KA HŌʻIKE ʻANA A IOANE KA HAIPULE 18:4 - Ka Baibala Hemolele

⁴ ¶ A lohe hou akula au i kekahi leo, mai ka lani mai, e ʻōlelo ana, “E koʻu poʻe kānaka, e hele mai ʻoukou ma waho ona, i ʻole ʻoukou e lilo i mau hoa lawe pū i kona hewa, a i loaʻa ʻole iā ʻoukou kona mau pilikia.

KA HŌʻIKE ʻANA A IOANE KA HAIPULE 18:4 Iomraidhean Croise

KA BUKE MUA A MOSE, I KAPA ʻIA KINOHI 19:14

Hele akula ʻo Lota i waho, ʻōlelo akula i kona mau hūnōna kāne i mare me nā kaikamāhine āna, ʻī akula, “E ala aʻe, e holo aku i waho o kēia wahi; no ka mea, e luku mai ana ʻo Iēhova i nēia kūlanakauhale.” Akā, ua like ia i ka manaʻo o nā hūnōna kāne me ka mea hoʻomāʻewaʻewa.

KA BUKE O NĀ HALELŪ 50:18

“A i kou wā i ʻike ai i ka ʻaihue, ua ʻae pū ʻoe me ia; Ua lawe pū ʻoe me nā mea moekolohe.

KA WĀNANA A ʻISAIA 48:20

¶ Ō haele ʻoukou ma waho o Babulona, E holo ʻoukou, mai ko Kaledea aku, Me ka leo o ke ʻoli, e haʻi aku, e hoʻokaulana i kēia, E hoʻolaha aku a i nā kūkulu o ka honua; E ʻī aku, “Ua hoʻōla pānaʻi ʻo Iēhova i kā Iakoba, kāna kauā.”

KA WĀNANA A ʻISAIA 52:11

¶ E hele ʻoukou ma waho, e hele ʻoukou ma waho, e puka aku ma waho o laila, Mai pā aku i ka mea haumia; E puka aku mai loko aku ona; E hoʻohuikala ʻoukou iā ʻoukou, e ka poʻe halihali i nā ipu o Iēhova.

KA WĀNANA A IEREMIA 50:8

“E puka aku ʻoukou mai waena aku o Babulona, A e hele aku hoʻi ma waho o ka ʻāina o ko Kaledea, E like hoʻi ʻoukou me nā kao kāne i mua o ka poʻe kao.

KA WĀNANA A IEREMIA 51:45

¶ “E koʻu poʻe kānaka, e hele ʻoukou mai waena aku ona, A e hoʻopakele kēlā kanaka kēia kanaka i kona ola iho, Mai ka ukiuki nui o Iēhova;

KA WĀNANA A IEREMIA 51:50

E hele ʻoukou, e ka poʻe i pakele i ka pahi kaua, Mai kū mālie; e hoʻomanaʻo iā Iēhova ma kahi lōʻihi aku, E hoʻomanaʻo hoʻi iā Ierusalema i loko o ko ʻoukou naʻau.

KA WĀNANA A IEREMIA 51:6

E holo ʻoukou mai waenakonu aku o Babulona, E hoʻopakele kēlā kanaka kēia kanaka i kona ola iho; Mai noho ʻoukou a luku ʻia i loko o kona hewa; No ka mea, ʻo ka manawa kēia o ko Iēhova ukiuki; Nāna nō e hoʻouku aku iā ia.

KA WĀNANA A IEREMIA 51:9

Hoʻōla aku nō mākou iā Babulona, ʻaʻole ia i ola; E haʻalele iā ia, e hele hoʻi kēlā mea kēia mea o kākou i kona ʻāina iho; No ka mea, ua pā aku kona hoʻopaʻi ʻia i ka lani, Ua hāpai ʻia hoʻi, a i nā aouli.

KA ʻEUANELIO I KĀKAU ʻIA AI E MATAIO 23:30

a ke ʻōlelo nei ʻoukou, ‘Inā mākou i ola pū i ka wā o kā mākou poʻe kūpuna, ʻaʻole mākou i hoʻokahe pū me lākou i ke koko o ka poʻe kāula.’

ʻO KA ʻEPISETOLE LUA A PAULO KA LUNAʻŌLELO I KO KORINETO 6:17

No laila, ke ʻī maila ka Haku, “«E puka mai ʻoukou mai waena mai o lākou, i kaʻawale ʻoukou; Mai hoʻopā aku hoʻi i ka mea haumia», a e hoʻokipa mai au iā ʻoukou.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:22

Mai kau ālulu i nā lima ma luna iho o kekahi, ʻaʻole hoʻi e komo pū ʻoe i ko haʻi hala. E mālama iā ʻoe iho me ka maʻemaʻe.

ʻO KA ʻEPISETOLE LUA A IOANE 1:11

No ka mea, ʻo ka mea e ʻī aʻe iā ia, aloha; he hoa lawehana ia ma kāna hana ʻino ʻana.