KA HŌʻIKE ʻANA A IOANE KA HAIPULE 4:11 - Ka Baibala Hemolele

¹¹ “E pono nō ʻoe, e ka Haku, ke loaʻa iā ʻoe ka nani a me ka mahalo a me ka mana; No ka mea, nāu nō i hana i nā mea a pau, A ma kou makemake nō lākou i mau ai a hana ʻia hoʻi.”

KA HŌʻIKE ʻANA A IOANE KA HAIPULE 4:11 Iomraidhean Croise

KA BUKE MUA A MOSE, I KAPA ʻIA KINOHI 1:1

¶ I kinohi hana ke Akua i ka lani a me ka honua.

KA BUKE ʻALUA A SAMUʻELA 22:4

“E hea aku nō wau iā Iēhova, ka mea pono ke hoʻonani ʻia aku; Pēlā nō wau e hoʻopakele ʻia mai ai i koʻu poʻe ʻenemi.

KA BUKE A NEHEMIA 9:5

¶ A ʻōlelo akula nā Levi, ʻo Iesua, a me Kademiʻela, Bani, Hasabenia, Serebia, Hodia, Sebania, Petahia, “E kū aʻe ʻoukou, e hoʻomaikaʻi aku iā Iēhova ko ʻoukou Akua Ia ao aku ia ao aku! A e hoʻomaikaʻi ʻia aku kou inoa hanohano I hoʻokiʻekiʻe ʻia ma luna aʻe o ka hoʻomaikaʻi ʻana a pau a me ka hoʻoleʻa ʻana aku!

KA BUKE NO IOBA 36:3

“E lawe mai nō au i kuʻu ʻike mai kahi lōʻihi mai, A e hoʻāpono aku au i kuʻu Mea nāna i hana.

KA BUKE O NĀ HALELŪ 18:3

E kāhea aku au iā Iēhova, iā ia ka hoʻoleʻa, Pēlā au e hoʻopakele ʻia ai i koʻu mau ʻenemi.

KA BUKE O NĀ HALELŪ 68:34

E hāʻawi ʻoukou no ke Akua ka mana; Ma luna o kā ʻIseraʻela kona nani; ʻO kona mana hoʻi, aia nō i nā ao.

KA BUKE ʻALUA A MOSE, I KAPA ʻIA PUKA ʻANA 20:11

“No ka mea, i nā lā ʻeono i hana ai ʻo Iēhova i nā lani, a me ka honua, a me ke kai, a me nā mea a pau ma loko o ia mau mea, a i ka hiku o ka lā i hoʻomaha ai; no laila hoʻi i hoʻomaikaʻi ai ʻo Iēhova i ka lā Sābati, a hoʻāno ai hoʻi ʻo ia ia lā.

NĀ ʻŌLELO AKAMAI A SOLOMONA 16:4

Hana ihola ʻo Iēhova i nā mea a pau nona iho; I ka mea hewa hoʻi kekahi no ka lā e pōʻino ai.

KA WĀNANA A ʻISAIA 40:26

E ʻalawa aʻe i ko ʻoukou mau maka i luna, E nānā hoʻi i ka Mea nāna i hana i kēlā mau mea, Alakaʻi aku nō ʻo ia i ko lākou lehulehu a pau ma ka helu ʻana. Hea aku nō ʻo ia iā lākou a pau ma ka inoa, No ka nui loa o kona mana, a me ka mana loa o kona ikaika; ʻAʻohe mea o lākou i nalowale.

KA WĀNANA A ʻISAIA 40:28

ʻAʻole anei ʻoe i ʻike, ʻaʻole anei ʻoe i lohe? ʻO ke Akua Mau Loa ʻo Iēhova, ʻO ka Mea nāna i hana i nā kūkulu o ka honua; ʻAʻole ia e maʻule, ʻaʻole hoʻi e luhi; ʻAʻohe mea e hiki ke hoʻomaopopo i kona ʻike.

KA WĀNANA A IEREMIA 10:11

¶ Penei ʻoukou e ʻōlelo ai iā lākou, “ʻO nā akua i hana ʻole i nā lani, a me ka honua, e make auaneʻi lākou, mai ka honua aku, a mai lalo aku hoʻi o kēia mau lani.”

KA WĀNANA A IEREMIA 32:17

‘Auē, e ka Haku, e Iēhova ē! Aia hoʻi, nāu nō i hana ka lani a me ka honua, ma kou mana nui, a me ka lima kākāuha, ʻaʻohe mea i hiki ʻole iā ʻoe.

NĀ ʻOIHANA A KA POʻE LUNAʻŌLELO 14:15

ʻī akula, “E nā kānaka, no ke aha lā ʻoukou e hana mai ai i kēia mau mea? He mau kānaka nō māua, ʻo ko kākou ʻano hoʻokahi ʻano nō; a ke haʻi aku nei nō hoʻi māua iā ʻoukou i ka ʻōlelo maikaʻi, i huli ai ʻoukou mai kēia mau mea lapuwale aku a i ke Akua ola, «ka mea nāna i hana ka lani, a me ka honua, a me ke kai, a me nā mea a pau i loko o lākou».

NĀ ʻOIHANA A KA POʻE LUNAʻŌLELO 17:24

“ʻO ke Akua nāna i hana ke ao nei, a me nā mea a pau i loko, ʻo ka Haku nō ia o ka lani a me ka honua, ʻaʻole ia e noho ma loko o ka hale i hana ʻia e nā lima;

ʻO KA ʻEPISETOLE A PAULO KA LUNAʻŌLELO I KO ROMA 11:36

No ka mea, nāna mai, a ma ona lā, a nona nō hoʻi nā mea a pau; iā ia ka hoʻonani mau loa ʻia aku. ʻĀmene.

ʻO KA ʻEPISETOLE A PAULO KA LUNAʻŌLELO I KO ʻEPESO 3:9

a e hōʻike aku hoʻi i nā kānaka a pau i ke ʻano o ka mea pohihihi i hūnā ʻia mai ke kumu mai i loko o ke Akua, nāna i hana nā mea a pau ma o Iesū Kristo lā;

KA BUKE ʻALIMA A MOSE, I KAPA ʻIA KĀNĀWAI LUA 32:4

“ʻO ia ka Pōhaku, ua hemolele kāna hana ʻana; He pono hoʻi kona mau ʻaoʻao a pau, He Akua ʻōlelo ʻoiaʻiʻo, ʻaʻole ona hewa; He pono, he pololei hoʻi ia.

ʻO KA ʻEPISETOLE A PAULO KA LUNAʻŌLELO I KO HEBERA 1:10

Eia hoʻi, “«I ka wā kahiko, ua hoʻokumu ʻoe, e ka Haku, i ka honua; A ʻo nā lani hoʻi ka hana a kou mau lima.

ʻO KA ʻEPISETOLE A PAULO KA LUNAʻŌLELO I KO HEBERA 1:2

ʻo ia kai ʻōlelo hou mai iā kākou i kēia mau lā muli iho nei ma ke Keiki, ka Mea i hoʻolilo ʻia e ia i Haku no nā mea a pau, ma ona lā hoʻi ia i hana ai i ka lani a me ka honua.

KA HŌʻIKE ʻANA A IOANE KA HAIPULE 1:6

a i hoʻolilo mai iā kākou he aupuni, a he mau kāhuna hoʻi no ke Akua no kona Makua; iā ia ka hoʻonani ʻia a me ka hoʻomana ʻia, a i ke ao pau ʻole. ʻĀmene.

KA HŌʻIKE ʻANA A IOANE KA HAIPULE 10:6

a hoʻohiki aʻela ia i ka Mea e ola ana ia ao aku ia ao aku, «ka Mea nāna i hana ka lani a me nā mea i loko ona, a me ka honua a me nā mea i loko ona, a me ke kai a me nā mea i loko ona», ʻaʻole e manawa kali hou aku.

KA HŌʻIKE ʻANA A IOANE KA HAIPULE 14:7

ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 19:1

¶ A ma hope iho o kēia mau mea, lohe akula au i ka leo nui o ke anaina nui loa ma ka lani, e ʻōlelo ana, “Haleluia; ke ola a me ka hanohano a me ka nani a me ka mana, i ka Haku ko kākou Akua.

KA HŌʻIKE ʻANA A IOANE KA HAIPULE 5:12

e ʻōlelo ana me ka leo nui, “E pono nō ke Keiki Hipa i pepehi ʻia, Ke loaʻa iā ia ka mana, a me ka waiwai, a me ke akamai, a me ka ikaika, a me ka nani, a me ka mahalo, a me ka hoʻomaikaʻi ʻia.”

KA HŌʻIKE ʻANA A IOANE KA HAIPULE 5:2

ʻIke akula au i ka ʻānela ikaika, e hea aʻe ana me ka leo nui, “ʻO wai ka mea pono ke wehe i ka buke, a e ʻākaʻa i kona mau wepa?”

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.