KA HŌʻIKE ʻANA A IOANE KA HAIPULE 5:6 - Ka Baibala Hemolele

⁶ A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.

KA HŌʻIKE ʻANA A IOANE KA HAIPULE 5:6 Iomraidhean Croise

KA BUKE ʻALUA O KA ʻOIHANA ALIʻI 16:9

“No ka mea, e holoholo ana nā maka o Iēhova ma ka honua a pau e hōʻike ana i kona mana i ka poʻe i pono iā ia ko lākou naʻau; ua hana naʻaupō ʻoe i kēia mea; a ma kēia hope aku e kaua ʻia ana ʻoe.”

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA BUKE NO DANIʻELA 8:3

A laila, leha aʻela koʻu mau maka, a ʻike akula au, aia hoʻi, he hipa kāne e kū ana ma kapa o ka muliwai nona nā pepeiaohao ʻelua; ua kiʻekiʻe kona mau pepeiaohao; ua ʻoi aku naʻe ke kiʻekiʻe o kekahi i ko kekahi, a ʻo ka mea kiʻekiʻe ʻo ia ka mea i ulu hope aʻe.

MIKA 4:13

“E kū i luna, a e hehi iho, e ke kaikamahine o Ziona; No ka mea, e hoʻolilo aku au i kou pepeiaohao i hao, A e hoʻolilo hoʻi au i kou mau māiʻuʻu wāwae i keleawe; A e kuʻi iho ʻoe a liʻiliʻi nā kānaka he nui; A e hoʻolaʻa aku au i kā lākou loaʻa no Iēhova, A i ko lākou waiwai no ka Haku o ka honua a pau.

HABAKUKA 3:4

ʻO kona ʻōlinolino ua like me ka lā, Mai kona lima mai nā kukuna mālamalama, A ma laila ka hūnā ʻana o kona mana.

ZEKARIA 3:9

‘Aia hoʻi ka pōhaku aʻu i waiho ai i mua o Iosua; a he ʻahiku nā maka ma ua pōhaku hoʻokahi lā; a naʻu nō e kālai iho i kāna kālai ʻia ʻana,’ wahi a Iēhova o nā kaua, ‘a e lawe aku au i ka hala o ia ʻāina i ka lā hoʻokahi.

ZEKARIA 4:10

“Na wai lā i hoʻowahāwahā i ka lā o nā mea liʻiliʻi? E ʻoliʻoli auaneʻi lākou, a e ʻike hoʻi i ka pōhaku kēpau ma ka lima o Zerubabela, ʻo lākou a ʻehiku. ʻO lākou nā maka o Iēhova e hele aʻe ana mai ʻō a i ʻaneʻi ma ka honua a pau.”

KA BUKE ʻAHĀ A MOSE, I KAPA ʻIA NĀ HELU 7:39

hoʻokahi keiki bipi kāne, hoʻokahi hipa kāne, hoʻokahi keiki hipa o ka makahiki mua, i mōhai kuni;

KA BUKE ʻAHĀ A MOSE, I KAPA ʻIA NĀ HELU 7:57

hoʻokahi bipi keiki kāne, hoʻokahi hipa kāne, hoʻokahi keiki hipa o ka makahiki mua, i mōhai kuni;

KA ʻEUANELIO I KĀKAU ʻIA AI E LUKA 1:69

“Ua kūkulu mai nei ʻo ia i mea mana e ola ai no kākou, I loko o ka hale o Dāvida ʻo kāna kauā;

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 1:36

A ʻike akula iā Iesū e hele aʻe ana, ʻī maila ia, “E nānā i ke Keiki Hipa a ke Akua!”

NĀ ʻOIHANA A KA POʻE LUNAʻŌLELO 8:32

Eia kahi o ka Palapala āna i heluhelu ai: “«Ua alakaʻi ʻia akula ia me he hipa lā i ka make; A e like hoʻi me ka hipa keiki i pane ʻole i mua o ka mea nāna e ʻako, pēlā nō ia, ʻAʻole i ʻekemu kona waha.

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 12:11

“Ma ke koko o ke Keiki Hipa lākou i lanakila ai ma luna ona, a ma ka ʻōlelo a lākou i hōʻike aku ai; a makemake ʻole lākou i ko lākou ola iho a hiki i ka make.

KA HŌʻIKE ʻANA A IOANE KA HAIPULE 13:8

A e hoʻomana aku iā ia ka poʻe a pau e noho ana ma ka honua, ka poʻe ʻaʻole i kākau ʻia ko lākou inoa ma ka Buke o ke Ola a ke Keiki Hipa, ka mea i pepehi ʻia mai ka hoʻokumu ʻana mai o ka honua nei.

KA HŌʻIKE ʻANA A IOANE KA HAIPULE 14:1

¶ Nānā akula au, aia hoʻi, kū maila ke Keiki Hipa ma ka mauna ʻo Ziona, a me ia pū hoʻokahi haneri me kanahākumamāhā tausani, me ka inoa o kona Makua i kākau ʻia ma ko lākou lae.

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 21:22

ʻAʻole au i ʻike aku he luakini ma loko ona; no ka mea, ʻo ka Haku ʻo ke Akua Mana Loa, a me ke Keiki Hipa, ʻo ia ko laila luakini.

KA HŌʻIKE ʻANA A IOANE KA HAIPULE 21:23

ʻAʻole pono ka lā ma ia kūlanakauhale, ʻaʻole hoʻi ka mahina, i mea e mālamalama ai ma loko; no ka mea, ua hoʻomālamalama mai ka nani o ke Akua ia wahi, a ʻo ke Keiki Hipa, ʻo ia kona mālamalama.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 22:3

ʻAʻole loa he mea ʻino ma laila; a aia ma loko o ia wahi ka noho aliʻi o ke Akua a me ke Keiki Hipa, a e mālama kāna poʻe kauā iā ia.

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA HŌʻIKE ʻANA A IOANE KA HAIPULE 5:11

Nānā akula au, a lohe ihola i ka leo o nā ʻānela, he nui loa, a me nā mea ola, a me nā lunakahiko e anaina ana ma ka noho aliʻi: a ʻo ka helu ʻana iā lākou he haneri miliona a me nā tausani tausani;

KA HŌʻIKE ʻANA A IOANE KA HAIPULE 5:12

e ʻōlelo ana me ka leo nui, “E pono nō ke Keiki Hipa i pepehi ʻia, Ke loaʻa iā ia ka mana, a me ka waiwai, a me ke akamai, a me ka ikaika, a me ka nani, a me ka mahalo, a me ka hoʻomaikaʻi ʻia.”

KA HŌʻIKE ʻANA A IOANE KA HAIPULE 5:13

A lohe akula au i nā mea a pau ma ka lani, a ma ka honua, a ma lalo iho o ka honua, a me nā mea a pau ma ka moana, a ma loko o ia mau mea, e ʻōlelo ana, “No ka Mea e noho ana ma ka noho aliʻi, no ke Keiki Hipa hoʻi, Ka hoʻomaikaʻi ia a me ka nani, a me ka hanohano, a me ka ikaika, ia ao aku, ia ao aku.”

KA HŌʻIKE ʻANA A IOANE KA HAIPULE 5:14

ʻĪ maila nā mea ola ʻehā, “ʻĀmene.” Moe ihola nā lunakahiko he iwakāluakumamāhā, hoʻomana akula i ka Mea e ola mau ana ia ao aku, ia ao aku.

KA HŌʻIKE ʻANA A IOANE KA HAIPULE 6:16

a hea akula lākou i nā kuahiwi a me nā pōhaku, “E hāʻule mai ʻoukou ma luna iho o mākou, a e uhi mai iā mākou, mai ka maka o ka Mea e noho lā ma ka noho aliʻi, a me ka inaina o ke Keiki Hipa.

KA BUKE MUA A SAMUʻELA 2:10

“ʻO nā ʻenemi o Iēhova e ʻulupā ʻia lākou; Mai ka lani mai ia e hoʻohekili mai ai ma luna o lākou. Na Iēhova e hoʻokolokolo nā wēlau o ka honua. A e hāʻawi mai ia i ka ikaika no kona aliʻi, A e hoʻokiʻekiʻe hoʻi i ka pepeiaohao o kona mea i poni ʻia.”