KA HŌʻIKE ʻANA A IOANE KA HAIPULE 18:9 - Ka Baibala Hemolele

⁹ “A ʻo nā aliʻi o ka honua, ka poʻe i moekolohe me ia, a i noho pū me ka pākela leʻaleʻa, e uē lākou a e kanikau iā ia, i ka wā a lākou e ʻike aku ai i ka uahi o kona ʻaʻā ʻana;

KA HŌʻIKE ʻANA A IOANE KA HAIPULE 18:9 Iomraidhean Croise

KA BUKE MUA A MOSE, I KAPA ʻIA KINOHI 19:28

Nānā akula ia ma Sodoma a me Gomora, a ma ka ʻāina pāpū a pau, ʻike akula ia, aia hoʻi, piʻi aʻela ka uahi o ia ʻāina i luna, e like me ka pūnohu o ka lua ahi.

KA BUKE O NĀ HALELŪ 58:10

¶ E hauʻoli ka mea pono i kona ʻike ʻana i ka hoʻopaʻi ʻana; E holoi ʻo ia i kona mau kapuaʻi i ke koko o ka mea hewa.

KA WĀNANA A ʻISAIA 13:19

ʻO Babulona, ka mea nani o nā aupuni, Ka mea e hanohano ai, a e kaena ai hoʻi ʻo Kaledea, E like auaneʻi ia me Sodoma a me Gomora, Nā mea a ke Akua i hoʻokahuli ai.

KA WĀNANA A ʻISAIA 30:33

No ka mea, ua hoʻomākaukau kahiko ʻia ʻo Topeta, No ke aliʻi hoʻi ia i hoʻomākaukau ʻia ai; Ua hana ʻo ia ia wahi a hohonu, a ua nui hoʻi; He wahi ahi, a ua nui hoʻi ka wahie, Na ka hanu nō o Iēhova e hoʻā iho, E like me ka luaʻi pele e kahe ana.

KA WĀNANA A IEREMIA 50:40

“Me kā ke Akua i hoʻohiolo ai iā Sodoma a me Gomora, A me kona mau wahi e kokoke mai ana,” wahi a Iēhova; “Pēlā nō, ʻaʻole e noho kekahi kanaka ma laila, ʻAʻole e hoʻomoana ke keiki a ke kanaka ma loko o ia wahi.

KA WĀNANA A IEREMIA 50:46

Nāueue nō ka honua “I ka halulu no ke pio ʻana o Babulona,” ua lohea kona uē ʻana ma nā ʻāina ʻē.

KA WĀNANA A IEREMIA 51:8

Ua hāʻule hoʻohikilele ʻo Babulona, a ua ʻānai ʻia; E ʻaoa nona, e kiʻi hoʻi i wahi nini no kona ʻeha, Inā paha e hoʻōla ʻia ʻo ia.

KA WĀNANA A ʻEZEKIʻELA 27:35

‘E makaʻu aku iā ʻoe ka poʻe a pau e noho ana ma nā mokupuni, A e weliweli loa ko lākou mau aliʻi, A e piʻoloke lākou ma ko lākou mau maka.

KA BUKE NO DANIʻELA 4:14

‘Kāhea maila ʻo ia me ka leo nui, a penei hoʻi kāna ʻōlelo ʻana, “E kua aku i ka lāʻau, a e ʻokiʻoki i kona mau lālā, E lūlū aku i kona lau, a e hoʻoheleleʻi hoʻi i kona hua; E haʻalele nā holoholona i kona malu, A me nā manu hoʻi i kona mau lālā.

KA BUKE ʻALIMA A MOSE, I KAPA ʻIA KĀNĀWAI LUA 29:23

‘E lilo ka ʻāina a pau i luaʻi pele a me ka paʻakai ʻaʻā, ʻaʻole i lūlū ʻia, ʻaʻole i hua mai, ʻaʻole i kupu mai kekahi mea uliuli, e like me ka luku ʻana iā Sodoma a me Gomora, a me ʻAdema a me Zeboima, a Iēhova i luku ai no kona inaina, a me kona huhū.’

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:11

Akā, e hōʻole aku i nā wāhine kāne make ʻōpiopio; no ka mea, i ka wā e lilo ai lākou i ka leʻaleʻa e kūʻē iā Kristo, e mare nō lākou;

KA HŌʻIKE ʻANA A IOANE KA HAIPULE 14:11

“Piʻi aʻela ka uahi o ko lākou hoʻomāinoino ʻia, ia ao aku ia ao aku; ʻaʻole ʻoluʻolu iki, i ke ao a me ka pō, ka poʻe i hoʻomana i ka holoholona a me kona kiʻi, a ʻo nā mea hoʻi a pau i loaʻa ka hōʻailona o kona inoa.”

KA HŌʻIKE ʻANA A IOANE KA HAIPULE 17:2

“Me ia nō i moekolohe ai nā aliʻi o ka honua, a ua ʻona hoʻi ka poʻe e noho lā ma ka honua i ka waina o kona moekolohe ʻana.”

KA HŌʻIKE ʻANA A IOANE KA HAIPULE 18:18

a ʻike lākou i ka uahi o kona ʻaʻā ʻana, hea akula lākou, ʻī akula, ‘He aha ka mea like me kēia kūlanakauhale nui?’

KA HŌʻIKE ʻANA A IOANE KA HAIPULE 18:20

“E ka lani, e hauʻoli ʻoe ma luna ona, ʻo ʻoukou hoʻi, e ka poʻe lunaʻōlelo hemolele, a me nā kāula; no ka mea, ua hoʻohewa ke Akua iā ia no ʻoukou.”

KA HŌʻIKE ʻANA A IOANE KA HAIPULE 18:3

“No ka mea, ua inu nō ko nā ʻāina a pau i ka waina o ka ukiuki o kona moekolohe ʻana, a ua moekolohe pū me ia nā aliʻi o ka honua nei, a ua waiwai loa ka poʻe kālepa o ka honua, no ka nui loa o kona noho leʻaleʻa ʻana.”

KA HŌʻIKE ʻANA A IOANE KA HAIPULE 18:7

“E like me ka nui o kona hoʻonani ʻana iā ia iho, a me kona noho ʻana ma ka leʻaleʻa nui, pēlā e hāʻawi aku ai iā ia i ka ʻeha a me ka uē ʻana; no ka mea, ua ʻōlelo ʻo ia i loko o kona naʻau, ‘«Ke noho nei au he aliʻi wahine, ʻaʻole au he wahine kāne make», ʻaʻole hoʻi au e ʻike i ka uē ʻana.’

KA HŌʻIKE ʻANA A IOANE KA HAIPULE 19:3

ʻŌlelo hou ihola lākou, “Haleluia! «A piʻi mau akula kona uahi i luna ia ao aku, ia ao aku».”

KA HŌʻIKE ʻANA A IOANE KA HAIPULE 2:22

‘Aia hoʻi, e kiola ana au iā ia i kahi moe, a me ka poʻe i moekolohe me ia, i loko ka māinoino nui, ke mihi ʻole lākou i kā lākou hana ʻana.