KA HŌʻIKE ʻANA A IOANE KA HAIPULE 22:15 - Ka Baibala Hemolele

¹⁵ Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.

KA HŌʻIKE ʻANA A IOANE KA HAIPULE 22:15 Iomraidhean Croise

KA BUKE MUA NO NĀ ALIʻI 22:8

Haʻi maila ke aliʻi o ʻIseraʻela iā Iehosapata, “Hoʻokahi kanaka i koe, ʻo Mikaia ke kiʻekiʻe a ʻImela, e hiki iā kāua ke nīnau iā Iēhova ma ona lā; akā, ke hoʻowahāwahā aku nei au iā ia, no ka mea, ʻaʻole ia i wānana mai i ka maikaʻi noʻu, i ka ʻino wale nō.” ʻĪ akula ʻo Iehosapata, “Mai ʻōlelo mai ke aliʻi pēlā!”

NĀ ʻŌLELO AKAMAI A SOLOMONA 12:22

He mea hoʻopailua iā Iēhova nā lehelehe hoʻopunipuni; ʻO ka poʻe hana ma ka ʻoiaʻiʻo, ʻo ia kona ʻoliʻoli.

NĀ ʻŌLELO AKAMAI A SOLOMONA 7:27

Ma kona hale ke ala e hiki ai i ka pō, E iho ana i lalo i ka make.

KA WĀNANA A ʻISAIA 47:12

¶ “E kū mai hoʻi ʻoe me kou hoʻopiʻopiʻo ʻana, A me kou kilokilo ʻana, he nui loa, Me ka mea āu i hoʻoikaika ai, mai kou wā ʻōpiopio mai; Inā paha e hiki iā ʻoe ke hoʻopōmaikaʻi ʻia, Inā paha e kū lanakila ʻoe.

KA WĀNANA A ʻISAIA 47:9

“Akā, e kau hoʻohikilele mai nō kēia mau mea ʻelua ma luna ou, ma ka lā hoʻokahi, ʻO ka lilo keiki ʻana, a me ka wahine kāne make ʻana; E kau loa mai nō ia mau mea ma luna ou ma ka ʻoiaʻiʻo maoli, No ka nui o kou kilokilo ʻana, a no ka nui loa o kou hoʻopiʻopiʻo ʻana.

KA WĀNANA A ʻISAIA 57:3

“E hoʻokokoke mai ʻoukou i ʻaneʻi, e nā keiki a ke kilo wahine, Nā keiki hoʻi a ke kāne moekolohe, a me ka wahine hoʻokamakama.

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 7:6

¶ “Mai hāʻawi aku i ka mea hoʻāno na nā ʻīlio, ʻaʻole hoʻi e hoʻolei i kā ʻoukou mau momi i mua o nā puaʻa, o hehi ʻia i lalo e ko lākou mau wāwae, a e kepa mai hoʻi lākou e moku ʻoukou.

KA ʻEUANELIO I KĀKAU ʻIA AI E MATAIO 8:12

“A ʻo nā keiki o ke aupuni, e kipaku ʻia aku lākou i loko o ka pouli i waho, ma laila e uē ai, a e ʻuī ai nā niho.”

KA ʻEUANELIO I KĀKAU ʻIA AI E IOANE 8:46

“ʻO wai lā ka mea o ʻoukou e hōʻike mai i koʻu hewa? Inā ʻōlelo aku au i ka ʻoiaʻiʻo, no ke aha lā ʻoukou i manaʻoʻiʻo ʻole mai ai iaʻu?

NĀ ʻOIHANA A KA POʻE LUNAʻŌLELO 8:11

Mālama nō lākou i kāna; no ka mea, lōʻihi ka manawa i hoʻopilihua ai ʻo ia iā lākou i ke kilokilo ʻana.

KA BUKE ʻALIMA A MOSE, I KAPA ʻIA KĀNĀWAI LUA 23:18

“Mai lawe ʻoe i loko o ka hale o Iēhova kou Akua i ka uku no ka wahine moekolohe, ʻaʻole hoʻi i ke kumu kūʻai no ka ʻīlio, no kekahi hoʻohiki ʻana; no ka mea, ua hoʻowahāwahā ʻia ia mau mea ʻelua e Iēhova kou Akua.

ʻO KA ʻEPISETOLE A PAULO KA LUNAʻŌLELO I KO PILIPI 3:2

E makaʻala ʻoukou i nā ʻīlio, e makaʻala i ka poʻe hana ʻino, e makaʻala hoʻi i ka poʻe i ʻokiʻoki ʻia.

ʻO KA ʻEPISETOLE A PAULO KA LUNAʻŌLELO I KO KOLOSA 3:6

No ia mau mea e hiki mai ai ka inaina o ke Akua ma luna iho o nā keiki a ka hoʻolohe ʻole.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:10

ka poʻe hoʻokamakama, ka poʻe moe aikāne, ka poʻe ʻaihue kanaka, ka poʻe hoʻopunipuni, ka poʻe hoʻohiki wahaheʻe, a me nā mea ʻē aʻe i kūʻē mai i ka pono ʻoiaʻiʻo,

KA HŌʻIKE ʻANA A IOANE KA HAIPULE 18:23

ʻaʻole e ʻike hou ʻia i loko ou ka mālamalama o ke kukui; ʻaʻole e lohe hou ʻia i loko ou ka leo o ke kāne mare a me ka wahine mare; no ka mea, ʻo kou poʻe kālepa, he poʻe hanohano lākou o ka honua; no ka mea, ua puni wale ko nā ʻāina a pau i kou kilokilo ʻana.

KA HŌʻIKE ʻANA A IOANE KA HAIPULE 21:27

ʻAʻole hoʻi e komo aku i loko o ia wahi, kekahi mea haumia, ʻaʻole he mea e hana ma ka ʻino, a me ka wahaheʻe; ʻo ka poʻe wale nō i palapala ʻia i loko o ka Buke o ke Ola a ke Keiki Hipa.

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”