KA HŌʻIKE ʻANA A IOANE KA HAIPULE 18:2 - Ka Baibala Hemolele

² Hea maila ia me ka leo nui, ʻī maila, “Ua hāʻule, ua hāʻule ʻo Babulona, ka mea nui, a ua lilo ia i wahi noho ai no nā daimonio, a i wahi paʻa no nā ʻuhane haukaʻe a pau, a i hale e paʻa ai nā manu haumia a hoʻopailua a pau.

KA HŌʻIKE ʻANA A IOANE KA HAIPULE 18:2 Iomraidhean Croise

KA WĀNANA A ʻISAIA 14:23

“E hoʻoili aku au ia wahi no ke kipoda, a e lilo hoʻi ia i kiʻo wai; a e kāhili aku au ia me ke kāhili o ka make,” wahi a Iēhova o nā kaua.

KA WĀNANA A IEREMIA 25:30

¶ “A e wānana kūʻē ʻoe iā lākou i kēia mau ʻōlelo a pau, a e ʻōlelo iā lākou, ‘E uō mai nō ʻo Iēhova, mai luna mai, A e hāʻawi mai ʻo ia i kona leo, mai kahi e noho ai kona hemolele mai; E uō nui loa ʻo ia ma luna o kona wahi noho ai; E like me ka poʻe hahi, pēlā nō ʻo ia e hoʻōho ai E kūʻē i ka poʻe e noho lā ma ka honua.

KA WĀNANA A IEREMIA 51:37

“A e lilo ʻo Babulona i mau puʻu, He wahi noho no nā ʻīlio hihiu, He mea e kāhāhā ai, a e hoʻowahāwahā ai hoʻi, Me ka mea ʻole nāna e noho.

KA WĀNANA A IEREMIA 51:8

Ua hāʻule hoʻohikilele ʻo Babulona, a ua ʻānai ʻia; E ʻaoa nona, e kiʻi hoʻi i wahi nini no kona ʻeha, Inā paha e hoʻōla ʻia ʻo ia.

IOʻELA 3:16

E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; A e haʻalulu ka lani a me ka honua; A ʻo Iēhova ka puʻuhonua no kona poʻe kānaka, A me kahi paʻa no nā mamo a ʻIseraʻela.

ZEPANIA 2:14

E moe iho nā ʻohana hipa i loko ona, A me nā holoholona a pau o nā ʻāina; E moe nō hoʻi ka pelikana, a me ke kipoda Ma luna o nā kia pōhaku ona; E hoʻokani ko lākou leo ma nā puka makani ona; He neoneo ma nā paepae puka; no ka mea, e wehe ʻia auaneʻi nā papa kedera ona.

KA HŌʻIKE ʻANA A IOANE KA HAIPULE 1:15

A ʻo kona mau wāwae, ua like me ke keleawe melemele maikaʻi, me he mea lā e lapalapa ana i ka umu ahi; a ʻo kona leo hoʻi, ua like me ka halulu ʻana o nā wai he nui.

KA HŌʻIKE ʻANA A IOANE KA HAIPULE 10:3

kāhea maila ia me ka leo nui, e like me ka uō ʻana o ka liona. A i kona kāhea ʻana, pohā maila ka leo o nā hekili ʻehiku.

KA HŌʻIKE ʻANA A IOANE KA HAIPULE 11:8

A e waiho wale ʻia ko lāua kupapaʻu ma nā alanui o ke kūlanakauhale nui, i kapa ʻia ma ka hoʻohālike, ʻo Sodoma, a ʻo ʻAigupita, ʻo kahi hoʻi i kau ʻia ai ko lāua Haku ma ke keʻa.

KA HŌʻIKE ʻANA A IOANE KA HAIPULE 14:15

Puka maila i waho kekahi ʻānela hou, mai loko mai o ka luakini, hea maila me ka leo nui, i ka mea e noho ana ma luna o ke ao, “E hoʻokomo ʻoe i kāu pahi kākiwi, a e hōʻiliʻili; no ka mea, ua hiki mai ka hora e hōʻiliʻili ai; ua oʻo hoʻi ka ʻai o ka honua.”

KA HŌʻIKE ʻANA A IOANE KA HAIPULE 14:8

¶ Hahai akula ka lua o nā ʻānela, ʻī maila, “Ua hāʻule, ua hāʻule ʻo Babulona, ke kūlanakauhale nui; no ka mea, ua hoʻīnu akula ʻo ia i ko nā ʻāina a pau i ka waina o ka ukiuki no kona moekolohe ʻana.”

KA HŌʻIKE ʻANA A IOANE KA HAIPULE 16:13

A ʻike akula au i nā ʻuhane haukaʻe ʻekolu e like me nā rana, mai loko mai o ka waha o ka deragona, a me ka waha o ka holoholona, a me ka waha o ke kāula wahaheʻe.

KA HŌʻIKE ʻANA A IOANE KA HAIPULE 16:19

A mahele ʻia aʻela ke kūlanakauhale nui, a lilo i ʻekolu, a hāʻule ihola nā kūlanakauhale o nā lāhui kanaka; a hoʻomanaʻo iho ke Akua iā Babulona nui i hāʻawi iā ia i ke kīʻaha o ka waina o ka ikaika o kona inaina.

KA HŌʻIKE ʻANA A IOANE KA HAIPULE 17:18

“A ʻo ka wahine āu i ʻike ai, ʻo ia ke kūlanakauhale nui, e hoʻoaliʻi ana ma luna o nā aliʻi o ka honua.”

KA HŌʻIKE ʻANA A IOANE KA HAIPULE 17:5

A ua palapala ʻia ka inoa ma kona lae, ka mea huna, “BABULONA NUI, KA MAKUAHINE O NĀ WĀHINE HOʻOKAMAKAMA A ME NĀ MEA HOʻOPAILUA O KA HONUA.”

KA HŌʻIKE ʻANA A IOANE KA HAIPULE 18:10

e kū nō lākou ma kahi lōʻihi ʻē aku no ka makaʻu i kona ʻeha, me ka ʻōlelo iho, ‘Auē, auē, ʻo kēlā kūlanakauhale nui, ʻo Babulona, ke kūlanakauhale ikaika! No ka mea, i ka hora hoʻokahi, ua hiki mai kou hoʻopaʻi ʻana.’

KA HŌʻIKE ʻANA A IOANE KA HAIPULE 18:21

¶ Lawe ihola kekahi ʻānela ikaika i ka pōhaku, me he pōhaku kaʻa palaoa nui lā, a kiola akula i ke kai, ʻī akula, “Pēlā e kiola ikaika ʻia aku ai ʻo Babulona, ke kūlanakauhale nui, ʻaʻole hoʻi e loaʻa hou aku.

KA HŌʻIKE ʻANA A IOANE KA HAIPULE 5:2

ʻIke akula au i ka ʻānela ikaika, e hea aʻe ana me ka leo nui, “ʻO wai ka mea pono ke wehe i ka buke, a e ʻākaʻa i kona mau wepa?”