KA HŌʻIKE ʻANA A IOANE KA HAIPULE 21:25 - Ka Baibala Hemolele

²⁵ ʻAʻole e pani ʻia kona mau puka i ke ao; ʻaʻole hoʻi pō ma laila.

KA HŌʻIKE ʻANA A IOANE KA HAIPULE 21:25 Iomraidhean Croise

KA WĀNANA A ʻISAIA 60:11

“No laila, e hāmama mau nō kou mau puka pā, ʻAʻole lākou e pani ʻia i ke ao, ʻaʻole i ka pō, I lawe mai ai nā kānaka i ou lā i ka waiwai o ko nā ʻāina ʻē, I alakaʻi ʻia mai ai hoʻi ko lākou poʻe aliʻi.

KA WĀNANA A ʻISAIA 60:20

“ʻAʻole e napoʻo hou kou lā, ʻAʻole hoʻi e lawe ʻia aku kou mahina; No ka mea, ʻo Iēhova auaneʻi kou mālamalama mau loa, A e pau auaneʻi nā lā o kou kūmākena ʻana.

ZEKARIA 14:7

Hoʻokahi nō ia lā, e ʻikea auaneʻi ia e Iēhova, ʻaʻohe ao, ʻaʻohe pō; a i ka wā ahiahi e mālamalama auaneʻi ia.

KA HŌʻIKE ʻANA A IOANE KA HAIPULE 21:12

Ua paʻa hoʻi i ka pā nui kiʻekiʻe, he ʻumi a me kumamālua puka komo, a ma nā puka he ʻumikumamālua ʻānela, a ma luna iho, ua kākau ʻia nā inoa, ʻo ia hoʻi nā inoa o nā ʻohana ʻumikumamālua o nā keiki a ʻIseraʻela.

KA HŌʻIKE ʻANA A IOANE KA HAIPULE 21:15

A ʻo ka mea i kamaʻilio mai iaʻu, aia nō iā ia he ana he ʻohe gula, i mea e ana ai i ke kūlanakauhale, a me kona mau puka a me kona pā.

KA HŌʻIKE ʻANA A IOANE KA HAIPULE 21:23

ʻAʻole pono ka lā ma ia kūlanakauhale, ʻaʻole hoʻi ka mahina, i mea e mālamalama ai ma loko; no ka mea, ua hoʻomālamalama mai ka nani o ke Akua ia wahi, a ʻo ke Keiki Hipa, ʻo ia kona mālamalama.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.