KA HŌʻIKE ʻANA A IOANE KA HAIPULE 4:7 - Ka Baibala Hemolele

⁷ A ʻo ka mua o ka mea ola, ua like ia me ka liona; a ʻo ka lua o ka mea ola ua like ia me ke keiki bipi, a ʻo ke kolu o ka mea ola, ua like kona maka me ko ke kanaka, a ʻo ka hā o ka mea ola, ua like ia me ka ʻaeto lele.

KA HŌʻIKE ʻANA A IOANE KA HAIPULE 4:7 Iomraidhean Croise

KA BUKE MUA A MOSE, I KAPA ʻIA KINOHI 49:9

“He keiki a ka liona o Iuda, Ua piʻi aʻe ʻoe, e kuʻu keiki, mai ke pio aʻe. Kukuli ihola ia, a moe ihola me he liona kāne lā, A me ka liona wahine; na wai ia e hoʻāla aʻe?

KA BUKE ʻALUA A SAMUʻELA 1:23

“Ua aloha nō, a ua ʻoluʻolu hoʻi ʻo Saula a ʻo Ionatana i ko lāua ola ʻana, A i ko lāua make ʻana, ʻaʻole lāua i hoʻokaʻawale ʻia; Ua ʻoi aku ko lāua māmā i ko nā ʻaeto, A me ko lāua ikaika i ko nā liona.

NĀ ʻŌLELO AKAMAI A SOLOMONA 28:2

No ka hewa o ka ʻāina, nui nō ko laila poʻe aliʻi; A ma ke kanaka noʻonoʻo a ʻike hoʻi e paʻa lōʻihi ana nō ia.

KA WĀNANA A ʻISAIA 40:31

Akā, ʻo ka poʻe hilinaʻi aku iā Iēhova, e ulu hou nō ko lākou ikaika; E piʻi ʻēheu aku nō lākou i luna, e like me nā ʻaito; E holo nō lākou, ʻaʻole hoʻi e māloʻeloʻe, E hele mua nō lākou, ʻaʻole hoʻi e maʻule.

KA WĀNANA A ʻEZEKIʻELA 1:10

A ʻo ka like ʻana o ko lākou mau helehelena, he helehelena no ke kanaka a me ka helehelena o ka liona ko lākou a ʻehā ma ka ʻaoʻao ʻākau, a me ka helehelena o ka bipi kauō ma ka ʻaoʻao hema; a ʻo ka helehelena o ka ʻaeto ko lākou a ʻehā.

KA WĀNANA A ʻEZEKIʻELA 1:8

He mau lima kanaka ko lākou ma lalo iho o ko lākou mau ʻēheu, ma nā ʻaoʻao ʻehā; no lākou hoʻi ko lākou mau helehelena a me ko lākou mau ʻēheu.

KA WĀNANA A ʻEZEKIʻELA 10:14

He mau helehelena ʻehā ko kēlā mea ko kēia mea, o lākou; ʻo ka helehelena mua he helehelena ia o ke keruba, a ʻo ka helehelena lua, he helehelena o ke kanaka, a ʻo ke kolu, he helehelena o ka liona, a ʻo ka hā, he helehelena o ka ʻaeto.

KA WĀNANA A ʻEZEKIʻELA 10:21

He mea helehelena ʻehā ko kēlā mea ko kēia mea, a ʻehā ʻēheu ko kēlā mea ko kēia mea; a ʻo ka mea like me ka lima kanaka ma lalo iho o ko lākou mau ʻēheu.

KA BUKE NO DANIʻELA 7:4

“ʻO ka mua, ua like ia me ka liona, a he mau ʻēheu ʻaeto kona; ʻike akula au a mokumoku ʻia ihola kona mau ʻēheu, a hāpai ʻia aʻela ia i luna mai ka honua aʻe, a hoʻokū ʻia aʻela ma nā wāwae me he kanaka lā, a hāʻawi ʻia aku he naʻau kanaka nona.

ʻOBADIA 1:4

“Inā e hoʻokiʻekiʻe ʻoe iā ʻoe iho e like me ka ʻaeto, Inā e hoʻonoho i kou pūnana i waena o nā hōkū, Ma laila mai e lawe iho ai au iā ʻoe i lalo,” wahi a Iēhova.

KA BUKE ʻAHĀ A MOSE, I KAPA ʻIA NĀ HELU 23:24

“Aia hoʻi, e ala aʻe kēia poʻe kānaka me he liona wahine lā, E kū aʻe hoʻi ia e like me ka liona kāne; ʻAʻole ia e moe hou, a ʻai iho ia i ke pio, A e inu hoʻi i ke koko o ka mea i pepehi ʻia.”

KA BUKE ʻAHĀ A MOSE, I KAPA ʻIA NĀ HELU 24:9

‘Ua kukuli iho ia, ua moe iho me he liona kāne lā; A me ka liona wahine; na wai lā ia e hoʻāla aʻe?’ “E pōmaikaʻi ka mea hoʻomaikaʻi iā ʻoe, A e pōʻino ka mea hōʻino aku iā ʻoe.”

ʻO KA ʻEPISETOLE MUA A PAULO KA LUNAʻŌLELO I KO KORINETO 14:20

¶ E nā hoahānau ē, mai lilo ʻoukou i kamaliʻi ma ka naʻauao; ma ka hewa nō e kamaliʻi ai; akā, ma ka naʻauao e lilo ʻoukou i kānaka makua.

KA BUKE ʻALIMA A MOSE, I KAPA ʻIA KĀNĀWAI LUA 28:49

¶ “E lawe mai auaneʻi ʻo Iēhova i lāhui kanaka e kūʻē iā ʻoe, mai kahi lōʻihi ʻē mai, mai ka palena o ka honua, e like me ka ʻaeto e lele ana; he lāhui kanaka, ʻaʻole ʻoe e lohe i kā lākou ʻōlelo;

KA HŌʻIKE ʻANA A IOANE KA HAIPULE 4:6

Aia hoʻi, i mua o ka noho aliʻi, he moana akāka, me he aniani lā; a ma ka noho aliʻi, a puni hoʻi ka noho aliʻi, ʻehā mau mea ola, ua paʻapū i nā maka ma mua a ma hope.

KA HŌʻIKE ʻANA A IOANE KA HAIPULE 6:3

¶ A wehe aʻela ia i ka lua o ka wepa, a lohe akula au i ka lua o ka mea ola, i ka ʻī ʻana mai, “E hele mai e ʻike.”

KA HŌʻIKE ʻANA A IOANE KA HAIPULE 6:5

¶ A i ka wā āna i wehe ai i ke kolu o ka wepa, lohe akula au i ke kolu o ka mea ola, i ka ʻī ʻana mai, “E hele mai e ʻike.” Nānā akula au, aia hoʻi, he lio ʻeleʻele; a ʻo ka mea e noho ana ma luna iho ona, aia nō i kona lima ka mea kaupaona.

KA HŌʻIKE ʻANA A IOANE KA HAIPULE 6:7

¶ A wehe aʻela ia i ka hā o ka wepa, lohe akula au i ka hā o nā mea ola, i ka ʻī ʻana mai, “E hele mai e ʻike.”