KA HŌʻIKE ʻANA A IOANE KA HAIPULE 5:5 - Ka Baibala Hemolele

⁵ ʻĪ maila kekahi o nā lunakahiko iaʻu, “Mai uē ʻoe; aia hoʻi ua lanakila maila ka Liona o ka ʻohana a Iuda, ka Mamo a Dāvida, e wehe i ua buke nei, a e ʻākaʻa i kona mau wepa ʻehiku.”

KA HŌʻIKE ʻANA A IOANE KA HAIPULE 5:5 Iomraidhean Croise

KA BUKE MUA NO NĀ ALIʻI 10:20

He ʻumikumamālua liona i kū ma laila ma kēlā ʻaoʻao a ma kēia ʻaoʻao ma luna o nā ʻānuʻunuʻu ʻeono; ʻaʻohe mea like me ia i hana ʻia ma kekahi aupuni.

KA BUKE ʻALUA O KA ʻOIHANA ALIʻI 9:18

ʻEono ʻanuʻu i ka noho aliʻi, a he paepae wāwae gula, e pili ana i ka noho aliʻi, a me nā kālele ma kēlā ʻaoʻao a me kēia ʻaoʻao o kahi e noho ai, a ʻelua liona e kū ana ma kēia mau ʻaoʻao.

KA BUKE NO IOBA 41:15

“ʻO kona haʻaheo, ʻo kona mau pale kaua paʻa nō ia, I hoʻopili ʻia i ka mea kāpili paʻa.

KA WĀNANA A ʻISAIA 11:1

¶ E kupu mai nō ka lālā mai loko mai o ke kumu o Iese, A e hua nui mai hoʻi kekahi ʻohā o kāna aʻa.

KA WĀNANA A ʻISAIA 11:10

¶ “A hiki aku ia lā, E puka mai nō kekahi lālā no Iese, A e kū nō ia, i hae no nā lāhui kanaka, A e ʻimi nō ko nā ʻāina ma ona lā; A he nani hoʻi kona wahi hoʻomaha.”

KA WĀNANA A IEREMIA 31:16

Ke ʻī mai nei ʻo Iēhova penei, “E ʻuʻumi ʻoe i kou leo i ka uē ʻana, A me kou mau maka i nā waimaka; No ka mea, e uku ʻia nō kāu hana,” wahi a Iēhova; “A e hele hou mai nō lākou, mai ka ʻāina mai o ka ʻenemi.

KA BUKE NO DANIʻELA 7:16

“Hoʻokokoke akula au i kekahi o nā mea e kū ana ma laila, a nīnau akula au iā ia i ka ʻoiaʻiʻo ʻana o kēia mau mea a pau. A laila haʻi maila ʻo ia iaʻu, a hoʻākāka mai iaʻu i ke ʻano o kēia mau mea:

KA BUKE ʻAHĀ A MOSE, I KAPA ʻIA NĀ HELU 24:9

‘Ua kukuli iho ia, ua moe iho me he liona kāne lā; A me ka liona wahine; na wai lā ia e hoʻāla aʻe?’ “E pōmaikaʻi ka mea hoʻomaikaʻi iā ʻoe, A e pōʻino ka mea hōʻino aku iā ʻoe.”

KA ʻEUANELIO I KĀKAU ʻIA AI E LUKA 23:28

A laila hāliu maila Iesū iā lākou, ʻī maila, “E nā kaikamāhine o Ierusalema, mai uē ʻoukou noʻu; akā, e uē ʻoukou no ʻoukou iho, a no kā ʻoukou mau keiki.

KA ʻEUANELIO I KĀKAU ʻIA AI E LUKA 7:13

A ʻike ka Haku iā ia, hū aʻela kona aloha iā ia, ʻī maila ʻo ia iā ia, “Mai uē ʻoe.”

KA ʻEUANELIO I KĀKAU ʻIA AI E LUKA 8:52

Auē ihola lākou a pau me ke kanikau iā ia. ʻĪ maila Iesū, “Mai uē ʻoukou; ʻaʻole ia i make; akā, e hiamoe ana nō ia.”

KA ʻEUANELIO I KĀKAU ʻIA AI E IOANE 20:13

ʻĪ maila lāua iā ia, “E ka wahine, no ke aha lā ʻoe e uē ai?” ʻĪ akula ʻo ia iā lāua, “No ka mea, ua lawe aku lākou i kuʻu Haku, ʻaʻole au i ʻike i kahi i waiho ai lākou iā ia.”

ʻO KA ʻEPISETOLE A PAULO KA LUNAʻŌLELO I KO ROMA 1:3

no kāna Keiki Iesū Kristo ko kākou Haku, i hoʻohānau ʻia na ka hua a Dāvida, ma ke kino,

ʻO KA ʻEPISETOLE A PAULO KA LUNAʻŌLELO I KO ROMA 15:12

A ua ʻōlelo hou mai ʻo ʻIsaia, “«E kupu ana ka mole o Iese, A e kū mai kekahi i aliʻi no nā lāhui kanaka, A iā ia e paulele ai ko nā ʻāina ʻē».”

ʻO KA ʻEPISETOLE A PAULO KA LUNAʻŌLELO I KO HEBERA 7:14

Ua akāka nō ka puka ʻana o ka Haku, mai loko mai o Iuda, ka ʻohana i ʻōlelo ʻole ʻia ai no ka ʻoihana kahuna e Mose.

KA HŌʻIKE ʻANA A IOANE KA HAIPULE 1:1

¶ Ka Hōʻike ʻana a Iesū Kristo, ka mea a ke Akua i hāʻawi mai ai iā ia, e hōʻike mai i kāna poʻe kauā i nā mea e hiki koke mai ana; a ma kona ʻānela i hoʻouna mai ai ʻo ia, a hōʻike maila hoʻi i kāna kauā iā Ioane;

KA HŌʻIKE ʻANA A IOANE KA HAIPULE 22:16

¶ “ʻO wau, ʻo Iesū, ua hoʻouna aku au i koʻu ʻānela, e hōʻike aku iā ʻoukou i kēia mau mea ma nā ʻekalesia. ʻO wau nō ke Kumu a me ka Mamo a Dāvida; ʻo wau nō ka Hōkūao Mālamalama.”

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.

KA HŌʻIKE ʻANA A IOANE KA HAIPULE 4:10

a laila, moe ihola ka poʻe lunakahiko he iwakāluakumamāhā, i mua o ka Mea e noho ana ma ka noho aliʻi, a hoʻomana akula i ka Mea e ola mau ana ia ao aku, ia ao aku; a hoʻolei nō hoʻi i ko lākou mau lei aliʻi i mua o ka noho aliʻi, me ka ʻī ʻana aʻe,

KA HŌʻIKE ʻANA A IOANE KA HAIPULE 4:4

Ua puni kēlā noho aliʻi i nā noho he iwakāluakumamāhā; a ma luna iho o ua poʻe noho lā, e noho ana he poʻe lunakahiko, he iwakāluakumamāhā, ua ʻaʻahu ʻia i ka ʻaʻahu keʻokeʻo; a ma luna iho o ko lākou mau poʻo, he mau lei aliʻi gula.

KA HŌʻIKE ʻANA A IOANE KA HAIPULE 5:4

Uē nui ihola au, no ka loaʻa ʻole o ka mea pono e wehe a e heluhelu i ka buke, a e nānā hoʻi ma luna iho.

KA HŌʻIKE ʻANA A IOANE KA HAIPULE 6:1

¶ Nānā akula au, a ʻākaʻa aʻela ke Keiki Hipa i ka mua o nā wepa ʻehiku, a lohe ihola au i kekahi o nā mea ola ʻehā, e ʻōlelo ana, e like me ka halulu hekili, “E hele mai e ʻike.”

KA HŌʻIKE ʻANA A IOANE KA HAIPULE 7:13

ʻĪ maila kekahi o nā lunakahiko, nīnau maila iaʻu, “ʻO wai lākou nei i ʻaʻahu ʻia i ka ʻaʻahu lole keʻokeʻo? A mai hea maila lākou i hele mai ai?”