KA HŌʻIKE ʻANA A IOANE KA HAIPULE 21:11 - Ka Baibala Hemolele

¹¹ me ka nani o ke Akua; a ua like kona ʻālohilohi me ka pōhaku maikaʻi loa, e like me ka pōhaku iāsepi, mōakāka me he aniani lā.

KA HŌʻIKE ʻANA A IOANE KA HAIPULE 21:11 Iomraidhean Croise

KA BUKE NO IOBA 28:17

“ʻAʻole e hoʻolike ʻia ke gula a me ka pōhaku aniani me ia; ʻAʻole e hoʻolilo ʻia ia mea no nā ipu gula maikaʻi.

KA WĀNANA A ʻISAIA 4:5

A laila, na Iēhova nō e hana, ma luna o nā wahi a pau o ka Mauna Ziona, a ma luna hoʻi o nā ʻaha hālāwai ona, i ao i ka lā, a me ka uahi, a i mālamalama o ke ahi lapalapa i ka pō; no ka mea, e kau mai nō ka malu ma luna o nā mea nani a pau.

KA WĀNANA A ʻEZEKIʻELA 1:22

¶ A ʻo ka like ʻana o ka lani ma luna o nā poʻo o nā mea ola ua like ia i ka nānā aku me ke aniani weliweli, i hohola ʻia ma luna o ko lākou mau poʻo i luna.

KA WĀNANA A ʻEZEKIʻELA 1:26

¶ A ma luna o ka lani i luna o ko lākou mau poʻo, he mea like me ka noho aliʻi, me he pōhaku sapire lā i ka nānā aku; a ma luna o ka mea like me ka noho aliʻi, he mea like me ke kanaka ma luna iho ona i ka nānā aku.

KA WĀNANA A ʻEZEKIʻELA 28:16

“Ma ka nui loa o kou waiwai kālepa, Ua hoʻopaʻapū lākou i ko waena ou me ka haunaele, A ua lawehala ʻoe; No laila, e hoʻolei aku au iā ʻoe me he mea haumia lā Mai ka mauna aku o ke Akua, A e luku aku au iā ʻoe, e ke keruba e uhi ana Mai waena aku o nā pōhaku ahi.

KA WĀNANA A ʻEZEKIʻELA 43:2

aia hoʻi, hele maila ka nani o ke Akua o kā ʻIseraʻela mai ka ʻaoʻao hikina mai; a ʻo kona leo, ua like ia me ka halulu ʻana o nā wai he nui; a ʻālohilohi aʻela ka honua i kona nani.

KA WĀNANA A ʻEZEKIʻELA 48:35

“ʻO kona ana puni he ʻumikumamāwalu tausani ana; a mai ia lā aku, eia hoʻi ka inoa o ke kūlanakauhale, Ma Laila Nō IĒHOVA.”

KA HŌʻIKE ʻANA A IOANE KA HAIPULE 15:8

Ua piha hoʻi ka luakini i ka uahi, mai ka nani mai o ke Akua a me ka mana ona; ʻaʻole i hiki i kekahi ke komo i loko o ka luakini, a pau i ka hoʻokō ʻia nā mea ʻino ʻehiku a kēlā poʻe ʻānela ʻehiku.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.

KA HŌʻIKE ʻANA A IOANE KA HAIPULE 4:3

A ʻo ka Mea e noho ana, ua like kona helehelena me ka pōhaku iāsepi a me ka saredio; a he ānuenue i piʻo maila a puni ka noho aliʻi, me he pōhaku ʻōmaʻomaʻo lā.

KA HŌʻIKE ʻANA A IOANE KA HAIPULE 4:6

Aia hoʻi, i mua o ka noho aliʻi, he moana akāka, me he aniani lā; a ma ka noho aliʻi, a puni hoʻi ka noho aliʻi, ʻehā mau mea ola, ua paʻapū i nā maka ma mua a ma hope.