KA HŌʻIKE ʻANA A IOANE KA HAIPULE 22:1 - Ka Baibala Hemolele

¹ ¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 22:1 Iomraidhean Croise

KA BUKE O NĀ HALELŪ 46:4

¶ He muliwai naʻe i hoʻohauʻoli ai kona mau waikahe i ke kūlanakauhale o ke Akua, I kahi hoʻāno o nā halelewa o ka Mea Kiʻekiʻe Loa

KA WĀNANA A ʻISAIA 41:18

“E wāhi au i muliwai ma nā puʻu, I wai puna hoʻi ma loko o nā awāwa; E hoʻolilo au i ka wao nahele i kiʻo wai, A me ka ʻāina maloʻo, i wahi e huaʻi mai ai nā wai.

KA WĀNANA A ʻISAIA 48:18

“Inā i hoʻolohe mai ʻoe i kaʻu mau kauoha, Inā ua like kou malu me ka muliwai, A ʻo kou pono hoʻi, me nā ʻaui o ka moana;

KA WĀNANA A ʻISAIA 66:12

No ka mea, ke ʻōlelo mai nei ʻo Iēhova penei, “Aia hoʻi, e hohola aku nō au i ka malu ma luna ona, me he muliwai lā, A i ka nani o ko nā ʻāina, e like me ka waikahe e hālana ana; A laila, e omo nō ʻoukou, e kaʻikaʻi ʻia hoʻi ma ka ʻaoʻao, A e hiʻi ʻia hoʻi ma nā kuli.

KA WĀNANA A IEREMIA 17:13

E Iēhova, ka Mea e Manaʻolana ai o kā ʻIseraʻela, ʻO ka poʻe a pau e haʻalele iā ʻoe, e hilahila auaneʻi lākou, “A ʻo ka poʻe e haʻalele iaʻu, E kahakaha ʻia lākou ma ka honua; No ka mea, ua haʻalele lākou iā Iēhova, I ke kumu o nā wai ola.”

KA WĀNANA A IEREMIA 2:13

“No ka mea, ua hana koʻu poʻe kānaka i nā hewa ʻelua; Ua haʻalele mai lākou iaʻu, i ke kumu wai ola, A ua ʻeli lākou i nā luawai, i nā luawai nāhāhā, ʻaʻole e paʻa ka wai ma loko.

ZEKARIA 14:8

E hiki nō ia lā, e kahe aku ka wai ola mai Ierusalema aku, ʻo kekahi hapa ma ke kai hikina, a ʻo kēlā hapa ma ke kai komohana; a pēlā nō ia i ke kau a me ka hoʻoilo.

KA ʻEUANELIO I KĀKAU ʻIA AI E IOANE 13:32

“Inā e hoʻonani ʻia ke Akua ma ona lā, e hoʻonani ʻia mai nō hoʻi ke Akua iā ia ma ona iho, a e hoʻonani koke mai nō ʻo ia iā ia.

KA ʻEUANELIO I KĀKAU ʻIA AI E IOANE 15:26

“Aia hiki mai ke Kōkua, ka Mea e hoʻouna ʻia e aʻu mai ka Makua mai, ʻo ia ka ʻUhane ʻoiaʻiʻo, ka Mea i hele mai mai ka Makua mai, nāna nō e hōʻike aku noʻu;

KA ʻEUANELIO I KĀKAU ʻIA AI E IOANE 4:14

“Akā, ʻo ka mea e inu i ka wai aʻu e hāʻawi aku ai iā ia, ʻaʻole loa ia e make wai hou aku; akā, ʻo ka wai aʻu e hāʻawi aku ai iā ia, e lilo ia i wai puna i loko ona e pipiʻi ana i ke ola mau loa.”

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.

KA HŌʻIKE ʻANA A IOANE KA HAIPULE 1:1

¶ Ka Hōʻike ʻana a Iesū Kristo, ka mea a ke Akua i hāʻawi mai ai iā ia, e hōʻike mai i kāna poʻe kauā i nā mea e hiki koke mai ana; a ma kona ʻānela i hoʻouna mai ai ʻo ia, a hōʻike maila hoʻi i kāna kauā iā Ioane;

KA HŌʻIKE ʻANA A IOANE KA HAIPULE 21:11

me ka nani o ke Akua; a ua like kona ʻālohilohi me ka pōhaku maikaʻi loa, e like me ka pōhaku iāsepi, mōakāka me he aniani lā.

KA HŌʻIKE ʻANA A IOANE KA HAIPULE 21:6

ʻĪ hou mai ia iaʻu, “Ua pau; ʻo wau nō ka ʻAlepa a me ka ʻOmega, ke Kumu a me ka Wēlau. ʻO ka mea make wai, e hāʻawi wale aku au nāna i ka wai puna o ke ola.

KA HŌʻIKE ʻANA A IOANE KA HAIPULE 21:9

¶ Hele maila kekahi o nā ʻānela ʻehiku e paʻa ana i nā hue ʻehiku i piha i nā ʻino hope loa ʻehiku, a kamaʻilio mai iaʻu, ʻī maila, “E hele mai, a e hōʻike aku au iā ʻoe i ka wahine mare, ʻo ka wahine hoʻi a ke Keiki Hipa.”

KA HŌʻIKE ʻANA A IOANE KA HAIPULE 22:17

¶ Ke ʻōlelo mai nei ka ʻUhane a me ka wahine mare, “E hele mai.” A e ʻōlelo hoʻi ka mea lohe, “E hele mai.” A ʻo ka mea make wai lā, e hele mai ia. A ʻo ka mea makemake, e lawe wale ia i ka wai o ke ola.

KA HŌʻIKE ʻANA A IOANE KA HAIPULE 22:6

¶ ʻĪ maila kēlā iaʻu. “Ua pololei kēia mau ʻōlelo, ua ʻoiaʻiʻo”; a ʻo ka Haku ʻo ke Akua o ka poʻe kāula hemolele, hoʻouna maila ʻo ia i kona ʻānela, e haʻi mai i kāna poʻe kauā i nā mea e hana koke ʻia mai.

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.

KA HŌʻIKE ʻANA A IOANE KA HAIPULE 5:13

A lohe akula au i nā mea a pau ma ka lani, a ma ka honua, a ma lalo iho o ka honua, a me nā mea a pau ma ka moana, a ma loko o ia mau mea, e ʻōlelo ana, “No ka Mea e noho ana ma ka noho aliʻi, no ke Keiki Hipa hoʻi, Ka hoʻomaikaʻi ia a me ka nani, a me ka hanohano, a me ka ikaika, ia ao aku, ia ao aku.”

KA HŌʻIKE ʻANA A IOANE KA HAIPULE 5:6

A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.

KA HŌʻIKE ʻANA A IOANE KA HAIPULE 7:17

“No ka mea, ʻo ke Keiki Hipa ka Mea ma loko ma kahi o ka noho aliʻi, ʻo ia ka Mea e hānai ana iā lākou, a e alakaʻi aku hoʻi iā lākou, i nā pūnāwai ola; a na ke Akua nō e holoi aʻe mai ko lākou maka aku, i nā waimaka a pau.”