KA HŌʻIKE ʻANA A IOANE KA HAIPULE 7:10 - Ka Baibala Hemolele

¹⁰ Hea maila lākou me ka leo nui, ʻī maila, “No ko kākou Akua ke ola, ka Mea e noho lā ma ka noho aliʻi, a no ke Keiki Hipa hoʻi.”

KA HŌʻIKE ʻANA A IOANE KA HAIPULE 7:10 Iomraidhean Croise

KA BUKE O NĀ HALELŪ 115:1

¶ ʻAʻole iā mākou, e Iēhova, ʻaʻole iā mākou, Akā, i kou inoa nō e hāʻawi ʻia aku ai ka hoʻonani, No kou lokomaikaʻi, a me kou ʻoiaʻiʻo.

KA BUKE O NĀ HALELŪ 3:8

No Iēhova ke ola; ʻO kou hoʻomaikaʻi ʻana ma luna iho o kou poʻe ʻōhua! Sila.

KA BUKE O NĀ HALELŪ 37:39

Akā, no Iēhova mai ke ola o ka poʻe pono; ʻO ia ko lākou ikaika i ka wā pōpilikia.

KA WĀNANA A ʻISAIA 43:11

“ʻO wau, ʻo wau nō ʻo Iēhova, ʻAʻole hoʻi mea hoʻōla ʻē aʻe, ʻo wau wale nō.

KA WĀNANA A ʻISAIA 45:15

He ʻoiaʻiʻo nō, ʻo ke Akua nō ʻoe nāna i hūnā iā ʻoe iho, E ke Akua o kā ʻIseraʻela, ka Mea e ola ai.

KA WĀNANA A ʻISAIA 45:21

“E haʻi aku, e lawe mai hoʻi iā lākou; ʻO ia, e kūkākūkā pū lākou. Na wai i haʻi i kēia, mai kahiko mai, A hōʻikeʻike hoʻi ia, mai kēlā wā mai? ʻAʻole anei ʻo wau, ʻo Iēhova? ʻAʻole hoʻi he Akua ʻē aʻe, ke kaʻawale au; ʻO ke Akua pono, ka Mea e ola ai, ʻaʻohe mea ʻē aʻe.

KA WĀNANA A IEREMIA 3:23

“He ʻoiaʻiʻo, he mea wahaheʻe nā mea o nā mauna mai, A no nā kuahiwi lehulehu mai; He ʻoiaʻiʻo, ma loko o Iēhova, ʻO ko mākou Akua, ke ola o kā ʻIseraʻela.

HOSEA 13:4

¶ Akā, ʻo wau ʻo Iēhova ke Akua ou, mai ka ʻāina ʻo ʻAigupita mai, Mai ʻike ʻoe i akua ʻē aʻe, iaʻu wale nō; No ka mea, ʻaʻohe hoʻōla, ʻo wau wale nō.

IONA 2:9

“Akā, e mōhai aku au iā ʻoe Me ka leo hoʻomaikaʻi; E hoʻokō aku au i ka mea aʻu i hoʻohiki ai. No Iēhova mai ke ola.”

ZEKARIA 4:7

‘He aha ʻoe, e ka mauna nui? I mua o Zerubabela, he pāpū; a e lawe mai auaneʻi ʻo ia i ka pōhaku kumu, me ka hoʻokani ʻoliʻoli ʻana, “He aloha! He aloha iā ia!”’”

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA ʻEUANELIO I KĀKAU ʻIA AI E LUKA 3:6

A e ʻike nā kānaka a pau i ka hoʻōla a ke Akua».’”

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 1:36

A ʻike akula iā Iesū e hele aʻe ana, ʻī maila ia, “E nānā i ke Keiki Hipa a ke Akua!”

KA ʻEUANELIO I KĀKAU ʻIA AI E IOANE 4:22

“Ke hoʻomana nei ʻoukou i ka mea a ʻoukou i ʻike ʻole ai; ke hoʻomana nei mākou i ka mea a mākou i ʻike ai; no ka mea, no nā Iudaio mai ke ola.

ʻO KA ʻEPISETOLE A PAULO KA LUNAʻŌLELO I KO ʻEPESO 2:8

No ka mea, e hoʻōla ʻia ʻoukou i ka lokomaikaʻi ma ka manaʻoʻiʻo; ʻaʻole hoʻi no ʻoukou iho kēia; he mea hāʻawi ʻia mai ia e ke Akua;

KA HŌʻIKE ʻANA A IOANE KA HAIPULE 12:10

A lohe akula au i ka leo nui ma ka lani, ʻī aʻela, “Ua hiki maila ke ola, a me ka mana, a me ke aupuni o ko kākou Akua, a me ka mana o kona Kristo; no ka mea, ua kipaku ʻia akula ka mea hōʻino i ko kākou poʻe hoahānau, ka mea nāna lākou i hōʻino i ka pō a me ke ao, i mua o ke Akua.

KA HŌʻIKE ʻANA A IOANE KA HAIPULE 19:1

¶ A ma hope iho o kēia mau mea, lohe akula au i ka leo nui o ke anaina nui loa ma ka lani, e ʻōlelo ana, “Haleluia; ke ola a me ka hanohano a me ka nani a me ka mana, i ka Haku ko kākou Akua.

KA HŌʻIKE ʻANA A IOANE KA HAIPULE 21:5

ʻĪ maila ka mea i noho ma ka noho aliʻi, “Aia hoʻi, ke hana hou nei au i nā mea a pau.” ʻĪ maila kēlā iaʻu, “E palapala ʻoe; no ka mea, he pono kēia mau ʻōlelo, he ʻoiaʻiʻo.”

KA HŌʻIKE ʻANA A IOANE KA HAIPULE 22:3

ʻAʻole loa he mea ʻino ma laila; a aia ma loko o ia wahi ka noho aliʻi o ke Akua a me ke Keiki Hipa, a e mālama kāna poʻe kauā iā ia.

KA HŌʻIKE ʻANA A IOANE KA HAIPULE 4:6

Aia hoʻi, i mua o ka noho aliʻi, he moana akāka, me he aniani lā; a ma ka noho aliʻi, a puni hoʻi ka noho aliʻi, ʻehā mau mea ola, ua paʻapū i nā maka ma mua a ma hope.

KA HŌʻIKE ʻANA A IOANE KA HAIPULE 5:7

Hele maila ia, lawe ihola i ka buke, mai ka lima ʻākau aku o ka Mea e noho ana ma ka noho aliʻi.