KA HŌʻIKE ʻANA A IOANE KA HAIPULE 3:19 - Ka Baibala Hemolele

¹⁹ ‘ʻO nā mea aʻu i aloha ai, ʻo ia kaʻu i aʻo aku ai, a i paipai ai hoʻi. No ia mea, e hoʻoikaika, a e mihi hoʻi.

KA HŌʻIKE ʻANA A IOANE KA HAIPULE 3:19 Iomraidhean Croise

KA BUKE ʻALUA A SAMUʻELA 7:14

“ʻO wau nō auaneʻi kona makua kāne, a e lilo hoʻi ia i keiki naʻu; a i hana ʻino kēlā, naʻu nō e paʻipaʻi aku iā ia me ka lāʻau ma ko ke kanaka, a me ka hahau ʻana ma ko nā keiki a nā kānaka.

KA BUKE NO IOBA 5:17

¶ “Aia hoʻi, pōmaikaʻi ke kanaka a ke Akua i hōʻeha mai; No laila, mai hoʻowahāwahā ʻoe i ka hahau ʻana mai o ka Mea Mana;

KA BUKE O NĀ HALELŪ 39:11

“Aia hahau ʻoe i ke kanaka me ka pāpā ʻana mai no kona hewa, Ua hoʻopau ʻoe i kona nani me he mū lā; ʻOiaʻiʻo, he hanu wale nō nā kānaka a pau. Sila.

KA BUKE O NĀ HALELŪ 6:1

¶ E Iēhova, mai hoʻohewa mai ʻoe iaʻu me kou huhū; Mai hahau mai ʻoe iaʻu, me kou inaina nui.

KA BUKE O NĀ HALELŪ 69:9

No ka mea, ua hoʻopau ʻia au e ka manaʻo ikaika no kou hale; A ʻo nā hōʻino ʻana o ka poʻe hōʻino iā ʻoe, ua hāʻule mai ia ma luna iho oʻu.

KA BUKE O NĀ HALELŪ 94:10

ʻO ka Mea hahau i ko nā ʻāina ʻē, ʻAʻole anei ʻo ia e hoʻopaʻi mai? ʻO ka Mea hoʻi i aʻo mai i kānaka i ka ʻike?

NĀ ʻŌLELO AKAMAI A SOLOMONA 15:10

ʻO ka hoʻopaʻi ʻia mai, he mea kaumaha ia i ka mea haʻalele i ka ʻaoʻao; ʻO ka mea hoʻowahāwahā hoʻi i ke aʻo ʻia mai, e make ʻo ia.

NĀ ʻŌLELO AKAMAI A SOLOMONA 15:32

ʻO ka mea hōʻole i ke aʻo ʻia mai, ʻo ia kai hoʻowahāwahā i kona ʻuhane iho; ʻO ka mea hoʻolohe i ke aʻo ʻia mai e loaʻa iā ia ka naʻauao.

NĀ ʻŌLELO AKAMAI A SOLOMONA 22:15

Ua paʻa ke kolohe i loko o ka naʻau o ke kamaliʻi, ʻO ka lāʻau hahau, ʻo ia ke hoʻohemo aʻe ia mea mai ona aku.

KA WĀNANA A ʻISAIA 26:16

E Iēhova, ma loko o ke kaumaha, ua ʻimi aku lākou iā ʻoe, I ka wā i hoʻokaumaha ai ʻoe iā lākou, nonoi ikaika loa aku lākou.

KA WĀNANA A IEREMIA 10:24

E Iēhova, e paʻipaʻi mai ʻoe iaʻu, ma ka pono naʻe, ʻAʻole ma kou ukiuki, o hoʻōki loa mai ʻoe iaʻu.

KA WĀNANA A IEREMIA 2:30

“Ua makehewa koʻu paʻipaʻi ʻana i kā ʻoukou poʻe keiki; ʻAʻole i loaʻa iā lākou ka naʻauao. Na kā ʻoukou pahi kaua nō i hoʻopau i ko ʻoukou poʻe kāula, E like me ka liona luku.

KA WĀNANA A IEREMIA 30:11

‘No ka mea, ʻo wau pū nō me ʻoe,’ wahi a Iēhova, ‘e hoʻōla iā ʻoe. A inā e hoʻōki loa paha wau i ko nā ʻāina a pau, kahi aʻu i hoʻopuehu aku iā ʻoukou, ʻAʻole wau e hoʻōki loa iā ʻoe; Akā, e hoʻopaʻi nō wau iā ʻoe ma ka pono, ʻAʻole wau e kuʻu wale aku iā ʻoe.’

KA WĀNANA A IEREMIA 31:18

“ʻOiaʻiʻo nō ua lohe au iā ʻEperaima e olo pihe ana, ‘Ua paʻipaʻi mai ʻoe iaʻu, a ua paʻipaʻi ʻia mai au, E like me ka bipi maʻa ʻole. E hoʻohuli ʻoe iaʻu, a e hoʻohuli ʻia nō wau; No ka mea, ʻo ʻoe nō ʻo Iēhova, koʻu Akua.

KA WĀNANA A IEREMIA 7:28

“E ʻōlelo nō naʻe ʻoe iā lākou, ‘He lāhui kanaka kēia i hoʻolohe ʻole i ka leo o Iēhova ʻo ko lākou Akua, ʻaʻole hoʻi lākou i hoʻonaʻauao. Ua make ka ʻoiaʻiʻo, a ua hōʻoki ʻia mai ko lākou waha aku.

ZEPANIA 3:2

ʻAʻole ia i hoʻolohe i ka leo, ʻAʻole hoʻi i ʻae aku i ke aʻo ʻia mai; ʻAʻole hoʻi ia i paulele iā Iēhova, ʻAʻole ia i hoʻokokoke aku i kona Akua.

KA ʻEUANELIO I KĀKAU ʻIA AI E MATAIO 25:7

“A laila, ala aʻela ua poʻe wāhine puʻupaʻa lā a pau, a koli ihola i ko lākou mau kukui.

KA ʻEUANELIO I KĀKAU ʻIA AI E IOANE 2:17

Hoʻomanaʻo ihola kāna poʻe haumāna i ka mea i palapala ʻia, “«ʻO ka manaʻo nui i kou hale ka mea e ʻai mai nei iaʻu».”

ʻO KA ʻEPISETOLE A PAULO KA LUNAʻŌLELO I KO ROMA 12:11

I ka hana mau ʻana, mai hoʻopalaleha; i ikaika hoʻi ʻoukou ma ka naʻau; e mālama ana i ka Haku.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:32

Akā, i ko kākou hoʻāhewa ʻia, ua hahau ʻia kākou e ka Haku, i ʻole ai kākou e hoʻāhewa pū ʻia me ko ke ao nei.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:9

like me nā mea ʻike ʻole ʻia, a ua kaulana naʻe; like me ka poʻe e make ana, aia hoʻi, ke ola nei mākou; like me nā mea i hahau ʻia, ʻaʻole naʻe i make;

ʻO KA ʻEPISETOLE LUA A PAULO KA LUNAʻŌLELO I KO KORINETO 7:11

Aia hoʻi, ʻo ua mea lā a ʻoukou i hana ʻeha ʻia ai ma kā ke Akua, he nui ka ikaika i hana ʻia e ia i loko o ʻoukou, ʻo ia, he hoʻākāka, ʻo ia, he huhū, ʻo ia, he makaʻu, ʻo ia, he ʻiʻini nui, ʻo ia, he manaʻo ikaika, ʻo ia, he hoʻopaʻi! Ma nā mea a pau, ua hōʻike mai ʻoukou iā ʻoukou iho, he hala ʻole i kēia mea.

ʻO KA ʻEPISETOLE A PAULO KA LUNAʻŌLELO I KO GALATIA 4:18

Akā, he mea pono nō ke hū aʻe a mau mai ke aloha i ka mea maikaʻi, ʻaʻole i ka wā wale nō e noho ai au me ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 8:5

“E hoʻomanaʻo hoʻi ʻoe i loko o kou naʻau, e like me ke kanaka e hoʻoʻehaʻeha ana i kāna keiki, pēlā hoʻi ʻo Iēhova e hoʻoʻehaʻeha mai ai iā ʻoe.

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

KA HŌʻIKE ʻANA A IOANE KA HAIPULE 2:5

‘No laila, e hoʻomanaʻo ʻoe i kou wahi i hāʻule ai, a e mihi hoʻi, a e hana hoʻi i nā hana mua; a i ʻole, ʻeā, e hele koke aku au i ou lā, a e lawe aku i kou ipukukui, mai kona wahi aku, ke mihi ʻole ʻoe.