KA HŌʻIKE ʻANA A IOANE KA HAIPULE 21:23 - Ka Baibala Hemolele

²³ ʻAʻole pono ka lā ma ia kūlanakauhale, ʻaʻole hoʻi ka mahina, i mea e mālamalama ai ma loko; no ka mea, ua hoʻomālamalama mai ka nani o ke Akua ia wahi, a ʻo ke Keiki Hipa, ʻo ia kona mālamalama.

KA HŌʻIKE ʻANA A IOANE KA HAIPULE 21:23 Iomraidhean Croise

KA BUKE O NĀ HALELŪ 84:11

No ka mea, ʻo Iēhova, ke Akua, he lā nō ia, a he pale kaua; E hāʻawi mai nō ʻo Iēhova i ka lokomaikaʻi, a me ka hanohano; ʻAʻole ia e ʻauʻa i kekahi mea maikaʻi i ka poʻe hele ma ka pololei.

KA WĀNANA A ʻISAIA 2:10

E komo ʻoe i loko o ka pōhaku, e peʻe hoʻi i loko o ka lepo, No ka makaʻu iā Iēhova, a no ka nani hoʻi o kona hanohano.

KA WĀNANA A ʻISAIA 2:19

E komo hoʻi nā kānaka i loko o nā ana pōhaku a me nā lua o ka lepo, No ka makaʻu iā Iēhova, a no ka nani hoʻi o kona hanohano. Iā ia e kū ai i luna, e hoʻonāueue ai i ka honua.

KA WĀNANA A ʻISAIA 2:21

A hele lākou i loko o nā ana pōhaku, I loko hoʻi o nā lua ma ka pali paʻa, No ka makaʻu iā Iēhova, A no ka nani hoʻi o kona hanohano, Iā ia e kū ai i luna e hoʻonāueue ai i ka honua.

KA WĀNANA A ʻISAIA 24:23

E hilahila nō ka mahina, a e hilahila pū nō me ka lā; No ka mea, na Iēhova o nā kaua e noho aliʻi, Ma luna o ka mauna ʻo Ziona, a ma Ierusalema, A ma ke alo o kona poʻe kahiko ʻo ia e hoʻoleʻa ʻia ai.

KA WĀNANA A ʻISAIA 30:26

A e like auaneʻi ka mālamalama o ka mahina, me ka mālamalama o ka lā, a e pāhiku nō ka mālamalama o ka lā, e like me ka mālamalama o nā lā ʻehiku, i ka lā e wahī ai ʻo Iēhova i ka ʻeha o kona poʻe kānaka, a hoʻōla hoʻi i ka ʻeha o ko lākou hahau ʻia.

HABAKUKA 3:3

¶ ʻO ke Akua kai hele mai, mai Temana mai, A ʻo ka Mea Hemolele mai ka mauna ʻo Parana mai. Sila. Uhi mai kona nani i ka lani, A ua piha ka honua i kona hoʻoleʻa.

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

KA ʻEUANELIO I KĀKAU ʻIA AI E MAREKO 8:38

“ʻO ka mea e hilahila mai iaʻu a me kaʻu ʻōlelo, i kēia hanauna kolohe a hana hewa, e hilahila nō hoʻi ke Keiki a ke Kanaka iā ia i kona wā e hele mai ai me ka nani o kona Makua, me nā ʻānela hemolele.”

KA ʻEUANELIO I KĀKAU ʻIA AI E LUKA 2:32

«He mālamalama e hoʻomālamalama ai i nā lāhui kanaka», A he nani nō kou poʻe kānaka kā ʻIseraʻela.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 1:18

ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 1:4

I loko ona ke ola, a ʻo ua ola lā ka mālamalama no nā kānaka.

KA ʻEUANELIO I KĀKAU ʻIA AI E IOANE 1:9

¶ ʻO ka mālamalama ʻiʻo ia, ka mea nāna e hoʻomālamalama nā kānaka a pau e hele mai ana i ke ao nei.

KA ʻEUANELIO I KĀKAU ʻIA AI E IOANE 17:24

“E ka Makua, ke makemake nei au, e noho pū me aʻu ka poʻe āu i hāʻawi mai ai iaʻu, ma koʻu wahi e noho ai; i ʻike ai lākou i koʻu nani āu i hāʻawi mai ai noʻu; no ka mea, ua aloha mai ʻoe iaʻu ma mua o ka hoʻokumu ʻana o ke ao nei.

KA ʻEUANELIO I KĀKAU ʻIA AI E IOANE 5:23

i hoʻomaikaʻi ai nā kānaka a pau i ke Keiki e like me lākou i hoʻomaikaʻi ai i ka Makua. ʻO ka mea hoʻomaikaʻi ʻole i ke Keiki, ʻo ia ke hoʻomaikaʻi ʻole i ka Makua, nāna ia i hoʻouna mai.

NĀ ʻOIHANA A KA POʻE LUNAʻŌLELO 22:11

“A i ka hiki ʻole ʻana iaʻu ke ʻike, no ka nani o ia mālamalama, alakaʻi lima ʻia aku au e koʻu poʻe hoa hele, a hiki i Damaseko.

KA HŌʻIKE ʻANA A IOANE KA HAIPULE 14:4

ʻO ia ka poʻe, ʻaʻole i haumia i nā wāhine; no ka mea, he poʻe puʻupaʻa lākou. ʻO ia ka poʻe hahai i ke Keiki Hipa i kona wahi a pau i hele aku ai. ʻO ia ka poʻe i kūʻai hoʻōla ʻia mai waena aʻe o nā kānaka, i hua mua no ke Akua a no ke Keiki Hipa.

KA HŌʻIKE ʻANA A IOANE KA HAIPULE 18:1

¶ Ma hope iho o kēia mau mea, ʻike aku au i ka ʻānela hou e iho ana mai ka lani mai, me ka mana nui; ua hoʻomālamalama ʻia ka honua ma kona nani.

KA HŌʻIKE ʻANA A IOANE KA HAIPULE 21:11

me ka nani o ke Akua; a ua like kona ʻālohilohi me ka pōhaku maikaʻi loa, e like me ka pōhaku iāsepi, mōakāka me he aniani lā.

KA HŌʻIKE ʻANA A IOANE KA HAIPULE 21:25

ʻAʻole e pani ʻia kona mau puka i ke ao; ʻaʻole hoʻi pō ma laila.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.

KA HŌʻIKE ʻANA A IOANE KA HAIPULE 5:6

A ʻike akula au ma ka noho aliʻi, a ma waena o nā mea ola ʻehā, a me nā lunakahiko, he Keiki Hipa e kū ana me he mea i pepehi ʻia lā, ʻehiku ona pepeiaohao, ʻehiku hoʻi ona maka; ʻo ia nā ʻUhane ʻehiku o ke Akua, i hoʻouna ʻia aku i ka honua a pau.

KA HŌʻIKE ʻANA A IOANE KA HAIPULE 7:17

“No ka mea, ʻo ke Keiki Hipa ka Mea ma loko ma kahi o ka noho aliʻi, ʻo ia ka Mea e hānai ana iā lākou, a e alakaʻi aku hoʻi iā lākou, i nā pūnāwai ola; a na ke Akua nō e holoi aʻe mai ko lākou maka aku, i nā waimaka a pau.”