KA HŌʻIKE ʻANA A IOANE KA HAIPULE 18:21 - Ka Baibala Hemolele

²¹ ¶ Lawe ihola kekahi ʻānela ikaika i ka pōhaku, me he pōhaku kaʻa palaoa nui lā, a kiola akula i ke kai, ʻī akula, “Pēlā e kiola ikaika ʻia aku ai ʻo Babulona, ke kūlanakauhale nui, ʻaʻole hoʻi e loaʻa hou aku.

KA HŌʻIKE ʻANA A IOANE KA HAIPULE 18:21 Iomraidhean Croise

KA BUKE A NEHEMIA 9:11

“Hoʻokaʻawale aʻela nō hoʻi ʻoe i ke kai i mua o lākou, I hele lākou i waenakonu o ke kai ma ka ʻāina maloʻo; A kiola akula ʻoe i ka poʻe e alualu ana iā lākou i loko o ka hohonu, Me he pōhaku lā i loko o nā wai nui.

KA BUKE NO IOBA 20:8

“E like me ka moeʻuhane e lele aku ia, ʻaʻole e loaʻa ʻo ia; A e holo aku ʻo ia e like me ka hihiʻo o ka pō.

KA BUKE O NĀ HALELŪ 37:36

Akā, ua hala akula ia, aia hoʻi, ʻaʻole ihola ia; ʻOiaʻiʻo, ʻimi akula au iā ia, ʻaʻole hoʻi ia i loaʻa.

KA BUKE ʻALUA A MOSE, I KAPA ʻIA PUKA ʻANA 15:5

“Ua poʻipū ka hohonu iā lākou; Pohō lākou i lalo me he pōhaku lā.

KA WĀNANA A ʻEZEKIʻELA 26:21

‘E hoʻolilo au iā ʻoe i mea e weliweli ai, a, e ʻole aku nō ʻoe; a inā e ʻimi ʻia aku ʻoe, ʻaʻole loa ʻoe e loaʻa hou, a mau loa aku,’ wahi a Iēhova ka Haku.”

KA BUKE NO DANIʻELA 11:19

“A laila, e huli aʻela ia i kona maka i nā hūlili o kona ʻāina iho; akā, e ʻōkupe auaneʻi ia a hina i lalo, ʻaʻole hoʻi e ʻike hou ʻia mai.

KA HŌʻIKE ʻANA A IOANE KA HAIPULE 10:1

¶ ʻIke akula au i kekahi ʻānela hou, ikaika loa, e iho ana, mai ka lani mai, ua ʻaʻahu ʻia i ke ao; a he ānuenue ma kona poʻo, ua like hoʻi kona maka me ka lā, a ʻo kona mau wāwae me nā kia ahi.

KA HŌʻIKE ʻANA A IOANE KA HAIPULE 12:8

ʻaʻole hoʻi i lanakila aku, ʻaʻole hoʻi i loaʻa iā ia kahi e noho hou ai ma ka lani.

KA HŌʻIKE ʻANA A IOANE KA HAIPULE 16:20

Holo akula nā mokupuni a pau, ʻaʻole hoʻi i ʻike hou ʻia nā kuahiwi.

KA HŌʻIKE ʻANA A IOANE KA HAIPULE 18:10

e kū nō lākou ma kahi lōʻihi ʻē aku no ka makaʻu i kona ʻeha, me ka ʻōlelo iho, ‘Auē, auē, ʻo kēlā kūlanakauhale nui, ʻo Babulona, ke kūlanakauhale ikaika! No ka mea, i ka hora hoʻokahi, ua hiki mai kou hoʻopaʻi ʻana.’

KA HŌʻIKE ʻANA A IOANE KA HAIPULE 18:22

“ʻAʻole hoʻi e lohe hou ʻia ma loko ou ka leo o ka poʻe hoʻokanikani, a me ka poʻe hīmeni, a me ka poʻe hōkiokio a me ka poʻe puhi pū; ʻaʻole hoʻi e loaʻa hou aku ma loko ou kekahi kahuna o kekahi hana; ʻaʻole nō hoʻi e lohe hou ʻia i loko ou ka halulu ʻana o ka pōhaku kaʻa palaoa;

KA HŌʻIKE ʻANA A IOANE KA HAIPULE 20:11

¶ ʻIke akula au i ka noho aliʻi keʻokeʻo nui, a me ka Mea e noho ana i luna iho, holo akula ka honua a me ka lani mai kona alo aku; ʻaʻole i loaʻa hou kahi no lāua.

KA HŌʻIKE ʻANA A IOANE KA HAIPULE 5:2

ʻIke akula au i ka ʻānela ikaika, e hea aʻe ana me ka leo nui, “ʻO wai ka mea pono ke wehe i ka buke, a e ʻākaʻa i kona mau wepa?”