KA HŌʻIKE ʻANA A IOANE KA HAIPULE 3:7 - Ka Baibala Hemolele

⁷ ¶ “E palapala aku ʻoe i ka ʻānela o ka ʻekalesia ma Piladelepia: Ke ʻī mai nei ka Mea hoʻāno, ka Mea ʻoiaʻiʻo, ʻo ka Mea iā ia ke kī o Dāvida, ʻo ka Mea wehe, ʻaʻohe mea nāna e pani mai; a pani hoʻi ʻo ia, ʻaʻohe mea nāna e wehe:

KA HŌʻIKE ʻANA A IOANE KA HAIPULE 3:7 Iomraidhean Croise

KA BUKE NO IOBA 11:10

“Inā e hopu mai ia, a hoʻopaʻa iho, a hoʻokolokolo, A laila ʻo wai lā ka mea e keʻakeʻa iā ia?

KA BUKE NO IOBA 12:14

“Aia hoʻi, ke wāwahi nei ʻo ia, ʻaʻole e kūkulu hou ʻia; Ke hahao aku ia i ke kanaka i loko, ʻaʻole e hoʻokuʻu ʻia aku.

KA BUKE O NĀ HALELŪ 145:17

¶ He pono nō ʻo Iēhova i kona mau ʻaoʻao a pau, A ua lokomaikaʻi hoʻi ma nā hana āna a pau.

KA BUKE O NĀ HALELŪ 16:10

No ka mea, ʻaʻole ʻoe e haʻalele i koʻu ʻuhane i ka malu o ka make, ʻAʻole hoʻi ʻoe e waiho iho i kou Mea Hoʻāno a ʻike i ka palahō.

KA BUKE O NĀ HALELŪ 89:18

No ka mea, aia nō iā Iēhova ko mākou pākū, A i ka Mea Hemolele hoʻi o kā ʻIseraʻela, ko mākou aliʻi.

KA WĀNANA A ʻISAIA 22:22

“E kau nō wau i ke kī o ka hale o Dāvida ma kona poʻohiwi, A nāna nō e wehe, ʻaʻohe mea nāna e pani, A nāna nō e pani, ʻaʻohe mea nāna e wehe.

KA WĀNANA A ʻISAIA 30:11

“E kāpae aʻe i waho o ke alanui, E huli aʻe ma waho o ke kuamoʻo, E hoʻihoʻi aku i ka Mea Hemolele o kā ʻIseraʻela, mai ko mākou alo aku.”

KA WĀNANA A ʻISAIA 41:14

“Mai makaʻu, e ka ʻenuhe, e Iakoba ē, ʻO ʻoukou nō hoʻi, e nā kānaka o kā ʻIseraʻela; Naʻu nō ʻoe e kōkua aku,” wahi a Iēhova, kou Hoʻōla Pānaʻi, Ka Mea Hemolele hoʻi o kā ʻIseraʻela.

KA WĀNANA A ʻISAIA 41:16

“E lūlū ana nō ʻoe iā lākou, a na ka makani lākou e lawe aku, A na ka puahiohio e hoʻopuehu aku iā lākou; Akā, e ʻoliʻoli nō ʻoe iā Iēhova, A e hauʻoli hoʻi i ka Mea Hemolele o kā ʻIseraʻela.

KA WĀNANA A ʻISAIA 41:20

“I ʻike lākou, a hoʻomaopopo hoʻi, A noʻonoʻo, me ka ʻike leʻa pū, Na ka lima o Iēhova i hana i kēia, Na ka Mea Hemolele o kā ʻIseraʻela ia i hoʻopaʻa.

KA WĀNANA A ʻISAIA 47:4

ʻO ko kākou Hoʻōla Pānaʻi, ʻo Iēhova o nā kaua kona inoa, ʻO ka Mea Hemolele hoʻi o kā ʻIseraʻela.

KA WĀNANA A ʻISAIA 48:17

¶ Penei hoʻi ka ʻōlelo ʻana mai a Iēhova, a kou Hoʻōla Pānaʻi, ka Mea Hemolele hoʻi o kā ʻIseraʻela, “ʻO wau nō Iēhova, kou Akua, Ka Mea aʻo aku iā ʻoe i ka mea e pono ai, Ka Mea alakaʻi iā ʻoe ma kahi e pono ai ʻoe ke hele.

KA WĀNANA A ʻISAIA 49:7

Penei ka ʻōlelo ʻana mai a Iēhova, Ka Hoʻōla Pānaʻi o kā ʻIseraʻela, kona Mea Hemolele hoʻi, I ka Mea i hoʻowahāwahā ʻia e nā kānaka, I ka Mea a ka lāhui kanaka i hoʻopailua ai, I ke Kauā hoʻi na ka poʻe e noho aliʻi ana, “E ʻike aku nā aliʻi a e kū i luna, E kūlou aku nō hoʻi nā luna, No Iēhova, ka mea ʻoiaʻiʻo, ka Mea Hemolele o kā ʻIseraʻela, Nāna nō e makemake aku iā ʻoe.”

KA WĀNANA A ʻISAIA 54:5

“No ka mea, ʻo ka Mea nāna ʻoe i hana, ʻo ia kāu kāne, ʻO Iēhova o nā kaua kona inoa; A ʻo kou Hoʻōla Pānaʻi, ʻo ka Mea Hemolele ia o kā ʻIseraʻela; E kapa ʻia nō hoʻi ʻo ia, ke Akua o ka honua a pau.

KA WĀNANA A ʻISAIA 55:5

“Aia hoʻi, e kāhea aku nō ʻoe i ka lāhui kanaka āu i ʻike ʻole ai; A ʻo ka lāhui kanaka i ʻike ʻole iā ʻoe, e holo aku nō lākou i ou lā, No Iēhova, kou Akua, a no ka Mea Hemolele o kā ʻIseraʻela; No ka mea, ua hoʻonani mai ʻo ia iā ʻoe.”

KA WĀNANA A ʻISAIA 6:3

A hea aʻela kekahi i kekahi, “ʻIhiʻihi, ʻihiʻihi, ʻihiʻihi nō ʻo Iēhova o nā kaua. Ua piha ka honua i kona nani!”

KA ʻEUANELIO I KĀKAU ʻIA AI E MATAIO 16:19

“E hāʻawi aku hoʻi au iā ʻoe i nā kī o ke aupuni o ka lani; a ʻo ka mea e hoʻopaʻa ʻia e ʻoe ma ka honua nei, e hoʻopaʻa ʻia hoʻi ʻo ia ma ka lani; a ʻo ka mea e kuʻu ʻia e ʻoe ma ka honua nei, e kuʻu ʻia hoʻi ʻo ia ma ka lani.”

KA ʻEUANELIO I KĀKAU ʻIA AI E MATAIO 24:35

“E lilo ana ka lani a me ka honua; akā, ʻaʻole loa e lilo kaʻu mau ʻōlelo.

KA ʻEUANELIO I KĀKAU ʻIA AI E MAREKO 1:24

ʻī aʻela, “ʻEā, he aha kāu iā mākou, e Iesū no Nazareta? I hele mai nei anei ʻoe e luku mai iā mākou? Ua ʻike nō au iā ʻoe; ʻo ʻoe nō ka Mea Hoʻāno a ke Akua!”

KA ʻEUANELIO I KĀKAU ʻIA AI E LUKA 1:32

“E nui auaneʻi ʻo ia, a e kapa ʻia aku, ʻo ke Keiki a ka Mea Kiʻekiʻe Loa; a e hāʻawi hoʻi nona ʻo Iēhova ke Akua i ka noho aliʻi o Dāvida ʻo kona makua kāne.

KA ʻEUANELIO I KĀKAU ʻIA AI E LUKA 4:34

ʻī akula, “ʻEā! He aha kāu iā mākou nei, e Iesū, no Nazareta? Ua hele mai anei ʻoe e luku iā mākou? Ua ʻike nō au iā ʻoe, ʻo ka Mea Hemolele nō ʻoe a ke Akua!”

KA ʻEUANELIO I KĀKAU ʻIA AI E IOANE 14:6

ʻŌlelo maila ʻo Iesū iā ia, “ʻO wau nō ke ala, a me ka ʻoiaʻiʻo, a me ke ola; ʻaʻole kekahi e hiki i ka Makua, ke hele ʻole ia ma oʻu nei.

NĀ ʻOIHANA A KA POʻE LUNAʻŌLELO 3:14

“Ua hōʻole aku ʻoukou i ka Mea Hoʻāno a me ka Pono, a ua nonoi aku ʻoukou e hoʻokuʻu ʻia ka mea pepehi kanaka na ʻoukou;

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.

KA HŌʻIKE ʻANA A IOANE KA HAIPULE 1:11

ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 1:18

a ʻo wau nō ka Mea ola, i make au ma mua; akā, e ola mau ana au ia kau aku ia kau aku, ʻĀmene; a eia nō iaʻu nā kī o Gehena a me ka make.

KA HŌʻIKE ʻANA A IOANE KA HAIPULE 1:5

a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,

KA HŌʻIKE ʻANA A IOANE KA HAIPULE 15:3

Mele maila lākou i ke mele a Mose, ke kauā a ke Akua a me ke mele a ke Keiki Hipa, e ʻōlelo ana, “He nui a he kupanaha loa kāu hana, E ka Haku, ke Akua Mana Loa; He pono a he ʻoiaʻiʻo kou mau ʻaoʻao, E ke Aliʻi o nā lāhui kanaka!

KA HŌʻIKE ʻANA A IOANE KA HAIPULE 16:7

A lohe akula au i kekahi ma ke kuahu, e ʻī mai ana, “ʻO ia nō, e ka Haku ke Akua Mana Loa, he ʻoiaʻiʻo a he pololei kou hoʻopaʻi ʻana.”

KA HŌʻIKE ʻANA A IOANE KA HAIPULE 19:11

¶ ʻIke akula au i ka lani e hāmama ana, a aia hoʻi, he lio keʻokeʻo; a ʻo ka mea e noho ana ma luna iho ona, ua kapa ʻia, ʻo Hoʻopono, a ʻo ʻOiaʻiʻo, a ma ka pono ʻo ia e hoʻopaʻi aku ai, a e kaua aku ai hoʻi.

KA HŌʻIKE ʻANA A IOANE KA HAIPULE 19:2

“«No ka mea, he ʻoiaʻiʻo a he pono kāna hoʻopaʻi ʻana»; no ka mea, ua hoʻāhewa ʻo ia i ka wahine hoʻokamakama nui, nāna i hoʻohaumia i ka honua, i kona hoʻokamakama ʻana, a «ua hoʻopaʻi hoʻi i ke koko o kāna poʻe kauā ma kona lima».”

KA HŌʻIKE ʻANA A IOANE KA HAIPULE 2:1

¶ “E palapala aku ʻoe i ka ʻānela o ka ʻekalesia ma ʻEpeso: Ke ʻī mai nei ka Mea nāna e paʻa ana nā hōkū ʻehiku ma kona lima ʻākau, a e hele ana hoʻi ma waena o nā ipukukui gula ʻehiku, penei:

KA HŌʻIKE ʻANA A IOANE KA HAIPULE 21:5

ʻĪ maila ka mea i noho ma ka noho aliʻi, “Aia hoʻi, ke hana hou nei au i nā mea a pau.” ʻĪ maila kēlā iaʻu, “E palapala ʻoe; no ka mea, he pono kēia mau ʻōlelo, he ʻoiaʻiʻo.”

KA HŌʻIKE ʻANA A IOANE KA HAIPULE 3:14

¶ “E palapala aku ʻoe i ka ʻānela o ka ʻekalesia ma Laodikeia: Ke ʻī mai nei ka ʻĀmene, ka Hōʻike hoʻopono a me ka ʻoiaʻiʻo, ke Poʻo o nā mea a ke Akua i hana ai:

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.

KA HŌʻIKE ʻANA A IOANE KA HAIPULE 6:10

Hea maila lākou me ka leo nui, ʻī maila, “E ka Haku, hoʻāno a me ka ʻoiaʻiʻo, pehea lā ka lōʻihi? ʻAʻole anei ʻoe e hoʻokolokolo, a e hoʻopaʻi hoʻi i ko mākou koko, ma luna o ka poʻe e noho lā ma ka honua?”