KA HŌʻIKE ʻANA A IOANE KA HAIPULE 22:4 - Ka Baibala Hemolele

⁴ A e ʻike aku nō lākou i kona maka; a aia hoʻi kona inoa ma ko lākou mau lae.

KA HŌʻIKE ʻANA A IOANE KA HAIPULE 22:4 Iomraidhean Croise

KA BUKE NO IOBA 33:26

“E pule aku nō ia i ke Akua, a e ʻoluʻolu nō ʻo ia iā ia; A e ʻike aku ia i kona maka me ka hauʻoli; A e hoʻihoʻi aku nō ia no ke kanaka i kona pono.

KA BUKE O NĀ HALELŪ 17:15

A ʻo wau hoʻi lā, e ʻike auaneʻi au i kou maka me ka pono; Aia e ala hou au me kou ʻano, a laila au e maha ʻiʻo ai.

KA BUKE O NĀ HALELŪ 4:6

¶ He nui nō ka poʻe i ʻōlelo mai, “ʻO wai ka mea e hōʻike mai i ka pono iā kākou?” E Iēhova, e hoʻomālamalama mai kou maka iā mākou.

KA BUKE O NĀ HALELŪ 42:2

Ke make wai nei koʻu ʻuhane i ke Akua, i ke Akua ola; Āhea lā hiki aku au, a ʻike ʻia mai i mua o ke Akua?

KA WĀNANA A ʻISAIA 33:17

¶ E ʻike aku nō kou mau maka i ke Aliʻi i kona nani; E ʻike nō hoʻi lākou i ka ʻāina ma kahi lōʻihi aku.

KA WĀNANA A ʻISAIA 35:2

E pua nui nō ia, a e hauʻoli hoʻi me ka ʻoliʻoli, a me ka hauʻoli; E hāʻawi ʻia aku ka nani o Lebanona iā ia, A me ka maikaʻi o Karemela, a me Sārona; E ʻike auaneʻi lākou i ka nani o Iēhova, A me ka hanohano o ko kākou Akua.

KA WĀNANA A ʻISAIA 40:5

“E hōʻike ʻia mai nō ka nani o Iēhova, A e ʻike pū aku nō nā kānaka a pau; No ka mea, na ka waha o Iēhova i ʻōlelo mai.”

KA WĀNANA A ʻEZEKIʻELA 33:23

¶ A laila, hiki mai ka ʻōlelo a Iēhova iaʻu, ʻī maila,

KA ʻEUANELIO I KĀKAU ʻIA AI E MATAIO 5:8

¶ “Pōmaikaʻi ka poʻe i maʻemaʻe ma ka naʻau; no ka mea, e ʻike lākou i ke Akua.

KA ʻEUANELIO I KĀKAU ʻIA AI E IOANE 12:26

“Inā e hoʻokauā mai kekahi naʻu, e hahai mai ia iaʻu; a ma koʻu wahi e noho ai, ma laila pū nō hoʻi kaʻu kauā; inā e hoʻokauā mai kekahi naʻu, e hoʻomaikaʻi ka Makua iā ia.

KA ʻEUANELIO I KĀKAU ʻIA AI E IOANE 17:24

“E ka Makua, ke makemake nei au, e noho pū me aʻu ka poʻe āu i hāʻawi mai ai iaʻu, ma koʻu wahi e noho ai; i ʻike ai lākou i koʻu nani āu i hāʻawi mai ai noʻu; no ka mea, ua aloha mai ʻoe iaʻu ma mua o ka hoʻokumu ʻana o ke ao nei.

ʻO KA ʻEPISETOLE MUA A PAULO KA LUNAʻŌLELO I KO KORINETO 13:12

I kēia wā, ke ʻike pōwehiwehi nei kākou, me he aniani lā; i kēlā wā aku, he maka nō, he maka. I kēia wā, ua ʻike pōwehiwehi au; akā, i kēlā wā aku, e ʻike maoli aku au, e like me kaʻu i ʻike ʻia mai ai.

ʻO KA ʻEPISETOLE A PAULO KA LUNAʻŌLELO I KO HEBERA 12:14

¶ E hahai ma ke kuʻikahi me nā kānaka a pau, a ma ka hemolele hoʻi, ʻaʻohe kanaka i nele ia mea e ʻike aku i ka Haku.

KA HŌʻIKE ʻANA A IOANE KA HAIPULE 14:1

¶ Nānā akula au, aia hoʻi, kū maila ke Keiki Hipa ma ka mauna ʻo Ziona, a me ia pū hoʻokahi haneri me kanahākumamāhā tausani, me ka inoa o kona Makua i kākau ʻia ma ko lākou lae.

KA HŌʻIKE ʻANA A IOANE KA HAIPULE 3:12

‘ʻO ka mea lanakila, e hoʻolilo nō au iā ia i kia ma loko o ka luakini o koʻu Akua, ʻaʻole hoʻi ia e puka hou i waho. A e palapala wau ma luna ona i ka inoa o koʻu Akua, a me ka inoa o ke kūlanakauhale o koʻu Akua, ʻo Ierusalema hou, ʻo ka mea i iho mai mai loko mai o ka lani, mai koʻu Akua mai; a me koʻu inoa hou kekahi.

KA HŌʻIKE ʻANA A IOANE KA HAIPULE 7:3

ʻī maila ʻo ia, “Mai hana ʻino ʻoukou i ka ʻāina, ʻaʻole hoʻi i ka moana, ʻaʻole hoʻi i nā lāʻau, a hōʻailona akula mākou i nā kauā a ko kākou Akua ma ko lākou lae.”