KA HŌʻIKE ʻANA A IOANE KA HAIPULE 4:5 - Ka Baibala Hemolele

⁵ ʻAnapu maila ka uila mai ka noho aliʻi mai, a me ka hekili, a me nā leo. ʻEhiku hoʻi ipukukui ahi e ʻaʻā ana i mua o ka noho aliʻi, ʻo ia hoʻi nā ʻUhane ʻehiku o ke Akua.

KA HŌʻIKE ʻANA A IOANE KA HAIPULE 4:5 Iomraidhean Croise

KA BUKE MUA A MOSE, I KAPA ʻIA KINOHI 15:7

ʻĪ maila kēlā iā ia, “ʻO wau nō Iēhova nāna ʻoe i lawe mai nei, mai ʻUra o ko Kaledea mai, e hāʻawi aku nou i kēia ʻāina i wahi e noho ai.”

KA BUKE ʻALUA O KA ʻOIHANA ALIʻI 4:20

a me nā ipukukui a me nā lama o laila no ka ʻaʻā ʻana, e like me ke kauoha i mua o kahi hoʻāno, ʻo ke gula maikaʻi;

KA BUKE O NĀ HALELŪ 68:35

He mea weliweli ʻoe, e ke Akua, mai loko mai o kou wahi hoʻāno; ʻO ke Akua o kā ʻIseraʻela, ʻo ia ka Mea i hāʻawi mai i ka ikaika a me ka mana i kona poʻe kānaka. E hoʻomaikaʻi ʻia aku ke Akua!

KA BUKE ʻALUA A MOSE, I KAPA ʻIA PUKA ʻANA 19:16

¶ A i ke kakahiaka o ke kolu o ka lā, he hekili, a he uila, a he ao polohiwa ma ka mauna, a he leo no ka pū e kani ikaika loa ana; haʻalulu ihola nā kānaka a pau ma ko lākou wahi i hoʻomoana ai.

KA BUKE ʻALUA A MOSE, I KAPA ʻIA PUKA ʻANA 20:18

¶ ʻIke akula nā kānaka a pau i ke hekili, a me ka uila, a me ke kani ʻana o ka pū, a me ka mauna e uahi ana; a ʻike akula nā kānaka, weliweli ihola; neʻeneʻe akula, a kū ma kahi mamao aku.

KA BUKE ʻALUA A MOSE, I KAPA ʻIA PUKA ʻANA 25:37

“A e hana nō hoʻi ʻoe i kona mau ipu ʻaila ʻehiku, a e kau ʻo ia ia mau mea ma luna, i hoʻomālamalama aku ai lākou ma kona alo.

KA BUKE ʻALUA A MOSE, I KAPA ʻIA PUKA ʻANA 37:23

A hana nō hoʻi ʻo ia i kona mau ipu ʻaila ʻehiku, a me kona mau ʻūpā ahi, a me kona mau ʻūpā koli kukui, he gula maikaʻi.

KA WĀNANA A ʻEZEKIʻELA 1:13

A ʻo ka helehelena like ʻana o nā mea ola, ua like ko lākou ʻano i ka nānā aku me nā lānahu ahi e ʻā ana, a me nā ipukukui; hele ia i waena o nā mea ola; ʻōlinolino ke ahi, a mai loko aku o ke ahi i puka ai ka uila.

IOʻELA 3:16

E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; A e haʻalulu ka lani a me ka honua; A ʻo Iēhova ka puʻuhonua no kona poʻe kānaka, A me kahi paʻa no nā mamo a ʻIseraʻela.

ZEKARIA 4:2

Nīnau maila ia iaʻu, “He aha kāu mea e ʻike nei?” ʻĪ akula au, “Ua nānā aku au, aia hoʻi, he ipukukui gula ʻokoʻa, a ma luna o kona wēlau he ipu ʻaila, a ma luna iho o laila nā kukui ʻehiku a me nā ʻohe ʻehiku no ua mau kukui ʻehiku lā e kau ana ma luna o kona wēlau.

KA ʻEUANELIO I KĀKAU ʻIA AI E MATAIO 25:1

¶ “A laila, e hoʻohālike ʻia ke aupuni o ka lani me nā wāhine puʻupaʻa he ʻumi, na lākou i lawe ko lākou mau kukui, a hele akula i waho e hālāwai me ke kāne mare.

KA ʻEUANELIO I KĀKAU ʻIA AI E MATAIO 3:11

“ʻO wau nō ke bapetizo aku nei iā ʻoukou i ka wai, no ka mihi; akā, ʻo ka Mea e hele mai ana ma hope oʻu, he nui aku kona mana i koʻu, ʻaʻole au e pono ke lawe i kona mau kāmaʻa; nāna ʻoukou e bapetizo aku i ka ʻUhane Hemolele a me ke ahi.

NĀ ʻOIHANA A KA POʻE LUNAʻŌLELO 2:3

A ʻike ʻia akula e lākou nā elelo manamana, me he ahi lā, a kau maila i luna iho o kēlā mea kēia mea o lākou a pau.

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 10:3

kāhea maila ia me ka leo nui, e like me ka uō ʻana o ka liona. A i kona kāhea ʻana, pohā maila ka leo o nā hekili ʻehiku.

KA HŌʻIKE ʻANA A IOANE KA HAIPULE 11:19

¶ A ua wehe ʻia aʻela ka luakini o ke Akua ma ka lani, a ʻike ʻia akula ka pahu o kāna berita, ma loko o kona luakini; a laila, nui ihola ka uila, a me nā leo, a me nā hekili, a me ke ōlaʻi, a me ka huahekili he nui loa.

KA HŌʻIKE ʻANA A IOANE KA HAIPULE 3:1

¶ “E palapala aku ʻoe i ka ʻānela o ka ʻekalesia ma Saredeisa: Ke ʻī mai nei ka Mea iā ia nā ʻUhane ʻehiku o ke Akua, a me nā hōkū ʻehiku, penei: ‘Ua ʻike nō au i kāu hana ʻana, he inoa kou ma ke ola; akā, ua make ʻoe.

KA HŌʻIKE ʻANA A IOANE KA HAIPULE 5:6

A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.

KA HŌʻIKE ʻANA A IOANE KA HAIPULE 8:5

Lawe aʻela ka ʻānela i ka ipu ʻala a hahao ihola a piha i ke ahi o ke kuahu, a kiola ihola i lalo i ka honua; a laila puka maila nā leo, a me nā hekili, a me nā uila, a me ke ōlaʻi.