KA HŌʻIKE ʻANA A IOANE KA HAIPULE 7:4 - Ka Baibala Hemolele

⁴ A lohe akula au i ka huina helu o ka poʻe i hōʻailona ʻia. Ua hōʻailona ʻia hoʻokahi haneri me kanahākumamāhā tausani, mai loko mai o nā ʻohana a pau o nā mamo a ʻIseraʻela.

KA HŌʻIKE ʻANA A IOANE KA HAIPULE 7:4 Iomraidhean Croise

KA BUKE MUA A MOSE, I KAPA ʻIA KINOHI 15:5

Kaʻi akula ʻo ia iā ia ma waho, ʻī maila, “E nānā aku ʻoe i luna i ka lani, e helu i nā hōkū, inā e hiki iā ʻoe ke helu.” ʻĪ maila kēlā iā ia, “Pēlā auaneʻi kāu poʻe mamo.”

KA BUKE ʻALUA A MOSE, I KAPA ʻIA PUKA ʻANA 28:21

“A ma ia mau pōhaku nō, nā inoa o nā keiki a ʻIseraʻela, he ʻumikumamālua, e like me ko lākou inoa, me ke kahakaha ʻana o ka hōʻailona; ʻo kēlā mea, kēia mea ma kona inoa, e like me nā ʻohana he ʻumikumamālua.

KA WĀNANA A ʻEZEKIʻELA 47:13

¶ Ke ʻī mai nei Iēhova ka Haku, penei, “Eia ka palena e ʻai ai ʻoukou i ka ʻāina, ma muli o nā ʻohana ʻumikumamālua o ʻIseraʻela; he mau ʻāpana ko Iosepa.

KA WĀNANA A ʻEZEKIʻELA 48:19

“A ʻo ka poʻe lawelawe na ke kūlanakauhale, e lawelawe lākou nāna, no loko mai o nā ʻohana a pau a ʻIseraʻela.

KA WĀNANA A ʻEZEKIʻELA 48:31

“A ʻo nā ʻīpuka o ke kūlanakauhale, ma muli no lākou ʻo nā inoa o nā ʻohana a ʻIseraʻela; ʻekolu ʻīpuka ma ke kūkulu ʻākau: hoʻokahi ʻīpuka o Reubena, hoʻokahi ʻīpuka o Iuda, hoʻokahi ʻīpuka o Levi.

ZEKARIA 9:1

¶ Ka wānana o ka ʻōlelo a Iēhova i ka ʻāina ʻo Haderaka, a ʻo Damaseko kona wahi e hoʻomaha ai; no ka mea, ua kau pono ʻia nā maka o nā kānaka, a me nā ʻohana a pau o kā ʻIseraʻela ma luna o Iēhova;

KA ʻEUANELIO I KĀKAU ʻIA AI E MATAIO 19:28

ʻĪ maila ʻo Iesū iā lākou, “He ʻoiaʻiʻo kaʻu e ʻōlelo aku nei iā ʻoukou, i ke ola hou ʻana, i ka wā e noho ai ke Keiki a ke Kanaka ma luna o kona noho aliʻi nani; ʻoukou hoʻi ka poʻe i hahai mai iaʻu, e noho nō ʻoukou ma luna o nā noho aliʻi he ʻumikumamālua, i poʻe luna kānāwai no nā ʻohana o ʻIseraʻela he ʻumikumamālua.

KA ʻEUANELIO I KĀKAU ʻIA AI E LUKA 14:22

“A ʻōlelo maila ua kauā lā, ‘E ka haku, ua pau i ka hana ʻia kāu mea i ʻōlelo mai ai, a he wahi kaʻawale nō koe.’

KA ʻEUANELIO I KĀKAU ʻIA AI E LUKA 22:30

“E ʻai ʻoukou a e inu hoʻi ma kaʻu papa ʻaina i loko o koʻu aupuni, a e noho hoʻi ma nā noho aliʻi e hoʻopono ana i nā ʻohana he ʻumikumamālua a ʻIseraʻela.”

NĀ ʻOIHANA A KA POʻE LUNAʻŌLELO 26:7

“Ke manaʻolana nei nō hoʻi ko mākou poʻe ʻohana, he ʻumi a me kumamālua, e loaʻa ia mea, me ka mālama mau aku i ka pō a me ke ao; no ia manaʻolana oʻu, e ke aliʻi, e ʻAgeripa ē, ua hoʻopiʻi ʻia mai nei au e nā Iudaio.

ʻO KA ʻEPISETOLE A PAULO KA LUNAʻŌLELO I KO ROMA 9:27

Ua ʻōlelo mai hoʻi ʻo ʻIsaia no kā ʻIseraʻela, “«Inā he lehulehu nā mamo a ʻIseraʻela», e like me ke one o ke kai, he hapa ka poʻe e hoʻōla ʻia.

ʻO KA ʻEPISETOLE HOʻOLAHA A IAKOBO 1:1

¶ Na Iakobo, he kauā na ke Akua, a me ka Haku ʻo Iesū Kristo, i ka poʻe ʻohana he ʻumi a me kumamālua i hoʻopuehu ʻia: Aloha ʻoukou.

KA HŌʻIKE ʻANA A IOANE KA HAIPULE 14:1

¶ Nānā akula au, aia hoʻi, kū maila ke Keiki Hipa ma ka mauna ʻo Ziona, a me ia pū hoʻokahi haneri me kanahākumamāhā tausani, me ka inoa o kona Makua i kākau ʻia ma ko lākou lae.

KA HŌʻIKE ʻANA A IOANE KA HAIPULE 14:3

Mele ihola lākou i ke mele hou i mua o ka noho aliʻi, a i mua o nā mea ola ʻehā, a i mua o nā lunakahiko. ʻAʻole e hiki i kekahi ke aʻo ia mele, ʻo ka poʻe hoʻokahi haneri me kanahākumamāhā tausani wale nō, ka poʻe i kūʻai hoʻōla ʻia aʻe mai ka honua aku.

KA HŌʻIKE ʻANA A IOANE KA HAIPULE 7:5

No ka ʻohana a Iuda, ua hōʻailona ʻia he ʻumikumamālua tausani; a no ka ʻohana a Reubena, ua hōʻailona ʻia he ʻumikumamālua tausani; a no ka ʻohana a Gada, ua hōʻailona ʻia he ʻumikumamālua tausani;

KA HŌʻIKE ʻANA A IOANE KA HAIPULE 9:16

A ʻo ka huina helu o nā pūʻali holoholo lio, ʻelua haneri tausani o nā tausani lākou. A lohe au i ko lākou helu ʻia ʻana.