KA HŌʻIKE ʻANA A IOANE KA HAIPULE 6:8 - Ka Baibala Hemolele

⁸ A nānā akula au, aia hoʻi, he lio lenalena; a ʻo ka mea e noho ana ma luna iho ona, ʻo Make kona inoa, a hahai akula ʻo ka Pō ma hope ona. A ua hāʻawi ʻia mai iā ia ka mana ma luna o kekahi hapa o ka honua, e luku aku me ka pahi kaua, a me ka wī, a me ka make, a me nā ʻīlio hihiu o ka honua.

KA HŌʻIKE ʻANA A IOANE KA HAIPULE 6:8 Iomraidhean Croise

NĀ ʻŌLELO AKAMAI A SOLOMONA 5:5

Ke iho ihola kona mau wāwae i ka make, E pili ana hoʻi kona mau kapuaʻi i ka lua.

KA WĀNANA A ʻISAIA 25:8

E hoʻopau nō hoʻi ʻo ia i ka make no ka manawa pau ʻole; A na ka Haku ʻo Iēhova, e holoi i ka waimaka, Mai nā maka a pau aku; E lawe aku nō hoʻi ia i ka hilahila o kona poʻe kānaka, Mai ka honua a pau aku; No ka mea, ʻo Iēhova kai ʻōlelo mai.

KA WĀNANA A IEREMIA 14:12

“Iā lākou e hoʻokē ʻai ai, ʻaʻole au e hoʻolohe i ko lākou kāhea ʻana; a iā lākou e kaumaha ai i ka mōhai kuni, a me ka mōhai makana, ʻaʻole au e ʻae aku iā lākou; akā, e hoʻopau nō wau iā lākou i ka pahi kaua, a i ka wī, a i ka maʻi ahulau.”

KA WĀNANA A IEREMIA 16:16

¶ “Aia hoʻi, e kiʻi aku nō wau i nā lawaiʻa he nui,” wahi a Iēhova, “a e loaʻa iā lākou nā Iudaio ma ka lawaiʻa ʻana; a ma hope iho, e kiʻi aku nō wau i nā mea ʻimi a nui, a na lākou nō e ʻimi i nā Iudaio, mai nā mauna mai a pau, a mai nā puʻu mai a pau, a mai nā lua o nā pōhaku mai.

KA WĀNANA A IEREMIA 16:4

“E make māinoino lākou, ʻaʻole lākou e kanikau ʻia, ʻaʻole hoʻi lākou e kanu ʻia; akā, e lilo lākou i lepo ma luna o ka ʻāina; a e hoʻopau ʻia nō lākou i ka pahi kaua, a i ka wī; a e lilo ko lākou kupapaʻu i mea ʻai na nā manu o ka lani, a na nā holoholona o ka honua.”

KA WĀNANA A IEREMIA 24:10

‘A e hoʻouna aku au i ka pahi kaua, a me ka wī, a me ka maʻi ahulau i waena o lākou, a hoʻopau ʻia lākou, mai ka ʻāina aʻu i hāʻawi aku ai iā lākou, a i ko lākou poʻe mākua.’”

KA WĀNANA A IEREMIA 29:17

ke ʻōlelo mai nei ʻo Iēhova o nā kaua penei, ‘Aia hoʻi, e hoʻouna au i ka pahi kaua ma luna o lākou, a me ka wī, a me ka maʻi ahulau, a e hoʻolilo wau iā lākou e like me nā fiku ʻinoʻino, pono ʻole ke ʻai ʻia, no ko lākou ʻinoʻino loa.

KA WĀNANA A IEREMIA 43:11

“A hiki mai ʻo ia, e ʻānai nō ʻo ia i ka ʻāina ʻo ʻAigupita, a make ka poʻe no ka make, a pio ka poʻe no ka noho pio ʻana, a lilo i ka pahi kaua ka poʻe no ka pahi kaua.

KA WĀNANA A ʻEZEKIʻELA 29:5

“A e waiho aku au iā ʻoe i loko o ka wao nahele, Iā ʻoe a me nā iʻa a pau o kou mau Muliwai, A e hāʻule ʻoe ma ka ʻāina ma waho; ʻAʻole ʻoe e hoʻākoakoa ʻia, ʻaʻole hoʻi e hōʻuluʻulu ʻia; Ua hāʻawi aku au iā ʻoe i ʻai Na nā holoholona o ke kula, A me nā manu o ka lewa.

KA WĀNANA A ʻEZEKIʻELA 5:12

‘E make nō kekahi hapakolu i ka maʻi ahulau, a me ka wī e hoʻopau ʻia aʻe lākou i waenakonu ou; a e hāʻule kekahi hapakolu i ka pahi kaua a puni ʻoe; a e lūlū aku au i kekahi hapakolu i nā makani a pau, a e unuhi aʻe au i ka pahi kaua ma hope iho o lākou.

HOSEA 13:14

E hoʻōla aku au iā lākou mai ka mana o ka pō; E hoʻōla pānaʻi au iā lākou mai ka make mai; ʻO wau nō kou luku, e ka make; ʻO wau nō kou pepehi, e ka pō; Ua hūnā ʻia ka mihi, mai koʻu maka aku.

HABAKUKA 2:5

“A he ʻoiaʻiʻo, ʻo ka waina, ua hoʻopunipuni ia; ʻO ke kanaka haʻaheo, ʻaʻole ia i noho mālie, Ua hoʻākea ʻo ia i kona makemake, e like me ka lua kupapaʻu, A ua like ʻo ia me ka make, ʻaʻole ia e ana; Hoʻākoakoa ʻo ia nona iho i nā lāhui kanaka a pau, A ua hōʻuluʻulu nona iho i nā kānaka a pau.

ZEKARIA 6:3

i ke kolu o ka hale kaʻa, he mau lio keʻokeʻo, a i ka hā o ka hale kaʻa he mau lio kaliko a he mākuʻe.

KA ʻEUANELIO I KĀKAU ʻIA AI E MATAIO 11:23

“ʻO ʻoe hoʻi, e Kaperenauma, kai hoʻokiʻekiʻe ʻia aʻe i ka lani, e kiola ʻia ʻoe i lalo i ka pō; no ka mea, inā i hana ʻia ma Sodoma nā hana mana i hana ʻia aku ai i loko ou, inā ua koe ia a hiki i nēia manawa.

KA ʻEUANELIO I KĀKAU ʻIA AI E MATAIO 24:7

“E kūʻē ana kekahi lāhui kanaka i kekahi lāhui kanaka; a ʻo kekahi aupuni i kekahi aupuni; a e hiki mai nō nā wī a me nā ahulau, a me nā ōlaʻi i kēlā wahi a i kēia wahi.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:55

“«E ka make, ʻauhea kou huelo ʻawa? e ka luapō, ʻauhea kou lanakila ʻana»?”

KA HŌʻIKE ʻANA A IOANE KA HAIPULE 1:18

a ʻo wau nō ka Mea ola, i make au ma mua; akā, e ola mau ana au ia kau aku ia kau aku, ʻĀmene; a eia nō iaʻu nā kī o Gehena a me ka make.

KA HŌʻIKE ʻANA A IOANE KA HAIPULE 12:4

Huki maila kona huelo i ka hapakolu o nā hōkū o ka lani, a kiola ihola iā lākou i lalo i ka honua. Kū maila ua deragona nei, i mua o ka wahine e hānau ana, e ʻai aku i kāna keiki i kona wā e hānau ai.

KA HŌʻIKE ʻANA A IOANE KA HAIPULE 9:15

Kuʻu ʻia akula ua mau ʻānela lā ʻehā, ka poʻe i mākaukau no ka hora, a no ka lā, a no ka malama, a no ka makahiki, i pepehi aku lākou i ka hapakolu o nā kānaka.

KA HŌʻIKE ʻANA A IOANE KA HAIPULE 9:18

I kēia mau mea ʻino ʻekolu, i make ai ka hapakolu o kānaka, i ke ahi, a i ka uahi a me ka luaʻi pele i puka mai i waho o ko lākou waha.