KA HŌʻIKE ʻANA A IOANE KA HAIPULE 21:15 - Ka Baibala Hemolele

¹⁵ A ʻo ka mea i kamaʻilio mai iaʻu, aia nō iā ia he ana he ʻohe gula, i mea e ana ai i ke kūlanakauhale, a me kona mau puka a me kona pā.

KA HŌʻIKE ʻANA A IOANE KA HAIPULE 21:15 Iomraidhean Croise

KA WĀNANA A ʻEZEKIʻELA 40:3

A lawe aʻe ʻo ia iaʻu i laila, aia hoʻi, he kanaka, ʻo kona ʻano ua like me ke keleawe i ka nānā aku, a he kaula olonā i loko o kona lima, a me ke ana ʻohe; a ua kū ihola ia ma loko o ka ʻīpuka.

ZEKARIA 2:1

¶ ʻAlawa hou aʻela kuʻu mau maka i luna, ʻike aʻela, aia hoʻi, he kanaka me ke kaula ana ma kona lima.

ZEKARIA 2:2

ʻĪ akula au, “Ai hea lā ʻoe e hele ana?” ʻĪ maila kēlā iaʻu, “E ana iho ai iā Ierusalema, i ʻike au i kona laulā a me kona loa.”

KA HŌʻIKE ʻANA A IOANE KA HAIPULE 21:12

Ua paʻa hoʻi i ka pā nui kiʻekiʻe, he ʻumi a me kumamālua puka komo, a ma nā puka he ʻumikumamālua ʻānela, a ma luna iho, ua kākau ʻia nā inoa, ʻo ia hoʻi nā inoa o nā ʻohana ʻumikumamālua o nā keiki a ʻIseraʻela.

KA HŌʻIKE ʻANA A IOANE KA HAIPULE 21:16

ʻEhā ʻaoʻao o ia kūlanakauhale, a ua like ka loa me ka laulā. A ana ihola ia i ke kūlanakauhale me ka ʻohe, he ʻumikumamālua tausani setadia. Ua like nō ka loa a me ka laulā, a me ke kiʻekiʻe.

KA HŌʻIKE ʻANA A IOANE KA HAIPULE 21:21

A ʻo ka puka ʻumikumamālua, he mau momi ia he ʻumikumamālua, hoʻokahi puka, hoʻokahi nō ia momi. A ʻo ke alanui o ua kūlanakauhale lā, he gula aʻiaʻi e like me ke aniani ʻōlinolino.

KA HŌʻIKE ʻANA A IOANE KA HAIPULE 21:25

ʻAʻole e pani ʻia kona mau puka i ke ao; ʻaʻole hoʻi pō ma laila.