KA HŌʻIKE ʻANA A IOANE KA HAIPULE 2:27 - Ka Baibala Hemolele

²⁷ a e hoʻomalu nō ʻo ia iā lākou me ke koʻokoʻo hao; me nā ipu lepo e ʻulupā ʻia ai lākou»; e like me kaʻu i loaʻa mai ai i koʻu Makua.

KA HŌʻIKE ʻANA A IOANE KA HAIPULE 2:27 Iomraidhean Croise

KA BUKE O NĀ HALELŪ 49:14

Me he mau hipa lā ua waiho ʻia lākou i ka lua kupapaʻu; E ʻai nō ka make iā lākou; E lanakila ka poʻe pono ma luna o lākou i ke kakahiaka; A e pau ʻē ko lākou nani i loko o ka lua kupapaʻu, mai kona wahi i noho ai.

KA WĀNANA A ʻISAIA 30:14

“E nahā nō ia e like me ka nahā ʻana o ka ipu lepo o nā potera, E nāhāhā ʻiʻo nō, ʻaʻole ia e aloha mai; Ma loko o nā mea nahā, ʻaʻole e loaʻa kekahi ʻāpana, E lawe ai i ke ahi ʻenaʻena, A e huki hoʻi i ka wai o ka luawai.”

KA WĀNANA A IEREMIA 19:11

a e ʻī aku ʻoe iā lākou, ‘Ke ʻōlelo mai nei ʻo Iēhova o nā kaua penei, “Pēlā nō wau e wāwahi ai i kēia poʻe kānaka, a me kēia kūlanakauhale, e like me ka wāwahi ʻia o ka ipu a ka potera, ka mea hiki ʻole ke kāpili hou ʻia; a e kanu nō hoʻi lākou ma Topeta, a e kaʻawale ʻole kahi e kanu ai.

KA BUKE NO DANIʻELA 7:18

‘Akā, ʻo nā haipule o ka Mea Kiʻekiʻe Loa, e lilo iā lākou ke aupuni; a iā lākou no ke aupuni ia ao aku, ia ao aku, a mau loa aku nō.’

KA BUKE NO DANIʻELA 7:22

a hiki maila ka Makamua o nā Lā, a hāʻawi ʻia mai i ka poʻe haipule o ka Mea Kiʻekiʻe ka hoʻopaʻi ʻana; a ua hiki mai ka manawa e lilo ai ke aupuni i ka poʻe haipule.

KA ʻEUANELIO I KĀKAU ʻIA AI E MATAIO 11:27

“Ua hāʻawi ʻia mai iaʻu nā mea a pau e koʻu Makua; ʻaʻohe kanaka i ʻike i ke Keiki, ʻo ka Makua wale nō; ʻaʻole hoʻi he kanaka i ʻike i ka Makua, ʻo ke Keiki wale nō, a me ka mea iā ia e hōʻike aku ai ke Keiki.

KA ʻEUANELIO I KĀKAU ʻIA AI E LUKA 22:29

“A ke hāʻawi aku nei au iā ʻoukou i ke aupuni, me koʻu Makua i hāʻawi mai ai iaʻu.

KA ʻEUANELIO I KĀKAU ʻIA AI E IOANE 17:24

“E ka Makua, ke makemake nei au, e noho pū me aʻu ka poʻe āu i hāʻawi mai ai iaʻu, ma koʻu wahi e noho ai; i ʻike ai lākou i koʻu nani āu i hāʻawi mai ai noʻu; no ka mea, ua aloha mai ʻoe iaʻu ma mua o ka hoʻokumu ʻana o ke ao nei.

KA HŌʻIKE ʻANA A IOANE KA HAIPULE 12:5

Hānau maila ʻo ia, he keiki kāne, he mea e hoʻomalu i nā lāhui kanaka a pau me ke koʻokoʻo hao. Ua kāʻili ʻia akula kāna keiki i luna i ke Akua a ma kona noho aliʻi.

KA HŌʻIKE ʻANA A IOANE KA HAIPULE 19:15

A puka maila, mai loko mai o kona waha, he pahi kaua ʻoi, i mea e hahau ai i ko nā ʻāina; a e hoʻomalu ʻo ia iā lākou me ke koʻokoʻo hao. A nāna nō e hahi i ka lua waina o ka ukiuki o ka inaina o ke Akua Mana Loa.