KA HŌʻIKE ʻANA A IOANE KA HAIPULE 18:23 - Ka Baibala Hemolele

²³ ʻaʻole e ʻike hou ʻia i loko ou ka mālamalama o ke kukui; ʻaʻole e lohe hou ʻia i loko ou ka leo o ke kāne mare a me ka wahine mare; no ka mea, ʻo kou poʻe kālepa, he poʻe hanohano lākou o ka honua; no ka mea, ua puni wale ko nā ʻāina a pau i kou kilokilo ʻana.

KA HŌʻIKE ʻANA A IOANE KA HAIPULE 18:23 Iomraidhean Croise

KA BUKE ʻALUA NO NĀ ALIʻI 9:22

A i ka manawa i ʻike ai ʻo Iorama iā Iehu, ʻī akula ia, “He aloha anei, e Iehu?” Nīnau maila ia, “He aha ke aloha i ka manawa i nui loa ai nā hoʻomana kiʻi o Iezebela kou makuahine, a me ka ʻanāʻanā ʻana?”

KA BUKE NO IOBA 21:17

¶ “He pinepine i pio ai ke kukui o ka poʻe hewa, A e hiki koke mai hoʻi ko lākou make ma luna o lākou, A ua hoʻoili mai ia i nā ʻeha ma kona inaina.

NĀ ʻŌLELO AKAMAI A SOLOMONA 24:20

No ka mea, ʻaʻohe uku maikaʻi no ka mea hewa; ʻO ke kukui o ka poʻe hewa, e pio ana nō ia.

KA WĀNANA A ʻISAIA 23:8

¶ ʻO wai ka mea i manaʻo mua i kēia iā Turo, I ka mea i hoʻāliʻi aku iā haʻi? He poʻe aliʻi nō kona poʻe kālepa, A ʻo kona poʻe kūʻai, he poʻe koʻikoʻi nō o ka ʻāina.

KA WĀNANA A ʻISAIA 47:9

“Akā, e kau hoʻohikilele mai nō kēia mau mea ʻelua ma luna ou, ma ka lā hoʻokahi, ʻO ka lilo keiki ʻana, a me ka wahine kāne make ʻana; E kau loa mai nō ia mau mea ma luna ou ma ka ʻoiaʻiʻo maoli, No ka nui o kou kilokilo ʻana, a no ka nui loa o kou hoʻopiʻopiʻo ʻana.

KA WĀNANA A IEREMIA 16:9

No ka mea, penei ka ʻōlelo ʻana mai a Iēhova o nā kaua, ke Akua, o kā ʻIseraʻela, “Aia hoʻi, i mua o ko ʻoukou mau maka, a i ko ʻoukou mau lā hoʻi, e hoʻōki aku au mai kēia wahi aku, i ka leo o ka ʻoliʻoli, a i ka leo o ka hauʻoli, i ka leo o ke kāne mare, a i ka leo o ka wahine mare.

KA WĀNANA A IEREMIA 25:10

‘A e lawe nō wau, mai o lākou aku, i ka leo o ka ʻoliʻoli, a me ka leo o ka hauʻoli, i ka leo o ke kāne mare, a me ka leo o ka wahine mare, i ke kani ʻana o nā pōhaku kaʻa palaoa, a me ka mālamalama o ke kukui.

KA WĀNANA A IEREMIA 7:34

“A laila, ma loko o nā kūlanakauhale o kā Iuda, a ma nā alanui o Ierusalema, e hoʻōki nō wau i ka leo o ke ʻoli, a me ka leo o ka hauʻoli, a me ka leo o ke kāne mare, a me ka leo o ka wahine mare; a e neoneo auaneʻi ka ʻāina.

NAHUMA 3:4

No ka nui o nā moekolohe ʻana o ka wahine maikaʻi hoʻokamakama, Nona nā ʻanāʻanā, Ka mea kūʻai i nā lāhui kanaka ma kona moekolohe ʻana, A me nā ʻohana, ma kona mau ʻanāʻanā ʻana.

NĀ ʻOIHANA A KA POʻE LUNAʻŌLELO 8:11

Mālama nō lākou i kāna; no ka mea, lōʻihi ka manawa i hoʻopilihua ai ʻo ia iā lākou i ke kilokilo ʻana.

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 17:2

“Me ia nō i moekolohe ai nā aliʻi o ka honua, a ua ʻona hoʻi ka poʻe e noho lā ma ka honua i ka waina o kona moekolohe ʻana.”

KA HŌʻIKE ʻANA A IOANE KA HAIPULE 17:5

A ua palapala ʻia ka inoa ma kona lae, ka mea huna, “BABULONA NUI, KA MAKUAHINE O NĀ WĀHINE HOʻOKAMAKAMA A ME NĀ MEA HOʻOPAILUA O KA HONUA.”

KA HŌʻIKE ʻANA A IOANE KA HAIPULE 18:22

“ʻAʻole hoʻi e lohe hou ʻia ma loko ou ka leo o ka poʻe hoʻokanikani, a me ka poʻe hīmeni, a me ka poʻe hōkiokio a me ka poʻe puhi pū; ʻaʻole hoʻi e loaʻa hou aku ma loko ou kekahi kahuna o kekahi hana; ʻaʻole nō hoʻi e lohe hou ʻia i loko ou ka halulu ʻana o ka pōhaku kaʻa palaoa;

KA HŌʻIKE ʻANA A IOANE KA HAIPULE 18:3

“No ka mea, ua inu nō ko nā ʻāina a pau i ka waina o ka ukiuki o kona moekolohe ʻana, a ua moekolohe pū me ia nā aliʻi o ka honua nei, a ua waiwai loa ka poʻe kālepa o ka honua, no ka nui loa o kona noho leʻaleʻa ʻana.”

KA HŌʻIKE ʻANA A IOANE KA HAIPULE 18:9

“A ʻo nā aliʻi o ka honua, ka poʻe i moekolohe me ia, a i noho pū me ka pākela leʻaleʻa, e uē lākou a e kanikau iā ia, i ka wā a lākou e ʻike aku ai i ka uahi o kona ʻaʻā ʻana;

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.

KA HŌʻIKE ʻANA A IOANE KA HAIPULE 6:15

A ʻo nā aliʻi o ka honua, a me nā mea kiʻekiʻe, a me nā luna tausani, a me ka poʻe waiwai, a me ka poʻe ikaika, ʻo nā kauā a pau, a me nā haku a pau, peʻe lākou i loko o nā ana a me nā pōhaku o nā kuahiwi;

KA HŌʻIKE ʻANA A IOANE KA HAIPULE 9:21

ʻAʻole hoʻi lākou i mihi i ko lākou pepehi kanaka ʻana, ʻaʻole hoʻi i ko lākou pule ʻanāʻanā, ʻaʻole hoʻi i ko lākou moekolohe, ʻaʻole hoʻi i ko lākou ʻaihue.