KA HŌʻIKE ʻANA A IOANE KA HAIPULE 22:2 - Ka Baibala Hemolele

² A ma waena o kona alanui a ma kēlā kapa kēia kapa o ka muliwai, ʻo ka lāʻau o ke ola, e hua ana i ka hua he ʻumikumamālua ke ʻano, ʻakahi malama, ʻakahi hua āna. A ʻo nā lau o ka lāʻau, ʻo ia ka mea e ola ai nā lāhui kanaka.

KA HŌʻIKE ʻANA A IOANE KA HAIPULE 22:2 Iomraidhean Croise

KA BUKE MUA A MOSE, I KAPA ʻIA KINOHI 2:9

Hoʻoulu aʻela ʻo Iēhova ke Akua i nā lāʻau a pau mai loko aʻe o ka honua, i nā mea ʻoluʻolu no ka maka, i nā mea ʻono hoʻi ke ʻai; i ka lāʻau o ke ola hoʻi i waenakonu o ka mahina ʻai, a me ka lāʻau i ʻikea ai ka pono a me ka hewa.

KA BUKE O NĀ HALELŪ 147:3

Hoʻomaha mai nō ʻo ia i ka poʻe naʻau haehae, A wahī nō hoʻi ʻo ia i ko lākou mau ʻeha.

NĀ ʻŌLELO AKAMAI A SOLOMONA 3:18

ʻO ia ka lāʻau o ke ola no ka poʻe e hoʻopaʻa ana iā ia, Pōmaikaʻi hoʻi ka mea e ʻapo ana iā ia.

KA WĀNANA A ʻISAIA 6:10

“E hoʻopalaka i ka naʻau o kēia poʻe kānaka, E hoʻokuli i ko lākou pepeiao, A e hoʻopaʻa i ko lākou maka; O ʻike ko lākou mau maka, A lohe hoʻi ko lākou mau pepeiao, A hoʻomaopopo ko lākou naʻau, A huli lākou, a hoʻōla ʻia mai lākou.”

KA WĀNANA A IEREMIA 17:14

E hoʻōla mai ʻoe iaʻu, e Iēhova, a e hoʻōla ʻia mai nō wau; E hoʻopakele mai ʻoe iaʻu a e hoʻopakele ʻia mai nō wau; No ka mea, ʻo ʻoe nō kaʻu e kaena ai.

KA WĀNANA A ʻEZEKIʻELA 47:1

¶ Ma hope iho, lawe hou aʻe ʻo ia iaʻu i ka puka o ka hale; aia hoʻi, puka maila nā wai mai loko mai o ka paepae o ka hale ma ka hikina; no ka mea, ma ka hikina ke alo o ka hale; a kahe mai ka wai mai lalo mai, mai ka ʻaoʻao ʻākau o ka hale, ma ke kūkulu hema o ke kuahu.

HOSEA 14:4

¶ A e kala aku au i ko lākou kipi ʻana, E aloha wale aku hoʻi au iā lākou; No ka mea, ua huli aʻe kuʻu inaina mai ona aku lā.

ZEKARIA 14:8

E hiki nō ia lā, e kahe aku ka wai ola mai Ierusalema aku, ʻo kekahi hapa ma ke kai hikina, a ʻo kēlā hapa ma ke kai komohana; a pēlā nō ia i ke kau a me ka hoʻoilo.

MALAKI 4:2

“Akā, no ʻoukou ka poʻe weliweli i koʻu inoa, e puka mai ana ka Lā o ka Pono, me ka mea hoʻōla i loko o kona mau ʻēheu; a e hele aku ʻoukou, a e lele ʻoliʻoli, e like me nā bipi keiki i kūpalu ʻia.

KA ʻEUANELIO I KĀKAU ʻIA AI E LUKA 4:18

“«Ma luna iho nei oʻu ka ʻUhane o Iēhova; No ka mea, ua poni maila ʻo ia iaʻu e haʻi aku i ka ʻeuanelio i ka poʻe ʻilihune; Ua hoʻouna mai kēlā iaʻu e lapaʻau i ka poʻe ʻehaʻeha ma ka naʻau, A e haʻi aku i ka hoʻōla ʻana i ka poʻe pio, A me ka ʻike hou ʻana i ka poʻe makapō, A e hoʻokuʻu i ka poʻe i hoʻoluhi hewa ʻia,

ʻO KA ʻEPISETOLE HOʻOLAHA MUA A PETERO 2:24

Nāna iho nō i hali i ko kākou hewa ma kona kino iho ma luna o ka lāʻau, i make ai kākou i ka hewa, e ola ai i ka pono; ua hoʻōla ʻia hoʻi ʻoukou e kona mau palapū.

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 21:21

A ʻo ka puka ʻumikumamālua, he mau momi ia he ʻumikumamālua, hoʻokahi puka, hoʻokahi nō ia momi. A ʻo ke alanui o ua kūlanakauhale lā, he gula aʻiaʻi e like me ke aniani ʻōlinolino.

KA HŌʻIKE ʻANA A IOANE KA HAIPULE 21:24

A e hele nā lāhui kanaka i hoʻōla ʻia ma ko laila mālamalama; a e lawe aku nō nā aliʻi o ka honua i ko lākou nani a me ka hanohano ma loko o ia wahi.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 22:14

Pōmaikaʻi ka poʻe mālama i kona mau kānāwai, i hiki ke loaʻa iā lākou ko ka lāʻau o ke ola, i komo aku hoʻi ma nā puka, i loko o ke kūlanakauhale.

KA HŌʻIKE ʻANA A IOANE KA HAIPULE 22:19

a inā e lawe aku kekahi i kekahi ʻōlelo o ka buke o kēia wānana, na ke Akua nō e lawe aku i kona kuleana mai loko aku o ka lāʻau o ke ola, a mai loko aku o ke kūlanakauhale hoʻāno, a mai waena aku o nā mea i palapala ʻia ma loko o kēia buke.