KA HŌʻIKE ʻANA A IOANE KA HAIPULE 19:15 - Ka Baibala Hemolele

¹⁵ A puka maila, mai loko mai o kona waha, he pahi kaua ʻoi, i mea e hahau ai i ko nā ʻāina; a e hoʻomalu ʻo ia iā lākou me ke koʻokoʻo hao. A nāna nō e hahi i ka lua waina o ka ukiuki o ka inaina o ke Akua Mana Loa.

KA HŌʻIKE ʻANA A IOANE KA HAIPULE 19:15 Iomraidhean Croise

KA BUKE O NĀ HALELŪ 2:9

‘E uhaʻi ʻoe iā lākou me ke koʻokoʻo hao; E ʻulupā hoʻi ʻoe iā lākou me he ipu lepo lā.’”

KA WĀNANA A ʻISAIA 11:4

E hoʻopono ʻo ia i ka poʻe nāwaliwali, ma ka pololei, Ma ka pono nō hoʻi ia e kōkua ai i ka mea pōpilikia o ka honua; E hahau nō ʻo ia i ka honua i ka lāʻau o kona waha, A e luku nō hoʻi ia i ka poʻe hewa, i ka hā ʻana o kona mau lehelehe.

KA WĀNANA A ʻISAIA 30:33

No ka mea, ua hoʻomākaukau kahiko ʻia ʻo Topeta, No ke aliʻi hoʻi ia i hoʻomākaukau ʻia ai; Ua hana ʻo ia ia wahi a hohonu, a ua nui hoʻi; He wahi ahi, a ua nui hoʻi ka wahie, Na ka hanu nō o Iēhova e hoʻā iho, E like me ka luaʻi pele e kahe ana.

IOʻELA 3:13

E hoʻokomo ʻoukou i ka pahi kākiwi, No ka mea, ua oʻo ka ʻai; E hele mai ʻoukou, e iho i lalo; No ka mea, ua piha ke kaomi waina, ua piha a hū i waho nā waihona waina; No ka mea, ua nui ko lākou hewa.

MALAKI 4:6

“A e hoʻohuli aʻe ʻo ia i ka naʻau o nā mākua i nā keiki, a me ka naʻau o nā keiki i nā mākua, o hele aku paha auaneʻi au, a hahau i ka honua i ka hōʻino ʻana.”

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:8

A laila, e hōʻike ʻia mai ua hewa lā, ʻo kā ka Haku ia e kinai aku ai me ka hā o kona waha, a e luku ai hoʻi me ka ʻōlinolino nui o kona hiki ʻana mai.

KA HŌʻIKE ʻANA A IOANE KA HAIPULE 1:16

Ua paʻa hoʻi i loko o kona lima ʻākau nā hōkū ʻehiku; a puka akula ma waho o kona waha he pahi kaua maka lua, ʻoi loa; a ʻo kona helehelena, ua like ia me ka lā e lilelile ana i kona ikaika.

KA HŌʻIKE ʻANA A IOANE KA HAIPULE 12:5

Hānau maila ʻo ia, he keiki kāne, he mea e hoʻomalu i nā lāhui kanaka a pau me ke koʻokoʻo hao. Ua kāʻili ʻia akula kāna keiki i luna i ke Akua a ma kona noho aliʻi.

KA HŌʻIKE ʻANA A IOANE KA HAIPULE 14:10

e inu ʻo ia i ka waina o ko ke Akua ukiuki, i ukuhi ʻia i loko o ke kīʻaha o kona inaina, ʻaʻohe mea e mānanalo ai. A e hoʻomāinoino ʻia ʻo ia, i ke ahi a me ka luaʻi pele, i mua o nā ʻānela hoʻāno a i mua o ke Keiki Hipa.

KA HŌʻIKE ʻANA A IOANE KA HAIPULE 19:21

A pepehi ʻia ihola ke koena i ka pahi kaua o ka mea e noho ana i ka lio, i ka mea i puka aku mai loko aku o kona waha. A māʻona ihola nā manu a pau i ko lākou ʻiʻo.

KA HŌʻIKE ʻANA A IOANE KA HAIPULE 2:12

¶ “E palapala aku ʻoe i ka ʻānela o ka ʻekalesia ma Peregamo: Ke ʻī mai nei ka Mea nāna ka pahi kaua ʻoi lua, penei:

KA HŌʻIKE ʻANA A IOANE KA HAIPULE 2:16

‘No laila, e mihi ʻoe; a i ʻole, ʻeā, e hele koke aku au i ou lā, a e kaua aku iā lākou, me ka pahi kaua o kuʻu waha.

KA HŌʻIKE ʻANA A IOANE KA HAIPULE 2:27

a e hoʻomalu nō ʻo ia iā lākou me ke koʻokoʻo hao; me nā ipu lepo e ʻulupā ʻia ai lākou»; e like me kaʻu i loaʻa mai ai i koʻu Makua.