KA HŌʻIKE ʻANA A IOANE KA HAIPULE 2:23 - Ka Baibala Hemolele

²³ ‘A e luku aku nō au i kāna mau keiki i ka make; a e ʻike auaneʻi nā ʻekalesia a pau, ʻo wau nō ka mea huli i ka ʻōpū a me ka naʻau, a naʻu nō e hāʻawi aku i kēlā mea i kēia mea o ʻoukou, e like me kā ʻoukou hana ʻana.

KA HŌʻIKE ʻANA A IOANE KA HAIPULE 2:23 Iomraidhean Croise

KA BUKE MUA O KA ʻOIHANA ALIʻI 17:18

“He aha ka mea hou aku e hiki iā Dāvida ke ʻōlelo aku iā ʻoe no ka pono o kāu kauā? No ka mea, ua ʻike ʻoe i kāu kauā.

KA BUKE MUA O KA ʻOIHANA ALIʻI 28:9

¶ “ʻO ʻoe hoʻi, e Solomona kuʻu keiki, e ʻike ʻoe i ke Akua o nā kūpuna ou, a e mālama iā ia me ka naʻau pono, a me ka manaʻo makemake; no ka mea, ke nānā mai nei ʻo Iēhova i nā naʻau a pau, a ke ʻike nei i nā ʻano a pau o nā manaʻo; inā ʻoe e ʻimi aku iā ia, e loaʻa auaneʻi ʻo ia iā ʻoe; akā, i haʻalele ʻoe iā ia, e kiola aku ʻo ia iā ʻoe a mau loa aku.

KA BUKE MUA O KA ʻOIHANA ALIʻI 29:17

“Ua ʻike nō hoʻi au, e koʻu Akua, ke hoʻāʻo mai nei ʻoe i ka naʻau, a ua ʻoluʻolu mai i ka pono. A ʻo wau nei lā, ma ka manaʻo pono o kuʻu naʻau ua hāʻawi ʻoluʻolu aku wau i nēia mau mea a pau; a ua ʻike iho nei hoʻi au me ka ʻoliʻoli i kou poʻe kānaka ma ʻaneʻi, e hāʻawi ʻoluʻolu aku ana nou.

KA BUKE ʻALUA O KA ʻOIHANA ALIʻI 6:30

a laila, e hoʻolohe mai ʻoe mai ka lani mai, ʻo kou wahi e noho ai, a e kala mai, a e hāʻawi i kēlā kanaka kēia kanaka e like me kona ʻaoʻao iho, i kou ʻike ʻana i kona naʻau; (no ka mea, ʻo ʻoe wale nō kai ʻike i ka naʻau o nā keiki a kānaka);

KA BUKE NO IOBA 24:23

“Inā e hāʻawi ʻia nona e maluhia, a e hilinaʻi; Akā, ʻo kona mau maka aia ma luna o ko lākou mau ʻaoʻao.

KA BUKE O NĀ HALELŪ 139:1

¶ E Iēhova, ua haka pono mai ʻoe iaʻu, a ua ʻike hoʻi.

KA BUKE O NĀ HALELŪ 26:2

E huli ʻoe iaʻu, e Iēhova, a e hōʻike iaʻu; E hoʻāʻo mai ʻoe i kuʻu puʻupaʻa a me kuʻu naʻau.

KA BUKE O NĀ HALELŪ 44:21

ʻAʻole anei i ʻimi ke Akua ia mea? No ka mea, ua ʻike ʻo ia i nā mea huna o ka naʻau.

KA BUKE O NĀ HALELŪ 62:12

Nou nō hoʻi, e ka Haku, e aloha mai; No ka mea, ua uku mai ʻoe i kēlā kanaka i kēia kanaka, e like me kāna hana.

KA BUKE O NĀ HALELŪ 7:9

Ke pule nei au e oki ka hana hewa o ka poʻe hewa; Akā, e hoʻokūpaʻa ʻoe i ka poʻe pono; No ka mea, na ke Akua pono i hoʻāʻo nā naʻau a me nā puʻupaʻa.

KA WĀNANA A IEREMIA 11:20

Akā, ʻo ʻoe ʻo Iēhova o nā kaua, Ka Mea hoʻoponopono ma ka pololei, Ka Mea i hoʻāʻo i ka ʻōpū, a me ka naʻau, E hōʻike mai ʻoe iaʻu i kou ukiuki iā lākou; No ka mea, ua hōʻike aku au iā ʻoe i koʻu hihia.

KA WĀNANA A IEREMIA 17:10

“ʻO wau, ʻo Iēhova, ke huli nei au i ka naʻau, Ke hoʻāʻo nei au i ka ʻōpū, E hāʻawi i kēlā kanaka kēia kanaka E like me kona mau ʻaoʻao, e like hoʻi me ka hua o kāna mau hana.

KA WĀNANA A IEREMIA 20:12

Akā, ʻo ʻoe, e Iēhova o nā kaua, Ka Mea hoʻāʻo mai i ka poʻe i pono, Ka Mea ʻike i ka ʻōpū, a me ka naʻau, E hōʻike mai ʻoe iaʻu i kou ukiuki iā lākou; No ka mea, iā ʻoe nō koʻu hoʻopiʻi ʻana i koʻu pono.

ZEPANIA 1:11

“E kanikau ʻoukou, e nā kānaka o Maketesa; No ka mea, ua hōʻoki ʻia aʻe nā kānaka kūʻai a pau; ʻO ka poʻe a pau i kaumaha i ke kālā, ua ʻoki ʻia.

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

KA ʻEUANELIO I KĀKAU ʻIA AI E LUKA 16:15

ʻĪ maila ʻo ia iā lākou, “ʻO ʻoukou ka poʻe e hoʻopono iā ʻoukou iho i mua o nā kānaka; akā, ua ʻike mai ke Akua i ko ʻoukou mau naʻau; no ka mea, ʻo kahi mea nani i kānaka, he ʻino ia i mua o ke Akua.

KA ʻEUANELIO I KĀKAU ʻIA AI E IOANE 21:17

Nīnau hou maila ʻo Iesū iā ia, ʻo ke kolu ia, “E Simona na Iona, ke aloha mai nei anei ʻoe iaʻu?” Kaumaha ihola ʻo Petero, no ke kolu o kona nīnau ʻana iā ia, “Ke aloha mai nei anei ʻoe iaʻu?” A ʻī akula kēlā iā ia, “E ka Haku, ua ʻike ʻoe i nā mea a pau; ua ʻike hoʻi ʻoe, ua aloha au iā ʻoe.” ʻĪ maila ʻo Iesū iā ia, “E hānai ʻoe i kaʻu poʻe hipa.”

KA ʻEUANELIO I KĀKAU ʻIA AI E IOANE 4:16

ʻŌlelo maila ʻo Iesū iā ia, “Ō hele, e kāhea aku i kāu kāne, a e hele hou mai i ʻaneʻi.”

NĀ ʻOIHANA A KA POʻE LUNAʻŌLELO 1:24

Pule akula lākou, ʻī akula, “E ka Haku, ka mea ʻike i ka naʻau o nā mea a pau loa, e hōʻike mai ʻoe i ka mea o lāua nei āu e koho mai ai,

ʻO KA ʻEPISETOLE A PAULO KA LUNAʻŌLELO I KO ROMA 14:12

No laila hoʻi, e hōʻike aku nō kēlā mea kēia mea o kākou a pau nona iho i ke Akua.

ʻO KA ʻEPISETOLE A PAULO KA LUNAʻŌLELO I KO ROMA 8:27

ʻO ka mea ʻike mai i ka naʻau, ua ʻike nō ia i ka manaʻo o ka ʻUhane; no ka mea, ua nonoi aku nō ia no ka poʻe haipule e like me ka makemake o ke Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:10

No ka mea, e hōʻike ʻia auaneʻi kākou a pau i mua o ka noho hoʻokolokolo o Kristo; i loaʻa i kēlā mea i kēia mea nā mea i loko o ke kino, e like me ka mea āna i hana ai, inā paha he maikaʻi, inā paha he hewa.

ʻO KA ʻEPISETOLE A PAULO KA LUNAʻŌLELO I KO GALATIA 6:5

No ka mea, e halihali auaneʻi kēlā mea kēia mea i kona luhi iho.

KA BUKE ʻALIMA A MOSE, I KAPA ʻIA KĀNĀWAI LUA 13:11

“A e hoʻolohe mai kā ʻIseraʻela a pau, a e makaʻu hoʻi, ʻaʻole hoʻi e hana hewa hou i kekahi hewa e like me ia i waena o ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 17:13

“A e hoʻolohe nā kānaka a pau, e makaʻu, ʻaʻole e hana hoʻokiʻekiʻe hou aku.

KA BUKE ʻALIMA A MOSE, I KAPA ʻIA KĀNĀWAI LUA 19:20

“A e hoʻolohe ka poʻe i koe, a makaʻu hoʻi, ʻaʻole e hana hou lākou e like me kēia hewa i waena o ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 21:21

“A ʻo nā kānaka a pau o kona kūlanakauhale e hailuku iā ia i ka pōhaku e make ia; a e lawe aku ʻoe i ka hewa mai ou aku lā; a e hoʻolohe kā ʻIseraʻela a pau a e makaʻu hoʻi.

ʻO KA ʻEPISETOLE A PAULO KA LUNAʻŌLELO I KO HEBERA 4:13

ʻAʻohe mea nalo i kona maka; akā, ua wehe ʻia, a ua akāka loa nā mea a pau i ka maka o ka Mea iā ia kākou e haʻi aku ai.

ʻO KA ʻEPISETOLE HOʻOLAHA MUA A PETERO 1:17

Inā ʻoukou e hea aku i ka Makua, i ka Mea i hoʻomaopopo me ka ʻewaʻewa ʻole, i kēlā kanaka, i kēia kanaka, ma ke ʻano o kāna hana ʻana, e noho ʻoukou me ka makaʻu, i ko ʻoukou noho malihini ʻana.

KA HŌʻIKE ʻANA A IOANE KA HAIPULE 2:11

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, ʻaʻole loa ia e ʻeha i ka make ʻalua.’

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 20:12

A ʻike akula au i ka poʻe make, i ka poʻe ʻuʻuku a me ka poʻe nui, e kū ana i mua o ke Akua, a wehe ʻia ihola nā buke; a wehe ʻia nō hoʻi kekahi buke hou, ʻo ia hoʻi ka buke o ke ola. Ua hoʻokolokolo ʻia ka poʻe make ma nā mea i palapala ʻia i loko o nā buke, ma muli o kā lākou hana ʻana.

KA HŌʻIKE ʻANA A IOANE KA HAIPULE 20:13

Hāʻawi maila ke kai i ka poʻe make ma loko ona; a hāʻawi mai ka Make a me ka Pō i ka poʻe make i loko o lāua; a hoʻopaʻi ʻia kēlā mea kēia mea o lākou, e like me kā lākou hana ʻana.

KA HŌʻIKE ʻANA A IOANE KA HAIPULE 22:12

“Eia hoʻi, e hele koke mai au, a eia nō iaʻu kaʻu uku, a e hāʻawi aku au i kēlā mea a i kēia mea e like me kāna hana ʻana.

KA HŌʻIKE ʻANA A IOANE KA HAIPULE 6:8

A nānā akula au, aia hoʻi, he lio lenalena; a ʻo ka mea e noho ana ma luna iho ona, ʻo Make kona inoa, a hahai akula ʻo ka Pō ma hope ona. A ua hāʻawi ʻia mai iā ia ka mana ma luna o kekahi hapa o ka honua, e luku aku me ka pahi kaua, a me ka wī, a me ka make, a me nā ʻīlio hihiu o ka honua.

KA BUKE MUA A SAMUʻELA 16:7

A ʻōlelo maila ʻo Iēhova iā Samuʻela, “Mai nānā ʻoe i kona ʻano ma waho, ʻaʻole hoʻi i ka lōʻihi o kona kino; ua hōʻole aku au iā ia; no ka mea, ʻaʻole ma ka mea a ke kanaka i ʻike; ke nānā nei ke kanaka i nā helehelena; akā, ke nānā nei ʻo Iēhova i ka naʻau.”