KA HŌʻIKE ʻANA A IOANE KA HAIPULE 19:7 - Ka Baibala Hemolele

⁷ “E ʻoliʻoli kākou, a e hauʻoli hoʻi, a e hoʻonani aku iā ia; no ka mea, ua hiki mai ka mare ʻana o ke Keiki Hipa, a ua hoʻomākaukau kāna wahine iā ia iho.”

KA HŌʻIKE ʻANA A IOANE KA HAIPULE 19:7 Iomraidhean Croise

KA BUKE O NĀ HALELŪ 107:42

E ʻike aku nō ka poʻe pono, a e leʻaleʻa lākou; A e paʻa nō ka nuku o ka hewa a pau.

KA BUKE O NĀ HALELŪ 48:11

E hauʻoli ʻo Mauna Ziona, E ʻoliʻoli pū nā kaikamāhine a Iuda, No kou hoʻoponopono ʻana.

KA BUKE O NĀ HALELŪ 9:14

I hōʻike aku au i kou nani a pau, Ma nā puka pā hale o ke kaikamahine a Ziona; E hauʻoli nō hoʻi au i kou ola.

NĀ ʻŌLELO AKAMAI A SOLOMONA 29:2

I ka lehulehu ʻana o ka poʻe pono, hauʻoli nā kānaka; A i ke aliʻi ʻana o ka mea hewa, ʻulono aʻela nā kānaka.

KE MELE A SOLOMONA 3:11

“E puka i waho, e nā kaikamāhine o Ziona, a e ʻike i ke aliʻi iā Solomona, Me kona pāpale aliʻi, ka mea a kona makuahine i kau ma luna ona, I kona lā i mare ʻia ai, i ka lā i ʻoliʻoli ai kona naʻau.”

KA WĀNANA A ʻISAIA 52:1

¶ E ala, e ala, e ʻaʻahu i kou ikaika, e Ziona; E komo i kou mau lole nani, e Ierusalema, Ke kūlanakauhale laʻa; No ka mea, ma kēia wā aku, ʻaʻole e hele hou i loko ou, ka mea i ʻoki poepoe ʻole ʻia, a me ka haumia.

KA WĀNANA A ʻISAIA 62:5

No ka mea, e like me ka mare ʻana o ke kanaka ʻōpiopio i ka wahine puʻupaʻa, Pēlā nō e mare ai kāu mau keiki kāne iā ʻoe. E like hoʻi me ka ʻoliʻoli ʻana o ke kāne mare i ka wahine i mare hou ʻia, Pēlā nō e ʻoliʻoli ai kou Akua iā ʻoe.

KA WĀNANA A ʻISAIA 66:10

“E ʻoliʻoli pū nō ʻoukou me Ierusalema, A e hauʻoli pū nō hoʻi me ia, e ka poʻe a pau i aloha aku iā ia; E ʻoliʻoli nui loa iā ia, e ka poʻe a pau i kanikau iā ia.

KA WĀNANA A ʻISAIA 66:14

A ʻike ʻoukou ia, e ʻoliʻoli nō ko ʻoukou naʻau, A e ulu nō ko ʻoukou mau iwi, e like me ka laʻalāʻau; A e ʻike ʻia auaneʻi ka lima o Iēhova, ma luna o kāna poʻe kauā, A me kona ukiuki ma luna o kona poʻe ʻenemi.

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA ʻEUANELIO I KĀKAU ʻIA AI E MATAIO 1:20

A i kona noʻonoʻo ʻana ma ia mau mea, aia hoʻi, ʻike ʻia aku ka ʻānela a ka Haku e ia ma ka moe, ʻī maila, “E Iosepa, e ka mamo a Dāvida, mai makaʻu ʻoe ke lawe iā Maria i wahine nāu; no ka mea, ua hāpai ʻo ia na ka ʻUhane Hemolele.

KA ʻEUANELIO I KĀKAU ʻIA AI E MATAIO 22:2

“Ua like ke aupuni o ka lani me kekahi aliʻi nāna i hoʻomākaukau ka ʻahaʻaina no kāna keiki.

KA ʻEUANELIO I KĀKAU ʻIA AI E LUKA 12:36

“A e hoʻolike hoʻi ʻoukou me ka poʻe kānaka e kali ana i ko lākou haku, ke hoʻi mai ia mai ka ʻahaʻaina mare mai, e hiki iā lākou ke wehe koke iā ia i kona hiki ʻana mai a kīkēkē.

KA ʻEUANELIO I KĀKAU ʻIA AI E IOANE 3:29

“ʻO ka mea nāna ka wahine mare, ʻo ke kāne mare ia; akā, ʻo ka hoaaloha o ke kāne mare e kū ana, a e hoʻolohe ana iā ia, ʻo ia ke ʻoliʻoli nui i ka leo o ke kāne mare. Ua loaʻa hoʻi iaʻu kēia ʻoliʻoli.

ʻO KA ʻEPISETOLE LUA A PAULO KA LUNAʻŌLELO I KO KORINETO 11:2

Ke minamina nei au iā ʻoukou me ka minamina o ke Akua; no ka mea, ua hoʻopalau akula au iā ʻoukou na ke kāne hoʻokahi, i hāʻawi aku ai iā ʻoukou i wahine puʻupaʻa hala ʻole na Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 5:23

No ka mea, ʻo ke kāne ke poʻo o ka wahine, e like me Kristo ke poʻo o ka ʻekalesia; a ʻo ia hoʻi ke Ola no ke kino.

ʻO KA ʻEPISETOLE A PAULO KA LUNAʻŌLELO I KO ʻEPESO 5:32

He mea pohihihi nui kēia; ke ʻōlelo aku nei au no Kristo a me ka ʻekalesia.

KA BUKE ʻALIMA A MOSE, I KAPA ʻIA KĀNĀWAI LUA 32:43

“E ʻoliʻoli ʻoukou, e nā ʻāina, me kona poʻe kānaka; No ka mea, e uku auaneʻi nō ia i ke koko o kona poʻe kauā, A hoʻopaʻi nō ia i kona poʻe ʻenemi,’ A e hoʻōla nō ia i ka ʻāina o kona poʻe kānaka.”

ʻO KA ʻEPISETOLE A PAULO KA LUNAʻŌLELO I KO PILIPI 3:3

No ka mea, ʻo kākou ka poʻe i ʻoki poepoe ʻia, ka poʻe hoʻomana i ke Akua me ka naʻau, me ka hauʻoli iā Kristo Iesū, ʻaʻole nō e paulele i ko ke kino;

KA HŌʻIKE ʻANA A IOANE KA HAIPULE 11:13

Ia hora, nui loa ihola ke ōlaʻi, a hiolo ihola kekahi hapaʻumi o ke kūlanakauhale; a make ihola ʻehiku tausani kānaka i ke ōlaʻi. Makaʻu loa ihola ka poʻe i koe, a hoʻonani akula lākou i ke Akua o ka lani.

KA HŌʻIKE ʻANA A IOANE KA HAIPULE 19:9

ʻĪ maila kēlā iaʻu, “E palapala ʻoe penei, ‘Pōmaikaʻi ka poʻe i hea ʻia i ka ʻahaʻaina mare a ke Keiki Hipa.’” ʻĪ maila kēlā iaʻu, “ʻO ia nō nā ʻōlelo ʻoiaʻiʻo a ke Akua.”

KA HŌʻIKE ʻANA A IOANE KA HAIPULE 21:2

ʻO wau nō ʻo Ioane, ʻike akula au i ka iho ʻana mai o ke kūlanakauhale hoʻāno ʻo Ierusalema hou, mai ke Akua, mai ka lani mai, ua mākaukau, e like me ka wahine mare i kāhiko ʻia no kāna kāne.

KA HŌʻIKE ʻANA A IOANE KA HAIPULE 21:9

¶ Hele maila kekahi o nā ʻānela ʻehiku e paʻa ana i nā hue ʻehiku i piha i nā ʻino hope loa ʻehiku, a kamaʻilio mai iaʻu, ʻī maila, “E hele mai, a e hōʻike aku au iā ʻoe i ka wahine mare, ʻo ka wahine hoʻi a ke Keiki Hipa.”

KA BUKE MUA A SAMUʻELA 2:1

¶ Pule akula ʻo Hana, ʻī akula: “ʻO koʻu naʻau ke hauʻoli nei i loko o Iēhova; ʻO koʻu pepeiaohao ua hoʻokiʻekiʻe ʻia i loko o Iēhova. ʻO koʻu waha ua hoʻākea ʻia ma luna o koʻu poʻe ʻenemi, No ka mea, ke hauʻoli nei au i loko o kou ola.