KA HŌʻIKE ʻANA A IOANE KA HAIPULE 3:1 - Ka Baibala Hemolele

¹ ¶ “E palapala aku ʻoe i ka ʻānela o ka ʻekalesia ma Saredeisa: Ke ʻī mai nei ka Mea iā ia nā ʻUhane ʻehiku o ke Akua, a me nā hōkū ʻehiku, penei: ‘Ua ʻike nō au i kāu hana ʻana, he inoa kou ma ke ola; akā, ua make ʻoe.

KA HŌʻIKE ʻANA A IOANE KA HAIPULE 3:1 Iomraidhean Croise

KA ʻEUANELIO I KĀKAU ʻIA AI E LUKA 15:24

no ka mea, ua make kēia keiki aʻu, a ua ola hou mai nei; nalowale akula hoʻi ia, a ua loaʻa mai nei.’ A ʻahaʻaina ihola lākou me ka ʻoliʻoli.

KA ʻEUANELIO I KĀKAU ʻIA AI E LUKA 15:32

‘He mea pono nō kākou e ʻahaʻaina ʻoliʻoli a me ka hauʻoli; no ka mea, ʻo kou kaikaina nei, ua make nō ia, a ua ola hou mai nei; nalowale akula ia, a ua loaʻa mai nei.’”

KA ʻEUANELIO I KĀKAU ʻIA AI E IOANE 1:16

No loko mai o kāna mea i piha ai, ua loaʻa iā kākou nā mea maikaʻi a nui loa.

KA ʻEUANELIO I KĀKAU ʻIA AI E IOANE 1:33

“ʻAʻole naʻe au i ʻike pono iā ia; akā, ʻo ka Mea nāna au i hoʻouna mai e bapetizo me ka wai, ʻo ia kai ʻōlelo mai iaʻu, ‘Aia ʻike aku ʻoe i ka ʻUhane e iho mai ana ma luna ona, a e noho ana ma luna ona, ʻo ia ka mea, nāna e bapetizo me ka ʻUhane Hemolele.’

KA ʻEUANELIO I KĀKAU ʻIA AI E IOANE 20:22

A pau kāna ʻōlelo ʻana i kēia, hā ihola ʻo ia iā lākou, ʻī maila iā lākou, “E loaʻa iā ʻoukou ka ʻUhane Hemolele.

KA ʻEUANELIO I KĀKAU ʻIA AI E IOANE 3:34

“No ka mea, ʻo kā ke Akua mea i hoʻouna mai ai, ʻo kā ke Akua ʻōlelo kāna e ʻōlelo ai; no ka mea, ʻaʻole ke Akua e hāʻawi liʻiliʻi mai i ka ʻUhane iā ia.

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.

ʻO KA ʻEPISETOLE A PAULO KA LUNAʻŌLELO I KO ʻEPESO 2:1

¶ ʻO ʻoukou hoʻi kekahi, ʻo ka poʻe i make i loko o nā hala a me nā hewa;

ʻO KA ʻEPISETOLE A PAULO KA LUNAʻŌLELO I KO ʻEPESO 2:5

i ko kākou wā make i nā hala, ua hoʻōla mai ʻo ia iā kākou pū me Kristo, (ma ka lokomaikaʻi ʻoukou e ola ai);

ʻO KA ʻEPISETOLE A PAULO KA LUNAʻŌLELO I KO KOLOSA 2:13

ʻO ʻoukou hoʻi ka poʻe i make i loko o ka hewa, a me ke ʻoki poepoe ʻole ʻia o ko ʻoukou kino, ʻo ʻoukou kāna i hoʻāla pū hou mai nei me ia, a ua kala mai i ko ʻoukou hewa a pau;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:6

Akā, ʻo ka wahine e noho ana ma ka leʻaleʻa, ua make nō ia i kona wā e ola ana.

ʻO KA ʻEPISETOLE HOʻOLAHA A IAKOBO 2:26

ʻOiaʻiʻo nō, ʻo ke kino ʻuhane ʻole, ua make nō ia, pēlā hoʻi ka manaʻoʻiʻo hana ʻole, ua make nō ia.

ʻO KA ʻEPISETOLE HOʻOLAHA MUA A PETERO 1:11

Ua ʻimi nui nō lākou i ka mea a me ka manawa a ka ʻUhane o Kristo i haʻi mai ai i loko o lākou, i kona hōʻike mua ʻana mai i ka hōʻino ʻia ʻo Kristo, a me ka hoʻonani ʻia, ma hope o kēia mau mea.

ʻO KA ʻEPISETOLE HOʻOLAHA A IUDA 1:12

He mau pūkoʻa ia mau mea ma kā ʻoukou mau ʻahaʻaina aloha, ua ʻahaʻaina hilahila ʻole lākou me ka hānai ʻana iā lākou iho; he mau ao ua ʻole i lele ʻino i ka makani; he mau lāʻau i mae wale, hua ʻole, i pālua ka make ʻana, a i huki ʻia ke aʻa;

KA HŌʻIKE ʻANA A IOANE KA HAIPULE 1:11

ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 1:16

Ua paʻa hoʻi i loko o kona lima ʻākau nā hōkū ʻehiku; a puka akula ma waho o kona waha he pahi kaua maka lua, ʻoi loa; a ʻo kona helehelena, ua like ia me ka lā e lilelile ana i kona ikaika.

KA HŌʻIKE ʻANA A IOANE KA HAIPULE 1:20

“I ka mea pohihihi o nā hōkū ʻehiku āu i ʻike ai ma koʻu lima ʻākau, a me nā ipu gula ʻehiku. ʻO nā hōkū ʻehiku, ʻo lākou nā ʻānela o ua mau ʻekalesia lā ʻehiku; a ʻo nā ipukukui ʻehiku, ʻo ia nō ua poʻe ʻekalesia ʻehiku lā.”

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 2:13

‘Ua ʻike nō au i kāu hana ʻana, a me kou wahi e noho lā, aia ma kahi noho aliʻi o Sātana; a ua paʻa iā ʻoe koʻu inoa, ʻaʻole hoʻi ʻoe i hōʻole i koʻu manaʻoʻiʻo, ʻaʻole i nā lā o ʻAnetipasa ʻo ka mea i hōʻike ʻoiaʻiʻo noʻu; ua pepehi ʻia ʻo ia i waena o ʻoukou, i kahi e noho ai ʻo Sātana.

KA HŌʻIKE ʻANA A IOANE KA HAIPULE 2:19

‘Ua ʻike au i kāu hana ʻana, a me kou aloha, a me kou lawelawe ʻana, a me kou manaʻoʻiʻo, a me kou ahonui, a me ka ʻoi ʻana aku o kāu hana hope, ma mua o nā hana mua.

KA HŌʻIKE ʻANA A IOANE KA HAIPULE 2:2

‘Ua ʻike nō au i kāu hana ʻana, a me kou luhi, a me kou ahonui, a me ka hiki ʻole iā ʻoe ke hoʻomanawanui i ka poʻe hewa; a ua hoʻāʻo ʻoe i ka poʻe i haʻi mai iā lākou iho he poʻe lunaʻōlelo, ʻaʻole kā, a ua ʻike ʻoe iā lākou, he poʻe wahaheʻe.

KA HŌʻIKE ʻANA A IOANE KA HAIPULE 2:9

‘Ua ʻike nō au i kāu hana ʻana, a me kou pōpilikia, a me kou hune, ua waiwai nō naʻe ʻoe; a ua ʻike au i ka ʻōlelo hoʻoʻino a ka poʻe i kapa iā lākou iho he poʻe Iudaio, ʻaʻole kā, ʻo ka hale hālāwai lākou o Sātana.

KA HŌʻIKE ʻANA A IOANE KA HAIPULE 3:15

‘Ua ʻike nō au i kāu hana ʻana, ʻaʻole ʻoe i anu, ʻaʻole hoʻi i wela. Ua makemake au iā ʻoe e anu, a i ʻole, e wela nō.

KA HŌʻIKE ʻANA A IOANE KA HAIPULE 3:2

‘E makaʻala a e hoʻoikaika i nā mea i koe, nā mea ʻaneʻane make; no ka mea, ʻaʻole i loaʻa iaʻu kāu mau hana he pono ʻiʻo i mua o ke Akua.

KA HŌʻIKE ʻANA A IOANE KA HAIPULE 3:8

‘Ua ʻike nō au i kāu hana ʻana; aia hoʻi, ua waiho au i ka puka i mua ou, e hāmama ana, ʻaʻohe mea nāna ia e pani; no ka mea, he wahi ikaika iki kou, a ua mālama ʻoe i kaʻu ʻōlelo, ʻaʻole i hōʻole i koʻu inoa.

KA HŌʻIKE ʻANA A IOANE KA HAIPULE 4:5

ʻAnapu maila ka uila mai ka noho aliʻi mai, a me ka hekili, a me nā leo. ʻEhiku hoʻi ipukukui ahi e ʻaʻā ana i mua o ka noho aliʻi, ʻo ia hoʻi nā ʻUhane ʻehiku o ke Akua.

KA HŌʻIKE ʻANA A IOANE KA HAIPULE 5:6

A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.