KA HŌʻIKE ʻANA A IOANE KA HAIPULE 2:5 - Ka Baibala Hemolele

⁵ ‘No laila, e hoʻomanaʻo ʻoe i kou wahi i hāʻule ai, a e mihi hoʻi, a e hana hoʻi i nā hana mua; a i ʻole, ʻeā, e hele koke aku au i ou lā, a e lawe aku i kou ipukukui, mai kona wahi aku, ke mihi ʻole ʻoe.

KA HŌʻIKE ʻANA A IOANE KA HAIPULE 2:5 Iomraidhean Croise

KA WĀNANA A ʻISAIA 1:26

“E hoʻihoʻi hou nō wau i kou mau luna kānāwai, e like me ka wā i kinohi, A me kou poʻe kākāʻōlelo, e like me ka wā kahiko; A ma hope aku o kēia, e kapa ʻia ʻoe, Ke kūlanakauhale o ka pono, Ke kūlanakauhale ʻoiaʻiʻo.”

KA WĀNANA A ʻISAIA 14:12

“Auē kou hāʻule ʻana mai ka lani mai, E ka Hōkūloa, ke keiki a ke kakahiaka! Ua kua ʻia ʻoe i lalo i ka honua, ʻO ʻoe, ka mea i hoʻoʻauheʻe i ko nā ʻāina.

KA WĀNANA A ʻEZEKIʻELA 20:43

“A ma laila e hoʻomanaʻo ai ʻoukou i ko ʻoukou mau ʻaoʻao, a me kā ʻoukou mau hana a pau, nā mea i haumia ai ʻoukou; a e hoʻowahāwahā ʻoukou iā ʻoukou iho i ko ʻoukou mau maka, no nā mea ʻino a pau a ʻoukou i hana aku ai.

KA WĀNANA A ʻEZEKIʻELA 36:31

“A laila e hoʻomanaʻo ʻoukou i ko ʻoukou mau ʻaoʻao hewa, a me kā ʻoukou mau hana pono ʻole, a e hoʻowahāwahā iho ʻoukou iā ʻoukou iho i ko ʻoukou mau maka iho, no ko ʻoukou mau hewa, a me ko ʻoukou mau mea inaina ʻia.

HOSEA 14:1

¶ E kā ʻIseraʻela, e huli mai ʻoe iā Iēhova kou Akua; No ka mea, ua hāʻule ʻoe ma kou hewa iho.

HOSEA 9:10

¶ Ua loaʻa iaʻu kā ʻIseraʻela e like me nā hua waina ma ka wao nahele; Ua ʻike au i ko ʻoukou poʻe kūpuna, e like me ka hua mua ma ka lāʻau fiku i kona hua mua ʻana; Akā, hele akula lākou iā Baʻala Peora, a hoʻokaʻawale iā lākou iho no ka mea hilahila; A ʻo nā mea hoʻowahāwahā ʻia, ua like me ko lākou makemake.

MALAKI 3:4

“A laila, e maliu ʻia mai ai ʻo Iēhova i ka mōhai ʻana a kā Iuda a me ko Ierusalema, e like me ia i nā lā kahiko, a i nā makahiki ma mua.

MALAKI 4:6

“A e hoʻohuli aʻe ʻo ia i ka naʻau o nā mākua i nā keiki, a me ka naʻau o nā keiki i nā mākua, o hele aku paha auaneʻi au, a hahau i ka honua i ka hōʻino ʻana.”

KA ʻEUANELIO I KĀKAU ʻIA AI E MATAIO 5:14

“ʻO ʻoukou nō ka mālamalama o ke ao nei; ʻo ke kūlanakauhale i kū ma kahi kiʻekiʻe, ʻaʻole ia e nalowale.

KA ʻEUANELIO I KĀKAU ʻIA AI E MATAIO 5:15

“ʻAʻole i hoʻā ʻia ke kukui i mea e waiho ʻia ai ma lalo iho o ke poʻi; akā, ma kahi e kau ai ʻo ke kukui, i mālamalama no ka poʻe a pau i loko o ka hale.

KA ʻEUANELIO I KĀKAU ʻIA AI E MAREKO 12:9

“No ia mea, pehea lā uaneʻi e hana mai ai ka haku o ia māla waina? E hele mai nō ia a e luku iho ia poʻe hoaʻāina, a e hāʻawi aku i ka māla waina no haʻi.

KA ʻEUANELIO I KĀKAU ʻIA AI E LUKA 1:17

“E hele ana hoʻi ia ma mua ona, me ka ʻuhane a me ka mana o ʻElia, «e hoʻohuli i ka naʻau o nā mākua i kā lākou mau keiki», a i ka poʻe lohe ʻole ma muli o ka naʻauao o ka poʻe pono; e hoʻoponopono ai i kānaka mākaukau no ka Haku.”

KA ʻEUANELIO I KĀKAU ʻIA AI E LUKA 20:16

“E hele mai nō ia a luku mai ia poʻe hoaʻāina, a e hāʻawi aku i ka māla waina i kekahi poʻe ʻē.” ʻŌlelo ihola ka poʻe e hoʻolohe ana, “ʻAʻole loa ia!”

ʻO KA ʻEPISETOLE A PAULO KA LUNAʻŌLELO I KO GALATIA 5:4

ʻOukou ka poʻe e ʻāpono ʻia ma ke kānāwai, ua hoʻokaʻawale ʻia ʻoukou mai o Kristo aku lā; ua hāʻule iho ʻoukou mai ka lokomaikaʻi aku.

ʻO KA ʻEPISETOLE A PAULO KA LUNAʻŌLELO I KO PILIPI 2:15

i hala ʻole ʻoukou a me ke kolohe ʻole, he poʻe keiki na ke Akua, i hoʻohewa ʻole ʻia i waena o ka hanauna kekeʻe a me ke kolohe, e ʻalohi hoʻi ʻoukou i waena o lākou e like me nā mālamalama i ke ao nei;

ʻO KA ʻEPISETOLE A PAULO KA LUNAʻŌLELO I KO HEBERA 10:32

¶ E hoʻomanaʻo hoʻi ʻoukou i nā lā ma mua, i ka manawa i hoʻomanawanui ai ʻoukou i ka paio nui ʻana, me ka ʻehaʻeha, ma hope iho o ko ʻoukou naʻauao ʻana;

ʻO KA ʻEPISETOLE HOʻOLAHA ʻALUA A PETERO 3:17

No ia mea lā, ʻeā, e nā pōkiʻi, no ko ʻoukou aʻo mua ʻia aku, e ao ʻoukou, o alakaʻi hewa ʻia aku ʻoukou, e ka wahaheʻe o ka poʻe ʻaiā, a hāʻule mai ko ʻoukou kūpaʻa ʻana.

ʻO KA ʻEPISETOLE HOʻOLAHA A IUDA 1:24

¶ Eia hoʻi, i ka Mea e hiki ai ke mālama iā ʻoukou i ʻole ai e hāʻule, e hoʻokū mai hoʻi iā ʻoukou i hemolele i mua i ke alo o kona nani me ka hauʻoli nui aku;

KA HŌʻIKE ʻANA A IOANE KA HAIPULE 1:20

“I ka mea pohihihi o nā hōkū ʻehiku āu i ʻike ai ma koʻu lima ʻākau, a me nā ipu gula ʻehiku. ʻO nā hōkū ʻehiku, ʻo lākou nā ʻānela o ua mau ʻekalesia lā ʻehiku; a ʻo nā ipukukui ʻehiku, ʻo ia nō ua poʻe ʻekalesia ʻehiku lā.”

KA HŌʻIKE ʻANA A IOANE KA HAIPULE 16:9

A wela ihola nā kānaka i ka wela nui, a kūamuamu akula i ka inoa o ke Akua, ka Mea nona ka mana ma luna o kēia mau ʻino; ʻaʻole hoʻi i mihi lākou e hoʻonani ai iā ia.

KA HŌʻIKE ʻANA A IOANE KA HAIPULE 2:16

‘No laila, e mihi ʻoe; a i ʻole, ʻeā, e hele koke aku au i ou lā, a e kaua aku iā lākou, me ka pahi kaua o kuʻu waha.

KA HŌʻIKE ʻANA A IOANE KA HAIPULE 2:19

‘Ua ʻike au i kāu hana ʻana, a me kou aloha, a me kou lawelawe ʻana, a me kou manaʻoʻiʻo, a me kou ahonui, a me ka ʻoi ʻana aku o kāu hana hope, ma mua o nā hana mua.

KA HŌʻIKE ʻANA A IOANE KA HAIPULE 2:2

‘Ua ʻike nō au i kāu hana ʻana, a me kou luhi, a me kou ahonui, a me ka hiki ʻole iā ʻoe ke hoʻomanawanui i ka poʻe hewa; a ua hoʻāʻo ʻoe i ka poʻe i haʻi mai iā lākou iho he poʻe lunaʻōlelo, ʻaʻole kā, a ua ʻike ʻoe iā lākou, he poʻe wahaheʻe.

KA HŌʻIKE ʻANA A IOANE KA HAIPULE 3:19

‘ʻO nā mea aʻu i aloha ai, ʻo ia kaʻu i aʻo aku ai, a i paipai ai hoʻi. No ia mea, e hoʻoikaika, a e mihi hoʻi.