KA HŌʻIKE ʻANA A IOANE KA HAIPULE 21:16 - Ka Baibala Hemolele

¹⁶ ʻEhā ʻaoʻao o ia kūlanakauhale, a ua like ka loa me ka laulā. A ana ihola ia i ke kūlanakauhale me ka ʻohe, he ʻumikumamālua tausani setadia. Ua like nō ka loa a me ka laulā, a me ke kiʻekiʻe.

KA HŌʻIKE ʻANA A IOANE KA HAIPULE 21:16 Iomraidhean Croise

KA WĀNANA A ʻEZEKIʻELA 41:4

A ana aʻela ʻo ia i kona loa iwakālua kūbita, a me ka laulā iwakālua kūbita ma mua o ka luakini; a ʻōlelo maila ʻo ia iaʻu, “Eia ka wahi hoʻāno loa.”

KA WĀNANA A ʻEZEKIʻELA 42:20

Ana aʻela ʻo ia ia ma kona mau ʻaoʻao ʻehā; he pā kona a puni, ʻelima haneri ka loa, ʻelima haneri ka laulā, e kaʻawale ai i waena o kahi hoʻāno a me kahi hoʻāno ʻole.

KA WĀNANA A ʻEZEKIʻELA 48:35

“ʻO kona ana puni he ʻumikumamāwalu tausani ana; a mai ia lā aku, eia hoʻi ka inoa o ke kūlanakauhale, Ma Laila Nō IĒHOVA.”

KA HŌʻIKE ʻANA A IOANE KA HAIPULE 21:15

A ʻo ka mea i kamaʻilio mai iaʻu, aia nō iā ia he ana he ʻohe gula, i mea e ana ai i ke kūlanakauhale, a me kona mau puka a me kona pā.

KA HŌʻIKE ʻANA A IOANE KA HAIPULE 21:17

Ana ihola ia i kona pā, ʻakahi haneri kūbita a me kanahākumamāhā, ma ke ana ʻana o ke kanaka, ʻo ia hoʻi ko ka ʻānela.