:13

lawe aʻela lākou i nā lālā pāma, a hele akula e hālāwai, a hoʻokani akula, “Hōsana! «Nani wale ke Aliʻi o kā ʻIseraʻela e hele mai ana ma ka inoa o ka Haku».”

ʻO KA ʻEPISETOLE A PAULO KA LUNAʻŌLELO I KO ROMA 11:25

¶ No ka mea, ʻaʻole au makemake e ʻike ʻole ʻoukou, e nā hoahānau, i kēia pohihihi, o akamai ʻoukou i ko ʻoukou manaʻo; ua loaʻa ka moʻowini i kekahi poʻe o kā ʻIseraʻela a hiki i ka manawa e komo mai ai ka nui o ko nā ʻāina ʻē.

ʻO KA ʻEPISETOLE A PAULO KA LUNAʻŌLELO I KO ʻEPESO 6:13

No ia hoʻi, e lawe ʻoukou i ke kāhiko a pau a ke Akua, i pono iā ʻoukou ke kūpaʻa, ke hiki mai ka lā ʻino; a pau aʻela nā mea i ka hana ʻia, e kūpaʻa ʻoukou.

ʻO KA ʻEPISETOLE A PAULO KA LUNAʻŌLELO I KO HEBERA 11:12

No laila i laha mai ai mai kēlā mea hoʻokahi, a ʻo ua mea lā me he mea make lā, ka poʻe mamo «e like me nā hōkū o ka lani ka lehulehu, a me ke one ma kahakai ʻaʻole pau i ka helu ʻia».

ʻO KA ʻEPISETOLE A PAULO KA LUNAʻŌLELO I KO HEBERA 12:22

Akā, ua hele mai nō ʻoukou i ka Mauna Ziona, a i ke kūlanakauhale o ke Akua ola, i ko ka lani Ierusalema, a i ke anaina hiki ʻole ke helu ʻia o nā ʻānela;

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 22:3

ʻAʻole loa he mea ʻino ma laila; a aia ma loko o ia wahi ka noho aliʻi o ke Akua a me ke Keiki Hipa, a e mālama kāna poʻe kauā iā ia.

KA HŌʻIKE ʻANA A IOANE KA HAIPULE 3:18

‘Ke aʻo aku nei au iā ʻoe, e kūʻai me aʻu i ke gula i hoʻomaikaʻi ʻia i ke ahi, i waiwai ʻiʻo ʻoe; a i ʻaʻahu keʻokeʻo, i ʻaʻahu ʻia ʻoe, i ʻike ʻole ʻia mai ka hilahila o kou ʻōlohelohe ʻana; a i lāʻau mākole e hamo ai i kou mau maka, i ʻike ʻoe.

KA HŌʻIKE ʻANA A IOANE KA HAIPULE 4:4

Ua puni kēlā noho aliʻi i nā noho he iwakāluakumamāhā; a ma luna iho o ua poʻe noho lā, e noho ana he poʻe lunakahiko, he iwakāluakumamāhā, ua ʻaʻahu ʻia i ka ʻaʻahu keʻokeʻo; a ma luna iho o ko lākou mau poʻo, he mau lei aliʻi gula.

KA HŌʻIKE ʻANA A IOANE KA HAIPULE 5:11

Nānā akula au, a lohe ihola i ka leo o nā ʻānela, he nui loa, a me nā mea ola, a me nā lunakahiko e anaina ana ma ka noho aliʻi: a ʻo ka helu ʻana iā lākou he haneri miliona a me nā tausani tausani;

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.

KA HŌʻIKE ʻANA A IOANE KA HAIPULE 6:11

Ua hāʻawi ʻia aku ka ʻaʻahu keʻokeʻo na kēlā mea kēia mea o lākou, ua ʻōlelo ʻia akula hoʻi lākou, e kakali iki lākou, a hiki i ka manawa e pau ai ko lākou poʻe hoa lawehana a me ko lākou poʻe hoahānau, ka poʻe e pepehi ʻia ana e like me lākou.

KA HŌʻIKE ʻANA A IOANE KA HAIPULE 7:8

a no ka ʻohana a Zebuluna, ua hōʻailona ʻia he ʻumikumamālua tausani; a no ka ʻohana a Iosepa, ua hōʻailona ʻia he ʻumikumamālua tausani; a no ka ʻohana a Beniamina, ua hōʻailona ʻia he ʻumikumamālua tausani.