KA HŌʻIKE ʻANA A IOANE KA HAIPULE 2:17 - Ka Baibala Hemolele

¹⁷ ‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’

KA HŌʻIKE ʻANA A IOANE KA HAIPULE 2:17 Iomraidhean Croise

KA BUKE O NĀ HALELŪ 25:14

ʻO ka manaʻo paʻa o Iēhova aia nō ia me ka poʻe weliweli iā ia; E hōʻike mai nō hoʻi ʻo ia i kona berita iā lākou.

KA BUKE O NĀ HALELŪ 36:8

E ʻoluʻolu loa lākou i ka mea momona o kou hale; A e hoʻohāinu ʻoe iā lākou i ko ka muliwai o ka ʻoliʻoli nou.

KA BUKE ʻALUA A MOSE, I KAPA ʻIA PUKA ʻANA 16:33

ʻĪ aʻela ʻo Mose iā ʻAʻarona, “E lawe ʻoe i ipu, a e hahao i loko i kekahi ʻomera a piha i ka mane, a e hoʻāna ʻē i mua i ke alo o Iēhova, i mālama loa ʻia ia mea no kāu poʻe mamo.”

NĀ ʻŌLELO AKAMAI A SOLOMONA 14:10

Ua ʻike ka naʻau i ke kaumaha o kona ʻuhane iho; ʻAʻohe hoʻi i mea mai ka malihini i kona ʻoliʻoli.

NĀ ʻŌLELO AKAMAI A SOLOMONA 3:32

No ka mea, he mea hoʻopailua ka ʻaiā iā Iēhova, ʻO ka poʻe pololei ʻo ia kona poʻe hoa kūkā.

KA WĀNANA A ʻISAIA 56:4

No ka mea, penei i ʻōlelo mai ai ʻo Iēhova “I nā mea i poʻa ʻia, I ka poʻe mālama i koʻu lā Sābati, A makemake hoʻi i nā mea aʻu i ʻoliʻoli ai, A hoʻopaʻa hoʻi i kaʻu berita;

KA WĀNANA A ʻISAIA 56:5

“Iā lākou nō wau e hāʻawi aku ai, Ma loko o koʻu hale, a ma loko o koʻu mau pā, I kuleana, a i inoa hoʻi i ʻoi aku ka maikaʻi ma mua o nā keiki kāne, a me nā kaikamāhine; A e hāʻawi nō wau iā lākou i inoa mau loa e hōʻoki ʻole ʻia ai.

KA WĀNANA A ʻISAIA 62:2

A e ʻike auaneʻi ko nā ʻāina ʻē i kou pono, A ʻo nā aliʻi a pau i kou nani; A e kapa ʻia nō hoʻi ʻoe ma ka inoa hou, Ka mea a ka waha o Iēhova e kapa ai.

KA WĀNANA A ʻISAIA 65:13

¶ No laila, ke ʻōlelo mai nei ʻo Iēhova, ka Haku, “Aia hoʻi, e ʻai nō kaʻu poʻe kauā; akā, e pōloli ana ʻoukou; Aia hoʻi, e inu nō kaʻu poʻe kauā; akā, e make wai ana ʻoukou; Aia hoʻi, e ʻoliʻoli nō kaʻu poʻe kauā; akā, e hilahila ana ʻoukou.

KA WĀNANA A ʻISAIA 65:15

“A e hoʻoili aku ʻoukou no koʻu poʻe i wae ʻia i ko ʻoukou inoa i mea e pōʻino ai; No ka mea, e pepehi mai nō ʻo Iēhova, ka Haku, iā ʻoe, A e kapa iho i kāna poʻe kauā ma ka inoa ʻē.

KA ʻEUANELIO I KĀKAU ʻIA AI E MATAIO 13:11

ʻŌlelo maila ʻo ia iā lākou, ʻī maila, “No ka mea, ua hāʻawi ʻia aku iā ʻoukou e ʻike i nā mea pohihihi o ke aupuni o ka lani, ʻaʻole naʻe i hāʻawi ʻia aku iā lākou.

KA ʻEUANELIO I KĀKAU ʻIA AI E MAREKO 7:16

“Inā he pepeiao ko ke kanaka e lohe, e hoʻolohe mai ia.”

KA ʻEUANELIO I KĀKAU ʻIA AI E IOANE 4:32

ʻĪ maila ʻo ia iā lākou, “He ʻai kaʻu e ʻai ai, ka mea a ʻoukou i ʻike ʻole ai.”

ʻO KA ʻEPISETOLE MUA A PAULO KA LUNAʻŌLELO I KO KORINETO 2:14

Akā, ʻo ke kanaka ma ke kino, ʻaʻole e loaʻa iā ia nā mea o ka ʻUhane o ke Akua; no ka mea, ua lapuwale ia mau mea iā ia, ʻaʻole hoʻi e hiki iā ia ke hoʻomaopopo aku; no ka mea, ma ka ʻuhane wale nō e ʻike ʻia ai lākou.

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

KA HŌʻIKE ʻANA A IOANE KA HAIPULE 14:3

Mele ihola lākou i ke mele hou i mua o ka noho aliʻi, a i mua o nā mea ola ʻehā, a i mua o nā lunakahiko. ʻAʻole e hiki i kekahi ke aʻo ia mele, ʻo ka poʻe hoʻokahi haneri me kanahākumamāhā tausani wale nō, ka poʻe i kūʻai hoʻōla ʻia aʻe mai ka honua aku.

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 2:11

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, ʻaʻole loa ia e ʻeha i ka make ʻalua.’

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 3:22

‘ʻO ka mea pepeiao lā, e hoʻolohe mai ia i ka mea a ka ʻUhane e ʻōlelo nei i nā ʻekalesia.’”

KA HŌʻIKE ʻANA A IOANE KA HAIPULE 3:6

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia.’