KA HŌʻIKE ʻANA A IOANE KA HAIPULE 21:4 - Ka Baibala Hemolele

⁴ “A na ke Akua nō e holoi i nā waimaka a pau, mai ko lākou maka aku; ʻaʻole he make hou aku, ʻaʻole kaumaha, ʻaʻole uē, ʻaʻole hoʻi he mea e ʻeha ai; no ka mea, ua pau nā mea kahiko i ka lilo aku.”

KA HŌʻIKE ʻANA A IOANE KA HAIPULE 21:4 Iomraidhean Croise

KA BUKE O NĀ HALELŪ 144:4

Ua like ke kanaka me ka māhu; A ʻo kona mau lā hoʻi me he aka lā i hele aku.

KA WĀNANA A ʻISAIA 25:8

E hoʻopau nō hoʻi ʻo ia i ka make no ka manawa pau ʻole; A na ka Haku ʻo Iēhova, e holoi i ka waimaka, Mai nā maka a pau aku; E lawe aku nō hoʻi ia i ka hilahila o kona poʻe kānaka, Mai ka honua a pau aku; No ka mea, ʻo Iēhova kai ʻōlelo mai.

KA WĀNANA A ʻISAIA 30:19

No ka mea, e noho nō nā kānaka o Ziona ma Ierusalema; ʻaʻole loa hoʻi ʻoukou e uē hou aku; e lokomaikaʻi loa aku ʻo ia i ka leo o kou kāhea ʻana, a lohe ʻo ia, e ʻae mai nō iā ʻoe.

KA WĀNANA A ʻISAIA 35:10

A e hoʻi mai nō ko Iēhova poʻe i kūʻai hoʻōla ʻia, E hele mai nō lākou i Ziona me ke ʻoli, A me ka hauʻoli mau ma luna o ko lākou mau poʻo; E loaʻa nō iā lākou ka ʻoliʻoli, a me ka hauʻoli, A e ʻauheʻe aku nō ke kaumaha, a me ke kaniʻuhū.

KA WĀNANA A ʻISAIA 51:11

E hoʻi mai nō hoʻi ko Iēhova poʻe i hoʻōla pānaʻi ʻia, E hele mai nō lākou i Ziona me ke ʻoli; He hauʻoli mau loa ma luna o ko lākou mau poʻo; E loaʻa nō iā lākou ka ʻoliʻoli, a me ka hauʻoli, A e heʻe loa aku nō ke kaumaha, a me ke kaniʻuhū.

KA WĀNANA A ʻISAIA 60:20

“ʻAʻole e napoʻo hou kou lā, ʻAʻole hoʻi e lawe ʻia aku kou mahina; No ka mea, ʻo Iēhova auaneʻi kou mālamalama mau loa, A e pau auaneʻi nā lā o kou kūmākena ʻana.

KA WĀNANA A ʻISAIA 61:3

A e kōkua aku i ka poʻe i ʻū ma Ziona, E hāʻawi i kāhiko ma kahi o ka lehu, A me ka manoʻi o ka ʻoliʻoli no ke kaniʻuhū ʻana; A me ka ʻaʻahu o ka hauʻoli hoʻi no ka naʻau kaumaha; I kapa ʻia lākou, He mau ʻoka no ka pono, ʻO ke kanu ʻana hoʻi a Iēhova, i hoʻonani ʻia ai ʻo ia.

KA WĀNANA A IEREMIA 31:12

“A e hele mai nō lākou a e ʻoli ma kahi kiʻekiʻe o Ziona, A holo pū nō lākou i ka maikaʻi o Iēhova, No ka huapalaoa, a no ka waina, a no ka ʻaila, A no nā keiki o nā hipa, a me nā bipi; A e like auaneʻi ko lākou ʻuhane me ka mahina ʻai i maʻū; ʻAʻole loa lākou e kaumaha hou aku.

KA WĀNANA A IEREMIA 31:13

“A laila, e ʻoliʻoli nō ka wahine puʻupaʻa ma ka haʻa ʻana, ʻO nā kānaka ʻōpiopio a me nā ʻelemākule pū; No ka mea, e hoʻololi au i ko lākou kaumaha ʻana i ʻoliʻoli, A e hoʻomaha au iā lākou, A e hoʻohauʻoli iā lākou mai loko mai o ko lākou kaumaha.

HOSEA 13:14

E hoʻōla aku au iā lākou mai ka mana o ka pō; E hoʻōla pānaʻi au iā lākou mai ka make mai; ʻO wau nō kou luku, e ka make; ʻO wau nō kou pepehi, e ka pō; Ua hūnā ʻia ka mihi, mai koʻu maka aku.

KA ʻEUANELIO I KĀKAU ʻIA AI E MATAIO 24:35

“E lilo ana ka lani a me ka honua; akā, ʻaʻole loa e lilo kaʻu mau ʻōlelo.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:26

A ʻo ka ʻenemi hope loa, ʻo ka make, e hoʻopau ʻia nō ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:31

a ʻo ka poʻe mālama i nā mea o kēia ao, e like me ka poʻe mālama ʻole. No ka mea, e nalo aʻe ana ke ʻano o kēia ao.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:17

No ia mea, inā i loko o Kristo kekahi kanaka, he mea hou ʻo ia; ua hala akula nā mea kahiko; aia hoʻi, ua ʻano hou aʻela nā mea a pau.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:17

No laila, ke ʻī maila ka Haku, “«E puka mai ʻoukou mai waena mai o lākou, i kaʻawale ʻoukou; Mai hoʻopā aku hoʻi i ka mea haumia», a e hoʻokipa mai au iā ʻoukou.

ʻO KA ʻEPISETOLE A PAULO KA LUNAʻŌLELO I KO HEBERA 12:27

A ʻo ke ʻano o “Ua hou ʻana aku,” ʻo ka hemo ʻana ia o nā mea hoʻonāueue ʻia, me he mea i hana ʻia lā, i mau hoʻi nā mea e hoʻonāueue ʻole ʻia.

ʻO KA ʻEPISETOLE HOʻOLAHA ʻALUA A PETERO 3:10

Akā, e hiki mai auaneʻi ka lā o ka Haku, me he ʻaihue lā i ka pō; a laila e lilo nō ka lani me ka halulu nui, a e wela hoʻi nā kumu mua, a heheʻe wale, a e pau nō ka honua nei i ke ahi, a me nā mea a pau i hana ʻia ma luna iho.

ʻO KA ʻEPISETOLE HOʻOLAHA MUA A IOANE 2:17

A ʻo ke ao nei, ke paneʻe aku nei a me nā kuko ona; akā, ʻo ka mea e hana ana i ko ke Akua makemake, e mau loa ana nō ia.

KA HŌʻIKE ʻANA A IOANE KA HAIPULE 20:13

Hāʻawi maila ke kai i ka poʻe make ma loko ona; a hāʻawi mai ka Make a me ka Pō i ka poʻe make i loko o lāua; a hoʻopaʻi ʻia kēlā mea kēia mea o lākou, e like me kā lākou hana ʻana.

KA HŌʻIKE ʻANA A IOANE KA HAIPULE 20:14

Kiola ʻia akula ka Make a me ka Pō, i loko o ka loko o ke ahi; ʻo ia ka make ʻalua.

KA HŌʻIKE ʻANA A IOANE KA HAIPULE 21:1

¶ ʻIke akula au i ka lani hou a me ka honua hou; no ka mea, ua lilo ka lani mua a me ka honua mua; ʻaʻole hoʻi he kai hou aku.

KA HŌʻIKE ʻANA A IOANE KA HAIPULE 22:3

ʻAʻole loa he mea ʻino ma laila; a aia ma loko o ia wahi ka noho aliʻi o ke Akua a me ke Keiki Hipa, a e mālama kāna poʻe kauā iā ia.

KA HŌʻIKE ʻANA A IOANE KA HAIPULE 7:17

“No ka mea, ʻo ke Keiki Hipa ka Mea ma loko ma kahi o ka noho aliʻi, ʻo ia ka Mea e hānai ana iā lākou, a e alakaʻi aku hoʻi iā lākou, i nā pūnāwai ola; a na ke Akua nō e holoi aʻe mai ko lākou maka aku, i nā waimaka a pau.”