KA HŌʻIKE ʻANA A IOANE KA HAIPULE 19:18 - Ka Baibala Hemolele

¹⁸ i ʻai ʻoukou i ka ʻiʻo o nā aliʻi, a me ka ʻiʻo o nā luna tausani, a me ka ʻiʻo o ka poʻe ikaika, a me ka ʻiʻo o nā lio, a me ko ka poʻe i noho i luna iho o lākou, a me ka ʻiʻo o nā mea a pau, ʻo nā haku, a me ko nā kauā, a me ko ka poʻe liʻiliʻi, a me ko ka poʻe nui.”

KA HŌʻIKE ʻANA A IOANE KA HAIPULE 19:18 Iomraidhean Croise

KA WĀNANA A IEREMIA 16:4

“E make māinoino lākou, ʻaʻole lākou e kanikau ʻia, ʻaʻole hoʻi lākou e kanu ʻia; akā, e lilo lākou i lepo ma luna o ka ʻāina; a e hoʻopau ʻia nō lākou i ka pahi kaua, a i ka wī; a e lilo ko lākou kupapaʻu i mea ʻai na nā manu o ka lani, a na nā holoholona o ka honua.”

KA WĀNANA A IEREMIA 19:7

“A e hoʻōki aku au ma kēia wahi i ka manaʻo akamai o kā Iuda, a me Ierusalema; a naʻu nō lākou e hoʻohina i ka pahi kaua, i mua o ko lākou poʻe ʻenemi, a i ka lima hoʻi o ka poʻe i ʻimi i ko lākou ola. A e hāʻawi nō wau i ko lākou kupapaʻu i mea ʻai, na nā manu o ka lani, a na nā holoholona o ka honua.

KA WĀNANA A IEREMIA 34:20

e hāʻawi nō wau iā lākou i loko o ka lima o ko lākou poʻe ʻenemi, a i loko o ka lima o ka poʻe e ʻimi ana i ko lākou ola. A e lilo nō ko lākou kupapaʻu i mea ʻai na nā manu o ka lani, a na nā holoholona o ka honua.

KA WĀNANA A IEREMIA 7:33

“A e lilo nā kupapaʻu o kēia poʻe kānaka i mea ʻai na nā manu o ka lani, a na nā holoholona o ka honua, ʻaʻohe mea hoʻoweliweli iā lākou.

KA WĀNANA A ʻEZEKIʻELA 29:5

“A e waiho aku au iā ʻoe i loko o ka wao nahele, Iā ʻoe a me nā iʻa a pau o kou mau Muliwai, A e hāʻule ʻoe ma ka ʻāina ma waho; ʻAʻole ʻoe e hoʻākoakoa ʻia, ʻaʻole hoʻi e hōʻuluʻulu ʻia; Ua hāʻawi aku au iā ʻoe i ʻai Na nā holoholona o ke kula, A me nā manu o ka lewa.

KA WĀNANA A ʻEZEKIʻELA 39:17

¶ “A ʻo ʻoe, e ke keiki a ke kanaka, ke ʻī mai nei Iēhova ka Haku, penei, ‘E ʻōlelo aku i nā manu o kēlā ʻēheu kēia ʻēheu, a me nā holoholona a pau o ke kula, “E ʻākoakoa ʻoukou a e haele mai, e hōʻuluʻulu ʻoukou iā ʻoukou iho a puni i kaʻu mōhai, aʻu e kaumaha ai no ʻoukou, he mōhai nui ma luna o nā mauna o kā ʻIseraʻela, e ʻai ʻoukou i ka ʻiʻo a e inu hoʻi i ke koko.

KA ʻEUANELIO I KĀKAU ʻIA AI E MATAIO 24:28

“No ka mea, i kahi e waiho ai ka heana, i laila nō e ʻākoakoa ai nā ʻaeto.

KA ʻEUANELIO I KĀKAU ʻIA AI E LUKA 17:37

A nīnau akula lākou, ʻī akula iā ia, “Ai hea, e ka Haku?” ʻĪ maila hoʻi ʻo ia iā lākou, “A i ka wahi e waiho ai ke kino, i laila nā ʻaeto e ʻākoakoa ai.”

KA BUKE ʻALIMA A MOSE, I KAPA ʻIA KĀNĀWAI LUA 28:26

“A e lilo kou heana i mea ʻai na nā manu o ka lewa, a me nā holoholona o ka honua, ʻaʻohe mea e hoʻomakaʻu aku.

KA HŌʻIKE ʻANA A IOANE KA HAIPULE 11:18

“Ua huhū akula ko nā ʻāina, a ua hiki mai kou inaina, a me ka manawa o ka poʻe make, i hoʻokolokolo ʻia lākou, a i hāʻawi ʻia nō hoʻi ka uku no kāu poʻe kauā, no ka poʻe kāula, a me ka poʻe haipule, a me ka poʻe i makaʻu i kou inoa, no ka poʻe liʻiliʻi, a no ka poʻe nui; i luku mai ʻoe i ka poʻe nāna i luku i ko ka honua.”

KA HŌʻIKE ʻANA A IOANE KA HAIPULE 13:16

Nāna nō i hana aku i ka poʻe ʻuʻuku a me ka poʻe nui, i ka poʻe waiwai a me ka poʻe hune, i ka poʻe paʻa ʻole, a me ka poʻe paʻa, e hāʻawi iā lākou i hōʻailona ma ko lākou lima ʻākau, a i ʻole ia, ma ko lākou lae;

KA HŌʻIKE ʻANA A IOANE KA HAIPULE 17:16

“A ʻo nā pepeiaohao he ʻumi āu i ʻike ai, a me ka holoholona, e huhū lākou nei i ka wahine hoʻokamakama, a e hao lākou iā ia, a e hele wale ʻo ia, a e ʻai hoʻi lākou i kona ʻiʻo, a e puhi aku iā ia i ke ahi.

KA HŌʻIKE ʻANA A IOANE KA HAIPULE 19:5

A puka maila ka leo, mai ka noho aliʻi mai, ʻī maila, “E hoʻonani ʻoukou i ko kākou Akua, e nā kauā āna a pau, a me ka poʻe e makaʻu iā ia, ʻo ka poʻe liʻiliʻi, a me ka poʻe nui.”

KA HŌʻIKE ʻANA A IOANE KA HAIPULE 6:15

A ʻo nā aliʻi o ka honua, a me nā mea kiʻekiʻe, a me nā luna tausani, a me ka poʻe waiwai, a me ka poʻe ikaika, ʻo nā kauā a pau, a me nā haku a pau, peʻe lākou i loko o nā ana a me nā pōhaku o nā kuahiwi;

KA BUKE MUA A SAMUʻELA 17:44

ʻĪ maila ka Pilisetia iā Dāvida, “E hele mai i oʻu nei, a e hāʻawi aku au i kou ʻiʻo i nā manu o ka lewa, a me nā holoholona o ke kula!”

KA BUKE MUA A SAMUʻELA 17:46

“I kēia lā, e hāʻawi mai ʻo Iēhova iā ʻoe i loko o kuʻu lima, a e pepehi aku au iā ʻoe, a e lawe aku au i kou poʻo mai ou aku lā; a e hāʻawi aku au i kēia lā i nā kupapaʻu o ko Pilisetia poʻe kaua na nā manu o ka lewa, a na nā holoholona o ka honua; i ʻike ai ko ka honua a pau, he Akua nō i loko o kā ʻIseraʻela.