KA HŌʻIKE ʻANA A IOANE KA HAIPULE 21:3 - Ka Baibala Hemolele

³ A lohe akula au i ka leo nui, mai ka lani mai, i ka ʻī ʻana, “Aia ka halelewa o ke Akua me kānaka, a e noho ana ʻo ia me lākou, a e lilo lākou i kānaka nona, a e noho pū ke Akua me lākou i Akua no lākou.

KA HŌʻIKE ʻANA A IOANE KA HAIPULE 21:3 Iomraidhean Croise

KA BUKE MUA NO NĀ ALIʻI 8:27

¶ “Akā hoʻi, e noho ʻiʻo mai anei ke Akua ma ka honua anei? Aia hoʻi! ʻAʻole e hiki i nā lani a me nā lani o nā lani ke ʻapo iā ʻoe; ʻaʻole loa hoʻi kēia hale aʻu i kūkulu aʻe nei!

KA BUKE ʻALUA O KA ʻOIHANA ALIʻI 6:18

¶ “Akā, he mea ʻoiaʻiʻo anei, e noho ana ke Akua me kānaka ma ka honua? Aia hoʻi, he ʻuʻuku iā ʻoe ka lani, a me ka lani o nā lani! Pehea hoʻi kēia hale aʻu i hana ai!

KA BUKE ʻALUA A MOSE, I KAPA ʻIA PUKA ʻANA 25:8

“A e hana hoʻi lākou i keʻena kapu noʻu, i noho ai au i waena o lākou.

KA BUKE ʻALUA A MOSE, I KAPA ʻIA PUKA ʻANA 29:45

“A e noho nō wau i waenakonu o nā mamo a ʻIseraʻela, a ʻo wau auaneʻi ko lākou Akua.

KA WĀNANA A ʻISAIA 12:6

“E hoʻōho aku, e hoʻokani hoʻi, e ka mea noho ma Ziona, No ka mea, ua mana ma loko ou, ka Mea Hemolele o kā ʻIseraʻela.”

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 32:38

“A e lilo mai lākou i poʻe kānaka noʻu, a ʻo wau auaneʻi ko lākou Akua.

KA WĀNANA A ʻEZEKIʻELA 37:27

“A ʻo koʻu halelewa kekahi me lākou; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A ʻEZEKIʻELA 43:7

A ʻōlelo maila ʻo ia iaʻu, “E ke keiki a ke kanaka, ʻo kahi o kuʻu noho mōʻī, a me kahi o nā poli o kuʻu mau wāwae, kahi e noho ai au i waenakonu o nā mamo a ʻIseraʻela a mau loa; a ʻo koʻu inoa hoʻāno, ʻaʻole loa ka ʻohana a ʻIseraʻela e hoʻohaumia hou mai, ʻaʻole ʻo lākou, ʻaʻole hoʻi ʻo ko lākou mau aliʻi, ma ko lākou moekolohe ʻana, ʻaʻole hoʻi ma nā kupapaʻu o kā lākou mau aliʻi ma ko lākou mau wahi kiʻekiʻe.

KA WĀNANA A ʻEZEKIʻELA 48:35

“ʻO kona ana puni he ʻumikumamāwalu tausani ana; a mai ia lā aku, eia hoʻi ka inoa o ke kūlanakauhale, Ma Laila Nō IĒHOVA.”

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

ZEKARIA 8:8

a e alakaʻi mai au iā lākou, e noho lākou i waena o Ierusalema; e lilo mai nō lākou i kānaka noʻu, a ʻo wau auaneʻi ko lākou Akua ma ka ʻoiaʻiʻo a ma ka pono.’

KA BUKE ʻAHĀ A MOSE, I KAPA ʻIA NĀ HELU 9:16

A pēlā mau nō; uhi maila ke ao iā ia, a i ka pō, ua ʻikea ka mea me he ahi lā.

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 14:23

ʻŌlelo maila ʻo Iesū, ʻī maila iā ia, “Inā e aloha mai kekahi iaʻu, e mālama nō ia i kaʻu ʻōlelo; a e aloha mai nō hoʻi koʻu Makua iā ia, a e hele mai māua i ona lā, a e noho pū me ia.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:16

Pehea hoʻi e kū like ai ka luakini o ke Akua me ko nā kiʻi? No ka mea, ʻo ʻoukou ka luakini o ke Akua ola; e like me kā ke Akua i ʻōlelo mai ai, “«E noho pū auaneʻi au me lākou, a e hele pū hoʻi; ʻO wau auaneʻi ko lākou Akua, a ʻo lākou hoʻi auaneʻi koʻu poʻe kānaka».”

ʻO KA ʻEPISETOLE LUA A PAULO KA LUNAʻŌLELO I KO KORINETO 6:18

“A e lilo nō au i Makua no ʻoukou, A e lilo mai hoʻi ʻoukou i poʻe keiki kāne a i poʻe kaikamāhine naʻu,” Wahi a ka Haku Mana.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:11

¶ Na ke Akua ko kākou Makua, a me ko kākou Haku na Iesū Kristo mākou e alakaʻi pono aku i o ʻoukou lā.

ʻO KA ʻEPISETOLE A PAULO KA LUNAʻŌLELO I KO HEBERA 11:16

Akā, ua makemake lākou i ʻāina maikaʻi aku, ʻo ia ʻo ko ka lani. No ia mea, ʻaʻole ke Akua i hilahila iā lākou ke kapa ʻia ʻo ia he Akua no lākou; no ka mea, ua hoʻomākaukau ʻo ia i kūlanakauhale no lākou.

ʻO KA ʻEPISETOLE A PAULO KA LUNAʻŌLELO I KO HEBERA 8:10

“Akā, eia ka berita aʻu e hana aku ai me ka ʻohana ʻIseraʻela, Ma hope iho o ua mau lā lā, wahi a Iēhova; E paʻi au i koʻu mau kānāwai ma ko lākou manaʻo, A e kākau iho ia mau mea ma ko lākou naʻau; A e lilo au i Akua no lākou, A e lilo mai lākou i poʻe kānaka noʻu.

ʻO KA ʻEPISETOLE A PAULO KA LUNAʻŌLELO I KO HEBERA 8:2

he Lawehana no kahi hoʻāno, no ka halelewa ʻoiaʻiʻo, na ka Haku i kūkulu, ʻaʻole na ke kanaka.

KA HŌʻIKE ʻANA A IOANE KA HAIPULE 10:4

A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”

KA HŌʻIKE ʻANA A IOANE KA HAIPULE 10:8

A ʻo ka leo aʻu i lohe ai, mai ka lani mai, ʻōlelo hou mai iaʻu, ʻī maila, “Ō hele ʻoe, e lawe i ka palapala liʻiliʻi e hāmama ana ma ka lima o ka ʻānela, e kū maila ma ke kai a ma ka ʻāina.”

KA HŌʻIKE ʻANA A IOANE KA HAIPULE 12:10

A lohe akula au i ka leo nui ma ka lani, ʻī aʻela, “Ua hiki maila ke ola, a me ka mana, a me ke aupuni o ko kākou Akua, a me ka mana o kona Kristo; no ka mea, ua kipaku ʻia akula ka mea hōʻino i ko kākou poʻe hoahānau, ka mea nāna lākou i hōʻino i ka pō a me ke ao, i mua o ke Akua.

KA HŌʻIKE ʻANA A IOANE KA HAIPULE 21:7

“ʻO ka mea lanakila, e ili mai kēia mau mea a pau nona; a e lilo wau i Akua nona, a ʻo ia hoʻi, i keiki naʻu.

KA HŌʻIKE ʻANA A IOANE KA HAIPULE 22:3

ʻAʻole loa he mea ʻino ma laila; a aia ma loko o ia wahi ka noho aliʻi o ke Akua a me ke Keiki Hipa, a e mālama kāna poʻe kauā iā ia.

KA HŌʻIKE ʻANA A IOANE KA HAIPULE 7:15

“No laila lākou i noho ai i mua o ka noho aliʻi o ke Akua, a ke mālama aku nei lākou iā ia i ke ao a me ka pō, ma loko o kona luakini; a ʻo ka Mea e noho lā ma ka noho aliʻi, ʻo ia ke noho pū me lākou.