KA HŌʻIKE ʻANA A IOANE KA HAIPULE 18:15 - Ka Baibala Hemolele

¹⁵ “ʻO ka poʻe i kūʻai ia mau mea, a loaʻa ko lākou waiwai ma laila, e kū lōʻihi ʻē aku lākou no ka makaʻu i kona ʻeha, a e uē nō hoʻi lākou me ke kanikau;

KA HŌʻIKE ʻANA A IOANE KA HAIPULE 18:15 Iomraidhean Croise

KA WĀNANA A ʻEZEKIʻELA 27:31

“A e hoʻoʻōhule loa lākou iā lākou iho nou, A e kāʻei iā lākou iho me ke kapa ʻino; A e uē lākou nou Me ke kaumaha o ka naʻau a me ka auē nui.

ZEKARIA 11:5

“ʻO nā kahu o lākou ke pepehi nei iā lākou, a ke manaʻo nei iā lākou iho ua hala ʻole; ke ʻōlelo nei ka poʻe kūʻai lilo aku iā lākou, ‘E hoʻomaikaʻi ʻia ke Akua; no ka mea, ua waiwai au’; ʻaʻole hoʻi i minamina iho ko lākou poʻe kahu iā lākou.

KA ʻEUANELIO I KĀKAU ʻIA AI E MAREKO 11:17

Aʻo maila ia, ʻī maila iā lākou, “ʻAʻole anei i palapala ʻia mai, ‘«E kapa ʻia koʻu hale e nā ʻāina a pau, he hale pule»?’ Ua hoʻolilo aʻe nei ʻoukou ia i «lua no nā pōā».”

NĀ ʻOIHANA A KA POʻE LUNAʻŌLELO 16:19

¶ A ʻike ihola kona mau haku ua lilo ko lākou mea i waiwai ai, hopu maila lākou iā Paulo lāua me Sila, a kauō akula iā lāua i kahi kūʻai, i nā aliʻi;

KA HŌʻIKE ʻANA A IOANE KA HAIPULE 18:12

“ʻO ka waiwai, ʻo ke gula, a me ke kālā, a me nā pōhaku maikaʻi, a me nā momi, a me ka pālule makaliʻi, a me ka lole mākuʻe, a me ka lole paheʻe a me ka ʻula, a me nā lāʻau ʻala a pau, a me nā ipu niho ʻelepane a pau, a me nā ipu lāʻau maikaʻi a pau, a me ke keleawe, a me ka hao, a me ka pōhaku keʻokeʻo,

KA HŌʻIKE ʻANA A IOANE KA HAIPULE 18:13

a me ke kinamona, a me nā mea ʻala, a me ka mura, a me ka libano, a me ka waina, a me ka ʻaila, a me ka palaoa aʻiaʻi, a me ka huapalaoa, a me nā holoholona, a me nā hipa, a me nā lio, a me nā hale kaʻa, a me nā kino, a me nā ʻuhane o kānaka.

KA HŌʻIKE ʻANA A IOANE KA HAIPULE 18:14

“A ʻo nā hua a kou naʻau i kuko ai, ua lilo ia mai ou aku, a ua lilo nō hoʻi nā mea momona a pau, a me nā mea hanohano, ʻaʻole loa e loaʻa iā ʻoe ua mau mea lā.

KA HŌʻIKE ʻANA A IOANE KA HAIPULE 18:19

“A hoʻolei lākou i ka lepo ma luna iho o ko lākou poʻo, a hea akula me ka uē a me ke kanikau, ʻī akula, ‘Auē, auē, ʻo ke kūlanakauhale nui, kahi i waiwai ai ka poʻe mea moku a pau loa ma ka moana, no kona pākela maikaʻi! No ka mea, i ka hora hoʻokahi, ua hoʻolilo ʻia ʻo ia i mea ʻole!’

KA HŌʻIKE ʻANA A IOANE KA HAIPULE 18:3

“No ka mea, ua inu nō ko nā ʻāina a pau i ka waina o ka ukiuki o kona moekolohe ʻana, a ua moekolohe pū me ia nā aliʻi o ka honua nei, a ua waiwai loa ka poʻe kālepa o ka honua, no ka nui loa o kona noho leʻaleʻa ʻana.”