KA HŌʻIKE ʻANA A IOANE KA HAIPULE 7:17 - Ka Baibala Hemolele

¹⁷ “No ka mea, ʻo ke Keiki Hipa ka Mea ma loko ma kahi o ka noho aliʻi, ʻo ia ka Mea e hānai ana iā lākou, a e alakaʻi aku hoʻi iā lākou, i nā pūnāwai ola; a na ke Akua nō e holoi aʻe mai ko lākou maka aku, i nā waimaka a pau.”

KA HŌʻIKE ʻANA A IOANE KA HAIPULE 7:17 Iomraidhean Croise

KA BUKE O NĀ HALELŪ 22:26

E ʻai nō ka poʻe akahai a māʻona; E hoʻoleʻa aku nō iā Iēhova ka poʻe e ʻimi iā ia; E ola mau loa ko ʻoukou naʻau!

KA BUKE O NĀ HALELŪ 23:5

Ke hoʻomākaukau mai nei ʻoe i ka papa ʻaina naʻu ma ke alo o koʻu mau ʻenemi; Ua kāhinu mai ʻoe i kuʻu poʻo me ka ʻaila; Ua piha a hū koʻu kīʻaha.

KA BUKE O NĀ HALELŪ 28:9

E hoʻōla i kou poʻe kānaka, a e hoʻomaikaʻi i kou hoʻoilina; E hānai iā lākou, a e kaʻikaʻi iā lākou a mau loa.

KA WĀNANA A ʻISAIA 12:3

E huki nō ʻoukou i ka wai me ka ʻoliʻoli, Mai loko mai o nā pūnāwai ola.

KA WĀNANA A ʻISAIA 25:6

¶ Na Iēhova o nā kaua e hana ma luna o kēia mauna, I ʻahaʻaina mea ʻono, no nā kānaka a pau, he ʻaha inu waina kahiko, He mau mea maikaʻi ʻono loa, he waina kahiko i hana ʻia a maikaʻi.

KA WĀNANA A ʻISAIA 25:8

E hoʻopau nō hoʻi ʻo ia i ka make no ka manawa pau ʻole; A na ka Haku ʻo Iēhova, e holoi i ka waimaka, Mai nā maka a pau aku; E lawe aku nō hoʻi ia i ka hilahila o kona poʻe kānaka, Mai ka honua a pau aku; No ka mea, ʻo Iēhova kai ʻōlelo mai.

KA WĀNANA A ʻISAIA 30:19

No ka mea, e noho nō nā kānaka o Ziona ma Ierusalema; ʻaʻole loa hoʻi ʻoukou e uē hou aku; e lokomaikaʻi loa aku ʻo ia i ka leo o kou kāhea ʻana, a lohe ʻo ia, e ʻae mai nō iā ʻoe.

KA WĀNANA A ʻISAIA 30:25

A ma luna o nā kuahiwi kiʻekiʻe a pau, a ma luna hoʻi o nā puʻu kiʻekiʻe a pau, e loaʻa nō nā kahawai, a me ka wai e kahe ana, i ka lā o ka make nui, i ka hāʻule ʻana o nā hale kiaʻi.

KA WĀNANA A ʻISAIA 35:10

A e hoʻi mai nō ko Iēhova poʻe i kūʻai hoʻōla ʻia, E hele mai nō lākou i Ziona me ke ʻoli, A me ka hauʻoli mau ma luna o ko lākou mau poʻo; E loaʻa nō iā lākou ka ʻoliʻoli, a me ka hauʻoli, A e ʻauheʻe aku nō ke kaumaha, a me ke kaniʻuhū.

KA WĀNANA A ʻISAIA 40:11

E hānai nō ʻo ia i kāna ʻohana me he kahu hipa lā; E hōʻiliʻili nō hoʻi i nā keiki hipa i kona lima, A hiʻipoi hoʻi iā lākou ma kona poli, A alakaʻi i ka poʻe hānai waiū.

KA WĀNANA A ʻISAIA 49:9

“I ʻōlelo nō hoʻi ʻoe i ka poʻe i paʻa, ‘E hele i waho,’ A i ka poʻe ma ka pouli, ‘E hōʻike iā ʻoukou iho.’ E ʻai nō lākou ma nā alanui, A ma nā puʻu a pau kā lākou ʻai.

KA WĀNANA A ʻISAIA 51:11

E hoʻi mai nō hoʻi ko Iēhova poʻe i hoʻōla pānaʻi ʻia, E hele mai nō lākou i Ziona me ke ʻoli; He hauʻoli mau loa ma luna o ko lākou mau poʻo; E loaʻa nō iā lākou ka ʻoliʻoli, a me ka hauʻoli, A e heʻe loa aku nō ke kaumaha, a me ke kaniʻuhū.

KA WĀNANA A ʻISAIA 60:20

“ʻAʻole e napoʻo hou kou lā, ʻAʻole hoʻi e lawe ʻia aku kou mahina; No ka mea, ʻo Iēhova auaneʻi kou mālamalama mau loa, A e pau auaneʻi nā lā o kou kūmākena ʻana.

KA WĀNANA A ʻISAIA 65:19

“A e ʻoliʻoli nō wau iā Ierusalema, A e hauʻoli hoʻi i koʻu poʻe kānaka; ʻAʻole e lohe hou ʻia ma loko ona, ka leo o ka uē ʻana, A me ka leo o ke kūmākena.

KA WĀNANA A IEREMIA 2:13

“No ka mea, ua hana koʻu poʻe kānaka i nā hewa ʻelua; Ua haʻalele mai lākou iaʻu, i ke kumu wai ola, A ua ʻeli lākou i nā luawai, i nā luawai nāhāhā, ʻaʻole e paʻa ka wai ma loko.

KA WĀNANA A IEREMIA 31:9

“E hele mai nō lākou me ka uē, Iā lākou e pule ai, e alakaʻi nō wau iā lākou; E hoʻohele nō wau iā lākou ma nā kahawai, Ma ke ala pololei; ʻaʻole lākou e kūlanalana ma laila; No ka mea, he Makua nō wau no kā ʻIseraʻela, A ʻo ʻEperaima kaʻu hiapo.”

KA WĀNANA A ʻEZEKIʻELA 34:23

“A e hoʻonoho aku au i ke kahu hipa hoʻokahi ma luna o lākou, a e hānai ʻo ia iā lākou, ʻo kaʻu kauā, ʻo Dāvida, e hānai ʻo ia iā lākou, a ʻo ia auaneʻi ko lākou kahu hipa.

MIKA 5:4

A e kū mai nō ia, e hānai ma ka ikaika o Iēhova, Ma ka mana o ka inoa ʻo Iēhova kona Akua; A e noho iho lākou; No ka mea, ʻānō e nui auaneʻi ʻo ia A hiki i nā palena o ka honua.

MIKA 7:14

¶ E hānai ʻoe i kou poʻe kānaka me kou koʻokoʻo, Ka poʻe o kou hoʻoilina, Ka poʻe e noho mehameha ana ma ka ulu lāʻau, I waena o Karemela; E ʻai lākou ma Basana, a ma Gileada, E like me ka manawa kahiko.

KA ʻEUANELIO I KĀKAU ʻIA AI E MATAIO 2:6

‘«ʻO ʻoe, e Betelehema, i ka ʻāina ʻo Iuda, ʻAʻole nō ʻoe ka mea ʻuʻuku loa i waena o ko Iuda poʻe aliʻi; No ka mea, mai loko mai ou e hele mai ana kekahi Aliʻi, Nāna e hoʻomalu i koʻu poʻe kānaka o kā ʻIseraʻela».’”

KA ʻEUANELIO I KĀKAU ʻIA AI E MATAIO 5:4

¶ “Pōmaikaʻi ka poʻe e ʻū ana; no ka mea, e hōʻoluʻolu ʻia aku lākou.

KA ʻEUANELIO I KĀKAU ʻIA AI E IOANE 10:11

“ʻO wau nō ke kahu hipa maikaʻi; ʻo ke kahu hipa maikaʻi, ʻo ia ke hāʻawi i kona ola iho no nā hipa.

KA ʻEUANELIO I KĀKAU ʻIA AI E IOANE 10:14

“ʻO wau nō ke kahu hipa maikaʻi, ua ʻike nō au i kaʻu, ua ʻike ʻia hoʻi au e kaʻu.

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

KA ʻEUANELIO I KĀKAU ʻIA AI E IOANE 4:11

ʻŌlelo akula ka wahine iā ia, “E ka Haku, ʻaʻole ou bākeke, a ua hohonu ka pūnāwai; no hea lā e loaʻa ai iā ʻoe ua wai ola lā?

KA ʻEUANELIO I KĀKAU ʻIA AI E IOANE 4:14

“Akā, ʻo ka mea e inu i ka wai aʻu e hāʻawi aku ai iā ia, ʻaʻole loa ia e make wai hou aku; akā, ʻo ka wai aʻu e hāʻawi aku ai iā ia, e lilo ia i wai puna i loko ona e pipiʻi ana i ke ola mau loa.”

NĀ ʻOIHANA A KA POʻE LUNAʻŌLELO 20:28

“No laila e ao ʻoukou iā ʻoukou iho, a me ka ʻohana a pau, ma luna ona i hoʻolilo ʻia ai ʻoukou e ka ʻUhane Hemolele i poʻe kahu. E hānai i ka ʻekalesia o ke Akua, i ka mea āna i kūʻai ai i kona koko iho.

ʻO KA ʻEPISETOLE HOʻOLAHA MUA A PETERO 5:2

E hānai ʻoukou i ka poʻe o ke Akua i waena o ʻoukou, e kiaʻi ana, ʻaʻole no ka hoʻokoi ʻia mai, no ka makemake nō; ʻaʻole hoʻi no ka puni waiwai; akā, no ka manaʻo pono.

KA HŌʻIKE ʻANA A IOANE KA HAIPULE 14:4

ʻO ia ka poʻe, ʻaʻole i haumia i nā wāhine; no ka mea, he poʻe puʻupaʻa lākou. ʻO ia ka poʻe hahai i ke Keiki Hipa i kona wahi a pau i hele aku ai. ʻO ia ka poʻe i kūʻai hoʻōla ʻia mai waena aʻe o nā kānaka, i hua mua no ke Akua a no ke Keiki Hipa.

KA HŌʻIKE ʻANA A IOANE KA HAIPULE 21:22

ʻAʻole au i ʻike aku he luakini ma loko ona; no ka mea, ʻo ka Haku ʻo ke Akua Mana Loa, a me ke Keiki Hipa, ʻo ia ko laila luakini.

KA HŌʻIKE ʻANA A IOANE KA HAIPULE 21:23

ʻAʻole pono ka lā ma ia kūlanakauhale, ʻaʻole hoʻi ka mahina, i mea e mālamalama ai ma loko; no ka mea, ua hoʻomālamalama mai ka nani o ke Akua ia wahi, a ʻo ke Keiki Hipa, ʻo ia kona mālamalama.

KA HŌʻIKE ʻANA A IOANE KA HAIPULE 21:4

“A na ke Akua nō e holoi i nā waimaka a pau, mai ko lākou maka aku; ʻaʻole he make hou aku, ʻaʻole kaumaha, ʻaʻole uē, ʻaʻole hoʻi he mea e ʻeha ai; no ka mea, ua pau nā mea kahiko i ka lilo aku.”

KA HŌʻIKE ʻANA A IOANE KA HAIPULE 21:6

ʻĪ hou mai ia iaʻu, “Ua pau; ʻo wau nō ka ʻAlepa a me ka ʻOmega, ke Kumu a me ka Wēlau. ʻO ka mea make wai, e hāʻawi wale aku au nāna i ka wai puna o ke ola.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 4:11

“E pono nō ʻoe, e ka Haku, ke loaʻa iā ʻoe ka nani a me ka mahalo a me ka mana; No ka mea, nāu nō i hana i nā mea a pau, A ma kou makemake nō lākou i mau ai a hana ʻia hoʻi.”

KA HŌʻIKE ʻANA A IOANE KA HAIPULE 5:6

A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.