KA HŌʻIKE ʻANA A IOANE KA HAIPULE 7:12 - Ka Baibala Hemolele

¹² ʻī akula, “ʻĀmene; no ko kākou Akua ke aloha, a me ka nani, a me ke akamai, a me ka hoʻomaikaʻi, a me ka hanohano, a me ka mana, a me ka ikaika, ia ao aku ia ao aku. ʻĀmene.”

KA HŌʻIKE ʻANA A IOANE KA HAIPULE 7:12 Iomraidhean Croise

KA BUKE A NEHEMIA 12:46

No ka mea, i nā lā o Dāvida a me ʻAsapa, mai ka wā kahiko mai, he poʻe luna nō ma luna o ka poʻe mele, a he mau mele nō e hoʻoleʻa aku ai a e hoʻonani aku ai i ke Akua.

KA BUKE A NEHEMIA 12:8

¶ A ʻo nā Levi: Iesua, Binui, Kademiʻela, Serebia, Iuda, Matania; ʻo ia a me kona poʻe hoahānau ka poʻe ma luna o ka hoʻoleʻa ʻana aku.

KA BUKE O NĀ HALELŪ 100:4

¶ E komo ʻoukou i loko o kona ʻīpuka me ka mililani, A i loko hoʻi o kona kahua me ka halelū; E mililani aku iā ia, a e hoʻomaikaʻi aku hoʻi i kona inoa.

KA BUKE O NĀ HALELŪ 106:48

E hoʻomaikaʻi ʻia ʻo Iēhova, ke Akua o kā ʻIseraʻela. Mai kahiko loa mai, a mau loa aku nō; E ʻī mai nō hoʻi nā kānaka a pau, “ʻĀmene.” E halelū aku iā Iēhova!

KA BUKE O NĀ HALELŪ 107:22

E mōhai aku nō hoʻi lākou i ka mōhai o ke aloha, A e hōʻike aku i kāna mau hana me ka hauʻoli.

KA BUKE O NĀ HALELŪ 116:17

E kaumaha aku au iā ʻoe i ka mōhai mililani, A e kāhea aku hoʻi i ka inoa ʻo Iēhova.

KA BUKE O NĀ HALELŪ 147:7

¶ E ʻoliʻoli aku iā Iēhova, me ka mililani aku, E hoʻoleʻa aku i ko kākou Akua ma ka mea kani.

KA BUKE O NĀ HALELŪ 41:13

¶ E hoʻomaikaʻi mau ʻia aku ʻo Iēhova ke Akua o ʻIseraʻela, Mai ke ao kumu ʻole, a i ke ao pau ʻole. ʻĀmene, ʻĀmene.

KA BUKE O NĀ HALELŪ 50:14

“E mōhai i ka hoʻomaikaʻi ʻana i ke Akua; A e hāʻawi i ka Mea Kiʻekiʻe Loa i kāu mea i hoʻohiki ai nona;

KA BUKE O NĀ HALELŪ 72:19

E hoʻonani mau loa ʻia aku kona inoa ʻihi, E hoʻopaʻapū ʻia ka honua a pau i kona nani. ʻĀmene, a ʻĀmene.

KA BUKE O NĀ HALELŪ 89:52

¶ E hoʻomaikaʻi ʻia ʻo Iēhova, a i ka manawa pau ʻole! ʻĀmene, ʻĀmene.

KA BUKE O NĀ HALELŪ 95:2

E hele kākou i mua o kona alo me ka hoʻālohaloha aku, E kāhea ʻoliʻoli aku kākou iā ia ma nā hīmeni.

KA WĀNANA A ʻISAIA 51:3

Pēlā nō ʻo Iēhova e hoʻomaha mai ai iā Ziona, E hoʻomaha mai nō i kona mau wahi neoneo a pau; A e hana nō ʻo ia i kona wao nahele, e like me ʻEdena, A me kona wao akua e like me ka mahina ʻai a Iēhova; Ma loko o laila, e loaʻa nō ka ʻoliʻoli a me ka hauʻoli, Ka hoʻoleʻa ʻana, a me ka leo o ke ʻoli.

KA WĀNANA A IEREMIA 33:11

e lohe hou ʻia nō ka leo o ka ʻoliʻoli, a me ka leo o ka hauʻoli; ka leo o ke kāne mare, a me ka leo o ka wahine mare; ka leo hoʻi o ka poʻe e ʻōlelo ana, “E hoʻomaikaʻi iā Iēhova o nā kaua; No ka mea, ua maikaʻi ʻo Iēhova no kona lokomaikaʻi mau loa”; ʻo ko ka poʻe hoʻi e lawe ana i nā mōhai hoʻomana i loko o ka hale o Iēhova. No ka mea, e hoʻihoʻi nō wau i nā pio o ka ʻāina, e like me ka wā ma mua,’ wahi a Iēhova.

KA WĀNANA A IEREMIA 33:9

‘A e lilo mai ia iaʻu i inoa e ʻoliʻoli ai, no ka maikaʻi, a no ka nani i mua o nā lāhui kanaka a pau o ka honua, ka poʻe e lohe ana i ka maikaʻi a pau aʻu e hana aku ai iā lākou. A e makaʻu auaneʻi lākou a e haʻalulu hoʻi no ka maikaʻi a pau, a no ka pōmaikaʻi a pau aʻu e hāʻawi aku ai ia wahi.’

IONA 2:9

“Akā, e mōhai aku au iā ʻoe Me ka leo hoʻomaikaʻi; E hoʻokō aku au i ka mea aʻu i hoʻohiki ai. No Iēhova mai ke ola.”

KA ʻEUANELIO I KĀKAU ʻIA AI E MATAIO 6:13

‘Mai hoʻokuʻu ʻoe iā mākou i ka hoʻowalewale ʻia mai; e hoʻopakele nō naʻe iā mākou i ka ʻino. No ka mea, nou ke aupuni, a me ka mana, a me ka hoʻonani ʻia, a mau loa aku. ʻĀmene.’

ʻO KA ʻEPISETOLE A PAULO KA LUNAʻŌLELO I KO ROMA 11:36

No ka mea, nāna mai, a ma ona lā, a nona nō hoʻi nā mea a pau; iā ia ka hoʻonani mau loa ʻia aku. ʻĀmene.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:16

Inā e hoʻomaikaʻi aku ʻoe me ka ʻuhane wale nō, pehea lā e hiki ai i ka mea e noho ana ma ka naʻaupō, ke ʻōlelo, “ʻĀmene,” i kāu hoʻomaikaʻi ʻana aku; no ka mea, ʻaʻole ia i lohe i ka mea āu i ʻōlelo ai.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:15

No ka mea, no ʻoukou ia mau mea a pau, i hoʻonui aʻe ka lokomaikaʻi nui i ka nani o ke Akua, ma ka hoʻomaikaʻi ʻana aku o nā mea he nui.

ʻO KA ʻEPISETOLE A PAULO KA LUNAʻŌLELO I KO KOLOSA 2:7

i hoʻokumu ʻia, a i hoʻokūkulu ʻia i loko ona, a me ka hoʻomau ʻia i ka manaʻoʻiʻo i hōʻike ʻia mai iā ʻoukou, a ma laila e hoʻomāhuahua aʻe ia me ka hoʻomaikaʻi aku.

ʻO KA ʻEPISETOLE A PAULO KA LUNAʻŌLELO I KO KOLOSA 3:17

A ʻo kā ʻoukou mea e lawelawe ai ma ka ʻōlelo, a ma ka hana, e pau ia i ka hana ʻia i loko o ka inoa o ka Haku, ʻo Iesū, a e hoʻomaikaʻi aku i ke Akua, i ka Makua, ma ona lā.

ʻO KA ʻEPISETOLE HOʻOLAHA A IUDA 1:25

i ke Akua akamai hoʻokahi, ko kākou Mea e ola ai, nona nō ka hoʻonani ʻia, a me ka hanohano, a me ka ikaika, a me ka mana i kēia wā, a i ke ao pau ʻole. ʻĀmene.

KA HŌʻIKE ʻANA A IOANE KA HAIPULE 1:18

a ʻo wau nō ka Mea ola, i make au ma mua; akā, e ola mau ana au ia kau aku ia kau aku, ʻĀmene; a eia nō iaʻu nā kī o Gehena a me ka make.

KA HŌʻIKE ʻANA A IOANE KA HAIPULE 19:4

Moe ihola nā lunakahiko, he iwakāluakumamāhā, a me nā mea ola ʻehā, a hoʻomana akula i ke Akua, i ka mea e noho ana ma luna o ka noho aliʻi, ʻī aʻela, “ʻĀmene; Haleluia!”