KA HŌʻIKE ʻANA A IOANE KA HAIPULE 2:7 - Ka Baibala Hemolele

⁷ ‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 2:7 Iomraidhean Croise

KA BUKE MUA A MOSE, I KAPA ʻIA KINOHI 2:9

Hoʻoulu aʻela ʻo Iēhova ke Akua i nā lāʻau a pau mai loko aʻe o ka honua, i nā mea ʻoluʻolu no ka maka, i nā mea ʻono hoʻi ke ʻai; i ka lāʻau o ke ola hoʻi i waenakonu o ka mahina ʻai, a me ka lāʻau i ʻikea ai ka pono a me ka hewa.

NĀ ʻŌLELO AKAMAI A SOLOMONA 11:30

ʻO ka hua no ka pono, ʻo ia ka lāʻau o ke ola; ʻO ka mea hoʻohuli i nā ʻuhane, ʻo ia ke akamai.

NĀ ʻŌLELO AKAMAI A SOLOMONA 13:12

ʻO ka manaʻolana i hoʻopaneʻe ʻia, ʻo ia ka mea e maʻule ai ka naʻau; A hiki mai ka mea i makemake ʻia, ʻo ia ka lāʻau o ke ola.

NĀ ʻŌLELO AKAMAI A SOLOMONA 15:4

ʻO ke elelo akahai ʻo ia ka lāʻau o ke ola; ʻO ka ʻawahia i loko o ia mea, ʻo ia ka nahae ʻana o ka ʻuhane.

NĀ ʻŌLELO AKAMAI A SOLOMONA 3:18

ʻO ia ka lāʻau o ke ola no ka poʻe e hoʻopaʻa ana iā ia, Pōmaikaʻi hoʻi ka mea e ʻapo ana iā ia.

KA WĀNANA A ʻEZEKIʻELA 28:13

“Ma loko akula ʻoe i ʻEdena ka mahina ʻai a ke Akua; ʻO nā pōhaku maʻemaʻe a pau ʻo ia ka mea uhi iā ʻoe, ʻO ka saredio, ke topasa, a me ke daimana, Ka berila, ka ʻonika, a me ka iasepa, Ka sapeira, a me ka ʻemerala, ka bareka, a me ke gula; ʻO ka hana ʻana o kāu mau pahu kani, a me kāu mau mea hoʻokiokio, Ua hoʻomākaukau ʻia ia i loko ou i kou lā i hānau ai.

KA WĀNANA A ʻEZEKIʻELA 31:8

‘ʻAʻole i hiki i ke kedera i loko o ka māla a ke Akua, ke hoʻonalo iā ia; ʻAʻole like ka lāʻau hūkaʻa me kona mau lālā, ʻAʻole like ka lāʻau pelatano me kona mau lālā; ʻAʻole lāʻau i loko o ka māla a ke Akua i like me ia i kona nani.

KA ʻEUANELIO I KĀKAU ʻIA AI E MATAIO 11:15

“ʻO ka mea pepeiao lohe lā, e hoʻolohe ia.

KA ʻEUANELIO I KĀKAU ʻIA AI E MATAIO 13:43

“A laila «e lilelile aʻe ka poʻe pono e like me ka lā» i loko o ke aupuni o ko lākou Makua. ʻO ka mea pepeiao lohe lā, e hoʻolohe ia.

KA ʻEUANELIO I KĀKAU ʻIA AI E MATAIO 13:9

“ʻO ka mea pepeiao lohe lā, e hoʻolohe ia.”

KA ʻEUANELIO I KĀKAU ʻIA AI E MAREKO 4:9

ʻĪ maila ʻo ia iā lākou, “ʻO ka mea pepeiao lohe lā, e hoʻolohe mai ia.”

KA ʻEUANELIO I KĀKAU ʻIA AI E MAREKO 7:15

“ʻAʻole mea ma waho o ke kanaka e haumia ai ia ke komo i loko ona; akā, ʻo ka mea i puaʻi mai, mai loko mai ona, ʻo ia nā mea e haumia ai ke kanaka.

KA ʻEUANELIO I KĀKAU ʻIA AI E MAREKO 7:16

“Inā he pepeiao ko ke kanaka e lohe, e hoʻolohe mai ia.”

KA ʻEUANELIO I KĀKAU ʻIA AI E LUKA 23:43

ʻĪ maila hoʻi ʻo Iesū iā ia, “He ʻoiaʻiʻo kaʻu e ʻōlelo aku nei iā ʻoe, i kēia lā ʻo ʻoe pū kekahi me aʻu i loko o ka Paradaiso.”

KA ʻEUANELIO I KĀKAU ʻIA AI E LUKA 8:8

“A heleleʻi ihola kekahi ma ka lepo maikaʻi, a kupu aʻela ia, a hua maila ia pāhaneri ka hua.” A pau kāna haʻi ʻana ia mau mea, kāhea maila ia, “ʻO ka mea pepeiao lohe, e hoʻolohe ia.”

KA ʻEUANELIO I KĀKAU ʻIA AI E IOANE 16:33

“Ua ʻōlelo aku au iā ʻoukou i kēia mau mea, i loaʻa ai iā ʻoukou ka maluhia i loko oʻu. I loko o ke ao nei e loaʻa iā ʻoukou ka pōpilikia; akā, e hoʻolana ʻoukou; ua lanakila wau ma luna o ke ao nei.”

ʻO KA ʻEPISETOLE MUA A PAULO KA LUNAʻŌLELO I KO KORINETO 2:10

Ua hōʻike mai nō hoʻi ke Akua ia mau mea iā mākou, ma kona ʻUhane; no ka mea, ke nānā pono nei ka ʻUhane i nā mea a pau, i nā mea hohonu hoʻi a ke Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 12:4

ua lawe ʻia aku ʻo ia i luna i Paradaiso, a lohe aʻela ia i nā hua ʻōlelo hiki ʻole ke pane aʻe, ʻaʻole hoʻi e pono ke ʻekemu ʻia aku e ke kanaka.

ʻO KA ʻEPISETOLE HOʻOLAHA MUA A IOANE 2:13

E nā mākua kāne, ke palapala aku nei au iā ʻoukou; no ka mea, ua ʻike aku ʻoukou iā ia mai kinohi mai. Ke palapala aku nei au iā ʻoukou, e nā kānaka uʻi; no ka mea, ua lanakila ʻoukou ma luna o ka hewa. E nā keiki, ke palapala aku nei au iā ʻoukou; no ka mea, ua ʻike ʻoukou i ka Makua.

KA HŌʻIKE ʻANA A IOANE KA HAIPULE 13:9

Inā he pepeiao ko kekahi, e hoʻolohe mai ia.

KA HŌʻIKE ʻANA A IOANE KA HAIPULE 14:13

¶ Lohe akula au i ka leo, mai ka lani mai, ʻī maila, “E palapala ʻoe, ‘Pōmaikaʻi ka poʻe make, ke make i loko o ka Haku, ma kēia hope aku!’” “He ʻoiaʻiʻo,” wahi a ka ʻUhane, “i hoʻomaha lākou i ko lākou luhi; a ke hahai nei nō hoʻi kā lākou mau hana me lākou.”

KA HŌʻIKE ʻANA A IOANE KA HAIPULE 15:2

¶ A ʻike akula au, he mea ua like me ka moana aniani, i hui pū ʻia me ke ahi; a ʻo ka poʻe i lanakila ma luna o ka holoholona a me kona kiʻi, a me kona hōʻailona, a me ka heluna o kona inoa, e kū ana lākou ma luna o ka moana aniani, a iā lākou nā lira o ke Akua.

KA HŌʻIKE ʻANA A IOANE KA HAIPULE 2:11

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, ʻaʻole loa ia e ʻeha i ka make ʻalua.’

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’

KA HŌʻIKE ʻANA A IOANE KA HAIPULE 21:7

“ʻO ka mea lanakila, e ili mai kēia mau mea a pau nona; a e lilo wau i Akua nona, a ʻo ia hoʻi, i keiki naʻu.

KA HŌʻIKE ʻANA A IOANE KA HAIPULE 22:14

Pōmaikaʻi ka poʻe mālama i kona mau kānāwai, i hiki ke loaʻa iā lākou ko ka lāʻau o ke ola, i komo aku hoʻi ma nā puka, i loko o ke kūlanakauhale.

KA HŌʻIKE ʻANA A IOANE KA HAIPULE 22:17

¶ Ke ʻōlelo mai nei ka ʻUhane a me ka wahine mare, “E hele mai.” A e ʻōlelo hoʻi ka mea lohe, “E hele mai.” A ʻo ka mea make wai lā, e hele mai ia. A ʻo ka mea makemake, e lawe wale ia i ka wai o ke ola.

KA HŌʻIKE ʻANA A IOANE KA HAIPULE 22:2

A ma waena o kona alanui a ma kēlā kapa kēia kapa o ka muliwai, ʻo ka lāʻau o ke ola, e hua ana i ka hua he ʻumikumamālua ke ʻano, ʻakahi malama, ʻakahi hua āna. A ʻo nā lau o ka lāʻau, ʻo ia ka mea e ola ai nā lāhui kanaka.