KA HŌʻIKE ʻANA A IOANE KA HAIPULE 6:14 - Ka Baibala Hemolele

¹⁴ A hoʻokaʻawale ʻia akula nā lani e like me ka pepa i ʻōwili ʻia; a ua hoʻoneʻeneʻe ʻia nā mauna, a me nā moku a pau, mai ko lākou wahi aku.

KA HŌʻIKE ʻANA A IOANE KA HAIPULE 6:14 Iomraidhean Croise

KA BUKE O NĀ HALELŪ 102:26

“E pau auaneʻi lākou; akā, e mau loa ana nō ʻoe; E ʻelemakule nō lākou me he kapa lā; Akā, e hoʻomalule nō ʻoe iā lākou me he kapa hou lā.

KA WĀNANA A ʻISAIA 34:4

E hoʻokiʻi loa aku nō nā mea a pau o ka lani, A e ʻōwili pū ʻia nā lani me he pepa lā; E hāʻule nō ko laila mau mea a pau i lalo, E like me ka hāʻule ʻana o ka lau o ke kumu waina, E like hoʻi me ka hāʻule ʻana o ka hua mimino o ka lāʻau fiku.

KA WĀNANA A ʻISAIA 54:10

“No ka mea, e lilo auaneʻi nā kuahiwi, A e hoʻoneʻeneʻe ʻia nā mauna; Akā, ʻaʻole e lilo aku koʻu lokomaikaʻi, ʻAʻole hoʻi e hoʻoneʻeneʻe ʻia ka berita o koʻu malu,” Wahi a Iēhova, ka mea i aloha mai iā ʻoe.

KA WĀNANA A IEREMIA 3:23

“He ʻoiaʻiʻo, he mea wahaheʻe nā mea o nā mauna mai, A no nā kuahiwi lehulehu mai; He ʻoiaʻiʻo, ma loko o Iēhova, ʻO ko mākou Akua, ke ola o kā ʻIseraʻela.

KA WĀNANA A IEREMIA 51:25

“Aia hoʻi, ʻo wau kai kūʻē iā ʻoe, e ka mauna hoʻomake,” Wahi a Iēhova; “Ka Mea i ʻānai i ka honua a pau; A e kākāuha aku au i koʻu lima ma luna ou, A e ʻolokaʻa aku au iā ʻoe i lalo, mai nā pōhaku aku, A e hoʻolilo au iā ʻoe i mauna ʻā.

KA WĀNANA A ʻEZEKIʻELA 38:20

“E haʻalulu hoʻi ma kou alo nā iʻa o ke kai, nā manu hoʻi o ka lewa, nā holoholona hoʻi o ke kula, a me nā mea kolo a pau e kolo ana ma ka lepo, a me nā kānaka a pau e noho ana ma luna o ka honua, a e hoʻohiolo ʻia nā mauna i lalo, a e hiolo nō nā ala piʻi, a e hiolo nō nā pā a pau i lalo i ka lepo.

NAHUMA 1:5

Ua hoʻonaue ʻia nā mauna e ia, A ua heʻe ihola nā puʻu; Neʻeneʻe ka ʻāina iā ia iho mai kona alo aʻe, A ʻo ka honua, a me nā mea a pau e noho ana i loko.

HABAKUKA 3:10

ʻIke aku nā mauna iā ʻoe, haʻalulu ihola; A holo akula ka wai nui, A hoʻopuka mai ka hohonu i kona leo, Hoʻokiʻekiʻe aʻela ia i kona mau lima i luna.

HABAKUKA 3:6

Kū aʻela ia, a ana akula i ka honua, Nānā aʻela ia, a hoʻohaʻalulu i nā lāhui kanaka; Ua hoʻoheleleʻi ʻia nā mauna kahiko, A ua hoʻohaʻahaʻa ʻia nā puʻu mau loa; ʻO ia kona mau ʻaoʻao i ka wā kahiko.

ʻO KA ʻEPISETOLE HOʻOLAHA ʻALUA A PETERO 3:10

Akā, e hiki mai auaneʻi ka lā o ka Haku, me he ʻaihue lā i ka pō; a laila e lilo nō ka lani me ka halulu nui, a e wela hoʻi nā kumu mua, a heheʻe wale, a e pau nō ka honua nei i ke ahi, a me nā mea a pau i hana ʻia ma luna iho.

KA HŌʻIKE ʻANA A IOANE KA HAIPULE 16:20

Holo akula nā mokupuni a pau, ʻaʻole hoʻi i ʻike hou ʻia nā kuahiwi.

KA HŌʻIKE ʻANA A IOANE KA HAIPULE 20:11

¶ ʻIke akula au i ka noho aliʻi keʻokeʻo nui, a me ka Mea e noho ana i luna iho, holo akula ka honua a me ka lani mai kona alo aku; ʻaʻole i loaʻa hou kahi no lāua.

KA HŌʻIKE ʻANA A IOANE KA HAIPULE 21:1

¶ ʻIke akula au i ka lani hou a me ka honua hou; no ka mea, ua lilo ka lani mua a me ka honua mua; ʻaʻole hoʻi he kai hou aku.