KA HŌʻIKE ʻANA A IOANE KA HAIPULE 2:14 - Ka Baibala Hemolele

¹⁴ ‘Akā, he mau mea kaʻu iā ʻoe; no ka mea, aia nō iā ʻoe kekahi poʻe mālama i ka manaʻo o Balaʻama, nāna i aʻo mai iā Balaka e kau i mua o nā mamo a ʻIseraʻela i ka mea e hina ai, e ʻai i nā mea i kaumaha ʻia na nā kiʻi, a e moekolohe hoʻi.

KA HŌʻIKE ʻANA A IOANE KA HAIPULE 2:14 Iomraidhean Croise

KA WĀNANA A ʻISAIA 57:14

¶ ʻŌlelo ihola ia, “E hoʻouka i ke ala, e hoʻouka i ke ala, E hoʻomākaukau i ke kuamoʻo, E kaʻikaʻi aku i nā mea e hina ai, mai ke ala aku o koʻu poʻe kānaka.”

KA WĀNANA A IEREMIA 6:21

No laila, ke ʻōlelo mai nei ʻo Iēhova penei, “Aia hoʻi, e waiho aku au i mau mea e hina ai i mua o kēia poʻe kānaka, A e hāʻule pū ma luna o ia mau mea nā mākua kāne, a me nā keiki kāne. E make pū nō ka hoalauna, a me kona hoa.”

KA WĀNANA A ʻEZEKIʻELA 3:20

“Eia hoʻi, inā i huli aʻe ke kanaka pono mai kona pono aʻe, a hana hoʻi ma ka hewa, a waiho iho au i ka mea e hina ai i mua ona, e make nō ia; no kāu ao ʻole aku iā ia, i loko o kona hewa e make ai nō ia, ʻaʻole hoʻi e hoʻomanaʻo ʻia kona pono āna i hana ai; akā, e hoʻopaʻi aku au i kona koko ma kou lima.

KA WĀNANA A ʻEZEKIʻELA 44:12

“No ka mea, ua lawelawe ia mau mea no lākou ma mua o ko lākou poʻe akua kiʻi, a hoʻohāʻule lākou i ka ʻohana a ʻIseraʻela i ka hewa; no laila, ua hāpai kūʻē au i kuʻu lima iā lākou,” wahi a Iēhova ka Haku, “a e halihali lākou i ko lākou hewa.

KA BUKE ʻAHĀ A MOSE, I KAPA ʻIA NĀ HELU 24:14

“ʻĀnō hoʻi, ke hoʻi aku nei au i koʻu poʻe kānaka; ʻeā, e haʻi ʻē aku nō au iā ʻoe i ka mea a kēia poʻe kānaka e hana mai ai i kou poʻe kānaka i nā lā ma hope.”

KA BUKE ʻAHĀ A MOSE, I KAPA ʻIA NĀ HELU 31:16

“Aia hoʻi, ʻo kēia ka poʻe i hoʻowalewale i nā mamo a ʻIseraʻela, ma muli o ka manaʻo o Balaʻama, e lawehala iā Iēhova ma ka mea a Peora, a hiki mai nō ke ahulau i waena o ke anaina kanaka o Iēhova.

KA BUKE ʻAHĀ A MOSE, I KAPA ʻIA NĀ HELU 31:8

Pepehi ihola hoʻi lākou i nā aliʻi o Midiana, he ʻokoʻa kēlā poʻe o lākou i pepehi ʻia, ʻo ʻEvi, ʻo Rekema, ʻo Zura, ʻo Hura, a me Reba, nā aliʻi ʻelima o Midiana; pepehi ihola hoʻi lākou iā Balaʻama ke keiki a Beora me ka pahi kaua.

KA ʻEUANELIO I KĀKAU ʻIA AI E MATAIO 18:7

¶ “Auē ko ke ao nei no nā hoʻohihia ʻana! E hiki ʻiʻo mai nō nā hihia; akā, auē ke kanaka nāna e hoʻohihia mai!

NĀ ʻOIHANA A KA POʻE LUNAʻŌLELO 15:29

e hoʻokaʻaʻokoʻa i ka ʻiʻo i mōhai ʻia no nā kiʻi, a me ke koko, a me nā mea i ʻumi wale ʻia, a me ka moekolohe. Inā e pili ʻole ʻoukou ia mau mea, ua hana maikaʻi ʻoukou. Aloha ʻoukou.”

NĀ ʻOIHANA A KA POʻE LUNAʻŌLELO 21:25

“I ka poʻe manaʻoʻiʻo no nā ʻāina ʻē, ua palapala mākou i ka mea a kākou i manaʻo ai, ʻaʻole lākou e mālama i kēia mau mea, eia wale nō, e hoʻokaʻaʻokoʻa lākou i ko nā akua ʻē, a me ke koko, a me nā mea i ʻumi wale ʻia, a me ka moekolohe.”

ʻO KA ʻEPISETOLE A PAULO KA LUNAʻŌLELO I KO ROMA 11:9

ʻŌlelo maila hoʻi ʻo Dāvida, “E lilo ko lākou papa ʻaina i pahele e hei ai lākou, I mea e hina ai hoʻi, a i uku hoʻi no lākou.

ʻO KA ʻEPISETOLE A PAULO KA LUNAʻŌLELO I KO ROMA 14:13

¶ No ia hoʻi, mai noho kākou a hoʻāhewa hou aku i kekahi i kekahi; akā, e manaʻo ʻoukou me nēia, ʻaʻole e waiho i ka mea e hina ai, ʻaʻole hoʻi i ka mea e hihia ai i mua o ka hoahānau.

ʻO KA ʻEPISETOLE A PAULO KA LUNAʻŌLELO I KO ROMA 14:21

He mea pono e ʻai ʻole i ka ʻiʻo, a e inu ʻole i ka waina, ʻaʻole hoʻi e hana i ka mea e hina ai kou hoahānau, a e hihia ai, a e nāwaliwali ai.

ʻO KA ʻEPISETOLE A PAULO KA LUNAʻŌLELO I KO ROMA 9:32

No ke aha? No ka mea, ʻaʻole ʻimi ma ka manaʻoʻiʻo; akā, ma nā hana ʻana o ke kānāwai; no ka mea, ua kū ʻia lākou i kēlā pōhaku e kū ʻia ai;

ʻO KA ʻEPISETOLE MUA A PAULO KA LUNAʻŌLELO I KO KORINETO 1:23

akā, ke haʻi aku nei mākou iā Kristo i kaulia ma ke keʻa, he mea hina no nā Iudaio, a he mea lapuwale no nā Helene;

ʻO KA ʻEPISETOLE MUA A PAULO KA LUNAʻŌLELO I KO KORINETO 7:2

Akā, o moekolohe auaneʻi, ua pono nō i kēlā kāne i kēia kāne kāna wahine iho, a ua pono nō i kēlā wahine i kēia wahine, kāna kāne iho.

ʻO KA ʻEPISETOLE A PAULO KA LUNAʻŌLELO I KO HEBERA 13:4

E mahalo ʻia ka mare no nā mea a pau, a e hoʻopaumāʻele ʻole ʻia hoʻi kahi moe; no ka mea, e hoʻāhewa mai ana nō ke Akua i ka poʻe hoʻoipoipo, a me ka poʻe moekolohe.

KA BUKE A IOSUA 24:9

‘A laila kū i luna ʻo Balaka, ke keiki a Zipora, ʻo ke aliʻi o Moaba, a kaua mai ʻo ia i kā ʻIseraʻela, a hoʻouna akula ʻo ia, a kāhea akula iā Balaʻama, i ke keiki a Beora e ʻōlelo hōʻino iā ʻoukou.

ʻO KA ʻEPISETOLE HOʻOLAHA MUA A PETERO 2:8

He pōhaku e ʻōkupe ai, a he pōhaku hoʻohihia hoʻi»,” i ka poʻe i ʻōkupe i ka ʻōlelo, ka poʻe hoʻolohe ʻole; e like me ke koho mua ʻana.

ʻO KA ʻEPISETOLE HOʻOLAHA ʻALUA A PETERO 2:15

Ua haʻalele lākou i ke ala o ka pono, ua hele hewa me ka hahai aku ma ka ʻaoʻao o Balaʻama a Bosora, ka mea i makemake i ka uku o ka hewa;

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA HŌʻIKE ʻANA A IOANE KA HAIPULE 2:20

‘Akā, he mea kaʻu iā ʻoe; no ka mea, ua waiho wale ʻoe i ka wahine iā Iesabela, ka mea i haʻi mai iā ia iho, he kāula, a ua aʻo mai ʻo ia, a ua hoʻowalewale mai i kaʻu poʻe kauā, e moekolohe, a e ʻai i nā mea i kaumaha ʻia na nā kiʻi.

KA HŌʻIKE ʻANA A IOANE KA HAIPULE 2:4

‘He mea nō naʻe kaʻu iā ʻoe; no ka mea, ua haʻalele ʻoe i kou aloha mua.

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.