KA HŌʻIKE ʻANA A IOANE KA HAIPULE 7:13 - Ka Baibala Hemolele

¹³ ʻĪ maila kekahi o nā lunakahiko, nīnau maila iaʻu, “ʻO wai lākou nei i ʻaʻahu ʻia i ka ʻaʻahu lole keʻokeʻo? A mai hea maila lākou i hele mai ai?”

KA HŌʻIKE ʻANA A IOANE KA HAIPULE 7:13 Iomraidhean Croise

KA BUKE MUA A MOSE, I KAPA ʻIA KINOHI 16:8

ʻĪ maila ia, “E Hagara, e ke kauā wahine a Sarai, no hea mai ʻoe? E hele ana hoʻi ʻoe i hea?” ʻĪ akula kēlā, “Ke mahuka aku nei au mai ke alo o koʻu haku wahine, mai o Sarai aku.”

KA BUKE NO DANIʻELA 7:16

“Hoʻokokoke akula au i kekahi o nā mea e kū ana ma laila, a nīnau akula au iā ia i ka ʻoiaʻiʻo ʻana o kēia mau mea a pau. A laila haʻi maila ʻo ia iaʻu, a hoʻākāka mai iaʻu i ke ʻano o kēia mau mea:

KA ʻEUANELIO I KĀKAU ʻIA AI E IOANE 7:28

No laila kāhea maila ʻo Iesū i kāna aʻo ʻana i loko o ka luakini, ʻī maila, “Ua ʻike ʻoukou iaʻu, ʻike hoʻi ʻoukou i koʻu wahi i hele mai ai; ʻaʻole au i hele mai noʻu iho; akā, ʻo ka Mea nāna au i hoʻouna mai, he ʻoiaʻiʻo ia, ka Mea a ʻoukou i ʻike ʻole ai.

NĀ ʻOIHANA A KA POʻE LUNAʻŌLELO 3:12

A ʻike maila ʻo Petero, ʻōlelo maila ia i ua poʻe kānaka lā, “E nā kānaka o kā ʻIseraʻela, no ke aha lā i kāhāhā mai ai ko ʻoukou naʻau i kēia mea? No ke aha lā ʻoukou e haka pono mai ai iā māua me he mea lā na māua nō, i ko māua mana, a me ko māua hemolele iho, i hana aku ai iā ia e hele?

KA HŌʻIKE ʻANA A IOANE KA HAIPULE 3:4

‘He mau inoa nō naʻe kou ma Saredeisa, ʻaʻole i hoʻohaumia lākou i ko lākou mea ʻaʻahu; e hele pū lākou me aʻu, ma ke keʻokeʻo; no ka mea, ua pono lākou.

KA HŌʻIKE ʻANA A IOANE KA HAIPULE 4:10

a laila, moe ihola ka poʻe lunakahiko he iwakāluakumamāhā, i mua o ka Mea e noho ana ma ka noho aliʻi, a hoʻomana akula i ka Mea e ola mau ana ia ao aku, ia ao aku; a hoʻolei nō hoʻi i ko lākou mau lei aliʻi i mua o ka noho aliʻi, me ka ʻī ʻana aʻe,

KA HŌʻIKE ʻANA A IOANE KA HAIPULE 4:4

Ua puni kēlā noho aliʻi i nā noho he iwakāluakumamāhā; a ma luna iho o ua poʻe noho lā, e noho ana he poʻe lunakahiko, he iwakāluakumamāhā, ua ʻaʻahu ʻia i ka ʻaʻahu keʻokeʻo; a ma luna iho o ko lākou mau poʻo, he mau lei aliʻi gula.

KA HŌʻIKE ʻANA A IOANE KA HAIPULE 5:11

Nānā akula au, a lohe ihola i ka leo o nā ʻānela, he nui loa, a me nā mea ola, a me nā lunakahiko e anaina ana ma ka noho aliʻi: a ʻo ka helu ʻana iā lākou he haneri miliona a me nā tausani tausani;

KA HŌʻIKE ʻANA A IOANE KA HAIPULE 5:5

ʻĪ maila kekahi o nā lunakahiko iaʻu, “Mai uē ʻoe; aia hoʻi ua lanakila maila ka Liona o ka ʻohana a Iuda, ka Mamo a Dāvida, e wehe i ua buke nei, a e ʻākaʻa i kona mau wepa ʻehiku.”

KA HŌʻIKE ʻANA A IOANE KA HAIPULE 7:9

¶ A ma hope iho o kēia mau mea, nānā akula au, aia hoʻi, he anaina nui loa, ʻaʻole hiki i kekahi ke helu aku, mai loko mai lākou o nā aupuni a pau, a me nā ʻohana, a me nā lāhui kanaka, a me nā ʻōlelo a pau, e kū ana lākou i mua o ka noho aliʻi, a i mua hoʻi o ke Keiki Hipa, ua ʻaʻahu ʻia lākou i nā holokū keʻokeʻo, a he mau pāma ma ko lākou mau lima.

KA BUKE NO NĀ LUNA KĀNĀWAI 13:6

A laila, hele aʻela ka wahine, a haʻi aʻela i kāna kāne, ʻī aʻela, “Ua hele mai nei ke Kanaka o ke Akua iaʻu, ua like kona helehelena me ka helehelena o ka ʻānela o ke Akua, weliweli loa. ʻAʻole au i nīnau aku iā ia i kona wahi, ʻaʻole hoʻi ia i haʻi mai iaʻu i kona inoa.