KA HŌʻIKE ʻANA A IOANE KA HAIPULE 19:6 - Ka Baibala Hemolele

⁶ A lohe akula au i ka leo o kekahi poʻe nui loa, a ua like hoʻi me ka halulu ʻana o nā wai he nui, a me ka halulu ʻana o nā hekili ikaika loa, ʻī aʻela, “Haleluia; no ka mea, ke hoʻomalu nei ka Haku ko kākou Akua Mana Loa i ke aupuni.”

KA HŌʻIKE ʻANA A IOANE KA HAIPULE 19:6 Iomraidhean Croise

KA BUKE NO IOBA 40:9

“He lima anei kou e like me ko ke Akua? E hiki anei iā ʻoe ke hoʻohekili me ka leo e like me kona?

KA BUKE O NĀ HALELŪ 47:2

No ka mea, he mea e weliweli ai ʻo Iēhova ka Mea Kiʻekiʻe Loa; He Aliʻi Nui ia ma luna o ka honua a pau.

KA BUKE O NĀ HALELŪ 47:7

No ka mea, ʻo ke Akua ke Aliʻi o ka honua a pau; E hoʻoleʻa aku ʻoukou me ka naʻauao.

KA BUKE O NĀ HALELŪ 77:18

Ma loko o ka puahiohio ka leo o kou hekili; Hoʻomālamalama maila nā uila i ka honua; Naue ihola ka honua me ka haʻalulu.

KA BUKE O NĀ HALELŪ 93:1

¶ Ke noho aupuni nei ʻo Iēhova, Ua kāhiko ʻia ʻo ia i ka hanohano; Ua kāhiko ʻia ʻo Iēhova i ka ikaika, Ua kākoʻo nō ʻo ia iā ia iho; Ua hoʻokumupaʻa loa ʻia ke ao nei, ʻAʻole ia e hoʻonāueue ʻia.

KA BUKE O NĀ HALELŪ 97:1

¶ Ke noho aupuni nei ʻo Iēhova, e hauʻoli mai ka honua; E ʻoliʻoli hoʻi ka lehulehu o kona mau mokupuni.

KA BUKE O NĀ HALELŪ 97:12

E ka poʻe pono, e hauʻoli ʻoukou iā Iēhova; A e hoʻōho hauʻoli hoʻi i ka hoʻomanaʻo ʻana i kona pono.

KA BUKE O NĀ HALELŪ 99:1

¶ Ke noho aliʻi nei ʻo Iēhova, e haʻalulu mai nā kānaka; Ke noho nei ʻo ia i waena o nā kerubima, e nāueue ka honua!

KA WĀNANA A ʻISAIA 52:7

¶ Nani wale hoʻi ma nā mauna, nā wāwae o ka mea haʻi i ka ʻeuanelio, Ka Mea hoʻolaha i ka malu, Ka Mea haʻi i ka ʻeuanelio maikaʻi, Ka Mea hōʻikeʻike i ke ola, Ka Mea ʻōlelo iā Ziona, “Ke mālama aupuni nei kou Akua!”

KA WĀNANA A IEREMIA 51:48

“A laila e hoʻokani ʻoliʻoli ai ka lani, a me ka honua, a me nā mea a pau o loko, no Babulona; No ka mea, mai ke kūkulu ʻākau mai e hele mai ai i ona lā ka poʻe hao wale,” wahi a Iēhova.

KA WĀNANA A ʻEZEKIʻELA 1:24

A i ko lākou hele ʻana, lohe akula au i ka halulu ʻana o ko lākou mau ʻēheu e like me ka halulu ʻana o nā wai he nui nō, me he leo lā o ka Mea Mana Loa; ka leo o ka halulu e like me ka leo o ka pūʻali kaua; a kū lākou, kuʻu ihola lākou i ko lākou mau ʻēheu i lalo.

KA WĀNANA A ʻEZEKIʻELA 43:2

aia hoʻi, hele maila ka nani o ke Akua o kā ʻIseraʻela mai ka ʻaoʻao hikina mai; a ʻo kona leo, ua like ia me ka halulu ʻana o nā wai he nui; a ʻālohilohi aʻela ka honua i kona nani.

KA ʻEUANELIO I KĀKAU ʻIA AI E MATAIO 6:13

‘Mai hoʻokuʻu ʻoe iā mākou i ka hoʻowalewale ʻia mai; e hoʻopakele nō naʻe iā mākou i ka ʻino. No ka mea, nou ke aupuni, a me ka mana, a me ka hoʻonani ʻia, a mau loa aku. ʻĀmene.’

KA HŌʻIKE ʻANA A IOANE KA HAIPULE 1:15

A ʻo kona mau wāwae, ua like me ke keleawe melemele maikaʻi, me he mea lā e lapalapa ana i ka umu ahi; a ʻo kona leo hoʻi, ua like me ka halulu ʻana o nā wai he nui.

KA HŌʻIKE ʻANA A IOANE KA HAIPULE 1:8

¶ Ke ʻī mai nei ka Haku, “ʻO wau nō ka ʻAlepa a me ka ʻOmega, ke Kumu a me ka Wēlau, ka Mea e noho ana, ka Mea ma mua hoʻi, ʻo ka Mea e hiki mai ana nō, ʻo ka Mea Mana Loa.”

KA HŌʻIKE ʻANA A IOANE KA HAIPULE 12:10

A lohe akula au i ka leo nui ma ka lani, ʻī aʻela, “Ua hiki maila ke ola, a me ka mana, a me ke aupuni o ko kākou Akua, a me ka mana o kona Kristo; no ka mea, ua kipaku ʻia akula ka mea hōʻino i ko kākou poʻe hoahānau, ka mea nāna lākou i hōʻino i ka pō a me ke ao, i mua o ke Akua.

KA HŌʻIKE ʻANA A IOANE KA HAIPULE 14:2

A lohe akula au i ka leo, mai ka lani mai, e like me ka halulu ʻana o nā waikahe he nui, a e like me ka halulu ʻana o ka hekili nui; a ʻo ka leo aʻu i lohe ai, ua like me ka hoʻokani ʻana a ka poʻe i hoʻokani ma ko lākou mau lira.

KA HŌʻIKE ʻANA A IOANE KA HAIPULE 19:1

¶ A ma hope iho o kēia mau mea, lohe akula au i ka leo nui o ke anaina nui loa ma ka lani, e ʻōlelo ana, “Haleluia; ke ola a me ka hanohano a me ka nani a me ka mana, i ka Haku ko kākou Akua.

KA HŌʻIKE ʻANA A IOANE KA HAIPULE 19:4

Moe ihola nā lunakahiko, he iwakāluakumamāhā, a me nā mea ola ʻehā, a hoʻomana akula i ke Akua, i ka mea e noho ana ma luna o ka noho aliʻi, ʻī aʻela, “ʻĀmene; Haleluia!”

KA HŌʻIKE ʻANA A IOANE KA HAIPULE 21:22

ʻAʻole au i ʻike aku he luakini ma loko ona; no ka mea, ʻo ka Haku ʻo ke Akua Mana Loa, a me ke Keiki Hipa, ʻo ia ko laila luakini.

KA HŌʻIKE ʻANA A IOANE KA HAIPULE 4:5

ʻAnapu maila ka uila mai ka noho aliʻi mai, a me ka hekili, a me nā leo. ʻEhiku hoʻi ipukukui ahi e ʻaʻā ana i mua o ka noho aliʻi, ʻo ia hoʻi nā ʻUhane ʻehiku o ke Akua.

KA HŌʻIKE ʻANA A IOANE KA HAIPULE 6:1

¶ Nānā akula au, a ʻākaʻa aʻela ke Keiki Hipa i ka mua o nā wepa ʻehiku, a lohe ihola au i kekahi o nā mea ola ʻehā, e ʻōlelo ana, e like me ka halulu hekili, “E hele mai e ʻike.”

KA HŌʻIKE ʻANA A IOANE KA HAIPULE 8:5

Lawe aʻela ka ʻānela i ka ipu ʻala a hahao ihola a piha i ke ahi o ke kuahu, a kiola ihola i lalo i ka honua; a laila puka maila nā leo, a me nā hekili, a me nā uila, a me ke ōlaʻi.