KA HŌʻIKE ʻANA A IOANE KA HAIPULE 3:18 - Ka Baibala Hemolele

¹⁸ ‘Ke aʻo aku nei au iā ʻoe, e kūʻai me aʻu i ke gula i hoʻomaikaʻi ʻia i ke ahi, i waiwai ʻiʻo ʻoe; a i ʻaʻahu keʻokeʻo, i ʻaʻahu ʻia ʻoe, i ʻike ʻole ʻia mai ka hilahila o kou ʻōlohelohe ʻana; a i lāʻau mākole e hamo ai i kou mau maka, i ʻike ʻoe.

KA HŌʻIKE ʻANA A IOANE KA HAIPULE 3:18 Iomraidhean Croise

KA BUKE O NĀ HALELŪ 107:11

No ka mea, ua kipi lākou i nā ʻōlelo a ke Akua, A ua hoʻowahāwahā i ke aʻo ʻana mai o ka Mea Kiʻekiʻe;

KA BUKE O NĀ HALELŪ 16:7

¶ E hoʻomaikaʻi aku au iā Iēhova, nāna ka ʻōlelo i hāʻawi mai iaʻu, Ua aʻo mai hoʻi iaʻu koʻu mau puʻupaʻa i nā pō.

KA BUKE O NĀ HALELŪ 32:8

¶ E aʻo aku au iā ʻoe, a hōʻike iā ʻoe i kou ala e hele ai; E alakaʻi au iā ʻoe me koʻu maka.

KA BUKE O NĀ HALELŪ 73:24

E alakaʻi nō ʻoe iaʻu ma kāu ʻōlelo aʻo, A ma hope aku, e hoʻokipa iaʻu i ka nani.

NĀ ʻŌLELO AKAMAI A SOLOMONA 1:25

“Haʻalele ʻoukou i koʻu mau manaʻo a pau, ʻAʻole hoʻi ʻoukou i makemake i kaʻu aʻo ʻana;

NĀ ʻŌLELO AKAMAI A SOLOMONA 1:30

“ʻAʻole o lākou makemake i kaʻu aʻo ʻana; Manaʻo ʻino hoʻi i kaʻu mau ʻōlelo a pau.

NĀ ʻŌLELO AKAMAI A SOLOMONA 19:20

E hoʻolohe i ka ʻōlelo aʻo, e hāliu hoʻi i ke aʻo ʻia mai, I naʻauao ʻoe i kou hopena.

NĀ ʻŌLELO AKAMAI A SOLOMONA 23:23

E kūʻai lilo mai i ka ʻoiaʻiʻo, mai kūʻai lilo aku; I ka naʻauao hoʻi a me ke aʻo ʻia mai a me ka ʻike.

KE KAHUNA 8:2

¶ Ke aʻo aku nei au iā ʻoe, “E mālama i ke kānāwai o ke aliʻi, no ka hoʻohiki ʻana i ke Akua.

KA WĀNANA A ʻISAIA 47:3

“E wehe ʻia auaneʻi kou hena, a e ʻike ʻia hoʻi kou wahi hilahila; E hoʻopaʻi ʻiʻo nō wau, ʻaʻole e pakele kekahi kanaka iaʻu.”

KA WĀNANA A ʻISAIA 55:1

¶ “ʻEa! Nā mea a pau e make wai, E hele mai ʻoukou i nā wai, A ʻo ka mea kālā ʻole, e hele mai hoʻi ʻoukou, e kūʻai nō, a e ʻai iho; ʻO ia, e hele mai, e kūʻai i ka waina, a me ka waiū, me ke kālā ʻole, a me ke kumu ʻole.

KA WĀNANA A IEREMIA 13:26

“No laila au e wehe aʻe ai i ka huʻa lole ou i luna ma kou maka, I ʻike ʻia kou wahi hilahila.

KA BUKE NO DANIʻELA 12:2

“A e ala mai auaneʻi nā mea he nui e hiamoe ana i loko o ka lepo o ka honua; ʻo kekahi poʻe, e ala lākou i ke ola mau loa, a ʻo kekahi poʻe i ka hilahila, a me ka hoʻowahāwahā mau loa ʻia.

MIKA 1:11

E hele aku ʻoe, e ka mea e noho ana ma Sapira, me kou hilahila uhi ʻole; ʻAʻole i hele mai i waho ka mea e noho ana ma Zaʻanana, Ma ka auē ʻana o Bete ʻEzela: E lawe nō ia i kona noho ʻana mai o ʻoukou aku.

NAHUMA 3:5

“Aia hoʻi, ua makaʻē aku au iā ʻoe,” wahi a Iēhova o nā kaua; “A e huli aʻe au i kou kapa ma luna o kou maka, A e hōʻike aku au i kou ʻōlohelohe ʻana i nā lāhui kanaka, A i kou hilahila i nā aupuni.

MALAKI 3:3

“A noho ia he mea hoʻoheheʻe a me ka hoʻomaʻemaʻe i ke kālā; a e huikala ia i nā keiki a Levi, a e hoʻomaʻemaʻe ʻo ia iā lākou e like me ke gula a me ke kālā, i mōhai aku ai lākou i ka mōhai pono na Iēhova.

KA ʻEUANELIO I KĀKAU ʻIA AI E MATAIO 13:44

¶ “Eia hou, ua like ke aupuni o ka lani me ka waiwai i hūnā ʻia i loko o kahi kīhāpai; a loaʻa ia i ke kanaka, hūnā hou iho nō ia, a hele aku me ka ʻoliʻoli, a kūʻai lilo aku nō i kāna mau mea a pau, a kūʻai lilo mai ia kīhāpai nona.

KA ʻEUANELIO I KĀKAU ʻIA AI E MATAIO 25:9

“ʻŌlelo aʻela ka poʻe naʻauao, ʻī aʻela, ‘ʻAʻole paha e lawa ka ʻaila no kākou a pau; e hele aʻe ʻoukou i ka poʻe kūʻai, a kūʻai i ʻaila no ʻoukou.’

KA ʻEUANELIO I KĀKAU ʻIA AI E LUKA 12:21

“Pēlā hoʻi ka mea i hoʻolakolako waiwai nona iho, a i lako ʻole i ko ke Akua.”

ʻO KA ʻEPISETOLE LUA A PAULO KA LUNAʻŌLELO I KO KORINETO 5:3

Inā paha i hoʻokomo ʻia mākou, ʻaʻole mākou e ʻike ʻia mai he hune.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:9

No ka mea, ua ʻike nō ʻoukou i ka lokomaikaʻi o ko kākou Haku ʻo Iesū Kristo, ua waiwai ʻo ia, a no ʻoukou i lilo mai ai ia i mea ʻilihune, i waiwai ai hoʻi ʻoukou ma kona ʻilihune.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:18

E hana maikaʻi hoʻi lākou, i lako hoʻi lākou i nā hana maikaʻi, i mākaukau hoʻi i ka hāʻawi wale aku me ka lokomaikaʻi;

ʻO KA ʻEPISETOLE HOʻOLAHA A IAKOBO 2:5

E hoʻolohe ʻoukou, e nā hoahānau aloha oʻu, ʻaʻole anei ke Akua i wae aʻe i ka poʻe ʻilihune o ke ao nei e lako i ka manaʻoʻiʻo, a e lilo i poʻe hoʻoilina o ke aupuni āna i ʻōlelo mai ai i ka poʻe e aloha aku ana iā ia?

ʻO KA ʻEPISETOLE HOʻOLAHA MUA A PETERO 1:7

i lilo hoʻi ka hoʻāʻo ʻana o ko ʻoukou manaʻoʻiʻo, ka mea i ʻoi aku ka maikaʻi ma mua o ke gula pau wale, i hoʻāʻo ʻia i ke ahi, i mea e mahalo ʻia ai, a e hoʻomaikaʻi ʻia ai, a e hoʻonani ʻia ai i ka wā e ʻikea mai ai ʻo Iesū Kristo.

KA HŌʻIKE ʻANA A IOANE KA HAIPULE 16:15

“Aia hoʻi, e hele mai au me he ʻaihue lā. Pōmaikaʻi ka mea makaʻala, a mālama hoʻi i kona ʻaʻahu, i ʻole ia e hele kapa ʻole, a ʻike mai lākou i kona hilahila.”

KA HŌʻIKE ʻANA A IOANE KA HAIPULE 19:8

A ua hāʻawi ʻia mai nona e ʻaʻahu i ka lole nani, keʻokeʻo aʻiaʻi; no ka mea, ʻo ka lole nani, ʻo ia ka pono o ka poʻe haipule.

KA HŌʻIKE ʻANA A IOANE KA HAIPULE 2:9

‘Ua ʻike nō au i kāu hana ʻana, a me kou pōpilikia, a me kou hune, ua waiwai nō naʻe ʻoe; a ua ʻike au i ka ʻōlelo hoʻoʻino a ka poʻe i kapa iā lākou iho he poʻe Iudaio, ʻaʻole kā, ʻo ka hale hālāwai lākou o Sātana.

KA HŌʻIKE ʻANA A IOANE KA HAIPULE 3:17

‘No ka mea, ke ʻōlelo mai nei ʻoe, “Ua waiwai au, ua ahu ʻia kuʻu ukana, ʻaʻole oʻu wahi hemahema iki.” ‘ʻAʻole hoʻi ʻoe i ʻike, ua pōpilikia ʻoe, a ua pōʻino, a ua hune, a ua makapō a me ke kapa ʻole.

KA HŌʻIKE ʻANA A IOANE KA HAIPULE 4:4

Ua puni kēlā noho aliʻi i nā noho he iwakāluakumamāhā; a ma luna iho o ua poʻe noho lā, e noho ana he poʻe lunakahiko, he iwakāluakumamāhā, ua ʻaʻahu ʻia i ka ʻaʻahu keʻokeʻo; a ma luna iho o ko lākou mau poʻo, he mau lei aliʻi gula.

KA HŌʻIKE ʻANA A IOANE KA HAIPULE 7:13

ʻĪ maila kekahi o nā lunakahiko, nīnau maila iaʻu, “ʻO wai lākou nei i ʻaʻahu ʻia i ka ʻaʻahu lole keʻokeʻo? A mai hea maila lākou i hele mai ai?”